Broă lơh đơs crih tam ya cribơyai chính trị “81 kàl lơngăp lơngai”
Thứ hai, 10:54, 17/08/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Tàm mpràp Rùp mòn “Chơ̆t phi să ai Dà lơgar in lơngăp lơngai” mờ drà Đinh Tiên Hoàng, Kwang àng ƀòn dờng Hà Nội pơgồp bal mờ Hìu đơs lơh lèo Hà Nội mờ Hìu Đơs crih tam ya Dà lơgar Việt Nam bơyai lơh broă lơh đơs crih tam ya cribơyai chính trị “81 kàl lơngăp lơngai”
Broă lơh geh lơh di dơ̆ tơngkah kir sơnrai 81 nam Ngai bơhiàn Kwang àng Làng bol, 81 nam Kăc màng Nhai 8 mờ Ngai sơntờm dà lơgar 2/9. Broă lơh geh bơyai lơh gơ gơs 3 tăp: “Ală bơta lơngăp lơngai”; “Gàr lơngăp lơngai càr lơgar” mờ “Lơngăp lơngai tàm rài pa”, lơh tơngŏ wơl gùng lòt kah yau, niam chài bơh Hà Nội dê, mơkung lơh nền ală tă pơgồp, bơta phi să ngềt ngơ̆t bơh ală rơnàng kwang bàng, cau ling Kwang àng càr lơgar dê tàm gùng lòt sền gàr rài kis lơngăp lơngai làng bol in.
Ală gùng đơs crih duh hồl, kơnòm să mblàng jơnau yal bè dùl mpồl Kwang àng càr lơgar pơn jat tai tam gơl pa, ngui jak chài, măi mok, tơnguh uă cồng nha lơh broă, tài Làng bol drơng broă, pơgồp bơnah bơt bơtàu Hà Nội ngai sơlơ niam jak, pa ngan mờ lơngăp lơngai.
Viết bình luận