Càr Dăk Lăk yal “Hìu jòng show” sền bơta niam chài kòn cau Rơđê dê
Thứ ba, 13:12, 18/08/2026
Cau mblàng Ndong Brawl/VOV Tây Nguyên
Cau mblàng Ndong Brawl/VOV Tây Nguyên
VOV.K'Ho- Mang òr (17/08), tàm Hìu prăp gàr phan kwơ yau càr Dăk Lăk, tàm broă bơyai Lơh chờ Sầu riêng càr Dăk Lăk nam 2026, Sờh Niam chài, Tàp pràn să jan mờ Lòt nhơl càr yal broă lơh đơs crih tamya mờ tơngu me “Hìu jòng show”.
Broă lơh do geh lơh wơl rài kis niam chài ờs mờng bơh kòn cau Rơđê dê jăt broă lơh jơnang đơs crih tamya, pơgồp bal broă lơh đơs crih tamya mờ măi mok pa. Cau sền geh tề lam bal bơh ală bơta bè ờs tàm rài kis niam chài, nùs nhơm tàm hìu jòng dê.
Jơnau đơs pơn đik, săp dròng cing, phan uh, phan teh ờs mờng, jơnau yal yau, broă lơh yàng mờ rài kis mpồl bơtiàn geh pơgồp bal mờ bơta niam àng gơcrà bơh ồs đèng dê. Ală cau chài bal mờ cau lơh tus bal ndrờm là kòn cau Rơđê, jơh ală broă lơh geh ngui dà đơs kòn cau Rơđê dê lơm. Show geh bơyai lơh tus jơh ngai 19 nhai 8, pah mang geh lơh tàm 2 tŭ tàm tŭ 7 jơ nggùl mờ 8 jơ nggùl.
Viết bình luận