Broă lơh do nàng pờ geh ală broă lơh broă bal mùl màl, rơhờp tam gơl bơta geh gơs phan, drà kă bro mờ mpồl cau năc mùl màl đah càr Lâm Đồng mờ lơgar Ấn Độ dê.

Tàm broă Tìp măt tơrbŏ bal mờ lơh broă bal bơtàu tơnguh lòt nhơl đah càr Lâm Đồng mờ lơgar Ấn Độ, geh 15 mpồl lơh sa kă bro, mpồl lơh broă kă bro lòt nhơl tus bơh lơgar geh gal làng bol ngan tàm dunia dê đơs bè lơgar Việt Nam là anih tus pa pơnrơ geh bơta pràn hòi jà dờng ngan kơnờm bơh ù tiah niam, priă tă di pal. Ồng Võ Thành Huy, Phó Kwang lam bồ Sờh Niam chài, Tàp pràn să jan mờ Lòt nhơl càr Lâm Đồng pà git, bơh broă git wă nền nòn jơnau kờñ bơh cau năc lòt nhơl lơgar Ấn Độ dê, càr Lâm Đồng rơ̆p bơ̆t bơtàu ală phan lòt nhơl di pal, niam mờ bơta pràn tàm pơrlòng nàng hòi jà cau năc.