Mho ngai 18/8, Ală mpồl lơh lòt nhơl Việt Nam geh dơ̆ lơh broă mờ Sờh Niam chài, Tàp pràn să jan mờ Lòt nhơl càr Dăk Lăk nàng bơt bơtàu broă rơndap lơh bơtàu tơnguh phan bơna di mờ tơl bơnah drà kă bro dê, lơh gơs ală phan bơna tiơng pơn rơ krơi is nàng tơnguh bơta pràn tàm pơrlòng.

Bơh bồ nam tus tŭ do, càr Dăk Lăk wă mờr 7 tơlak 300 rbô dơ̆ nac lòt nhơl, gơguh rlau 36% pơndrờm dùl tŭ bal mờ nam lài. Tàm hơ̆, nac ală lơgar geh mờr 107 rbô 500 dơ̆, gơguh mờr 45%, nac tàm lơgar geh mờr 7 tơlak 200 rbô dơ̆. Kờp jơh priă lơh geh bơh lòt nhơl kờp dŭ geh mờr 13 rbô 500 tơmàn đong, gơguh rlau 36%. Ồng Nguyễn Hồng Hải, Phó Chủ tịch ală Mpồl lơh lòt nhơl Việt Nam đơs là, mờ phan kuơ geh is li la, bơta kuơmàng bơh càr Dăk Lăk dê tŭ do là pal rơ wah di bơta ƀuơn, bơta pràn nàng lơh gơlik ală phan bơna cèng bơta krơi is.