VOV.K’Ho- Tàm tiah nhàr lơgar gơwèt ală sàh Tuy Đức, Đăk Wil, càr Lâm Đồng dê gùng che đèng dà lơgar geh dŭi tus tàm ală tiah làng bol ơm kis ngài ngan, pơgồp bơnah bơtàu tơnguh lơh sa tàm sền gàr gơnoar tờm dà lơgar. Đèng cèng pràn kis pa tus mờ tiah nhàr lơgar.

VOV.K’Ho- Pah dơ̆ kàl mìu tus, uă hìu bơnhă làng bol ơm tàm tiah dà dờng Ayun, gơwèt sàh Ia Hiao, càr Gia Lai den rơngòt dà gơguh tih, pơhìn tus màng kis mờ phan bơna. Nàng dong làng bol geh rài kis lơngăp lơngai rlau, càr Gia Lai neh lam lơh Rơndăp broă lơh rơndăp tăp sèng tiah ơm kis pa tơrgùm bal ai tiah trồ tiah lơh aniai tàm sàh Ia Hiao in. Tơngai pa do, mờ bơta ring bal bơh làng bol dê, dùl tiah ơm kis pa gam rơ hời lơh geh, dong làng bol lơngăp lơngai tiah ơm kis lơh broă.

VOV.K’Ho- Bơh ală ƀòn neh đềt mềr bơh uă rơnàng, uă mpồl bơtiàn làng bol ơm kis tàm Dăk Lăk pa mut tàm dùl dơ̆ rơndăp tăp sèng pa. Do ờ mìng là broă rơndăp wơl ală thôn, ƀòn, jơnum làng bol tiah drà jat jơnau sồr tơrmù dipal mpồl kwang bàng lơm, mờ gam là jơnau kờp sền bơnĕ bơnài bal đah tơnguh cồng nha atbồ mờ sền gàr ù tiah niam chài, srơh mờ bơta tam klăc bal mpồl bơtiàn. Tàm sơnah ƀòn Ea Kao, broă lơh rơndăp tăp sèng neh lơh geh bơta ring bal bơh tàm ƀòn.

VOV.K’Ho- Càr Dăk Lăk gam tam gơl rơ hời bơh kơlôi sơnơng pờ ơnàng bă ù lơh sa broă lơh sa suơn sre tus tơnguh bơta kwơ tàm tơl bă ù. Bal mờ broă lơh geh ală tiah lơh sa ngui măi mok pa, bơtàu tơnguh broă lơh sa suơn sre tàm pơ dar mờ rcang ù tiah gơ hòi gơ jà mpồl lơh sa kă bro dờng, càr hời rơ hời bơt bơtàu broă lơh sa suơn sre tơngai pa mờ kơ̆ kơnhăp.

VOV.K'Ho - Tềng ală rơnưng grồi sàh Tu Mơ Rông, càr Quảng Ngãi gơ wèt kơnhoàl Tu Mơ Rông, càr Kon Tum yau, rlau 1 tơlak tờm kơphê pa geh tam pa, sơnđờm broă gơgơs tiah tam phan tơrgùm bal, lơh gơlik geh broă lơh broă sa kơnhăp jŏ ai làng bol kòn cau Sơdàng in.

VOV.K’Ho – Lơh jat jơnau lơh nền tơrmù dipal mpồl lơh broă sră pơ àr gơnoar atbồ, ală sàh, sơnah ƀòn, tiah is ồn tàm càr Lâm Đồng gam jal mhar lam lơh broă rơndap lơh rơndap tap sèng, tơrgùm dùl thôn, jơnum làng bol tiah drà jat gùng dà tơrmù rlau 50% mpồl atbồ tàm kâp hơđơm. Broă lam lơh geh lơh loh làng, làng bol lơh tờm, wèt tus tơngume cồng nha đơng lam broă mờ ngui geh cồng nha ală bơnah priă jền.

VOV.K’Ho- Bơh dùl ƀòn dà lềng gơtìp trồ tiah lơh aniai tơrlah tơrling jơh, tŭ do, Ƀòn Rớ, càr Dăk Lăk, gơ gơs tiah tus bơh uă ngan làng bol mờ năc lòt nhơl tàm gùng lòt sền gĭt dê. Is ồn tiah do ngai sơlơ gơ hòi gơ jà rlau tai tŭ gơl bơtơ̆t dà lềng Xóm Rớ mờ ală jrong brê tông kơryan rơya dà lềng (geh tiah hòi là nsừc dà lềng) geh glòm mờ ală dà niam ngan, lơh geh dùl rùp rài pa ngan, bềng bơta pràn kis

VOV.K’Ho- Ală ồng kra pà kơnòm dềt in dùl nơm tờm kơnuh sơnơm Ngọc Linh ala mờ priă siêu kah ngai deh. Mờ tờm kơnuh sơnơm hơ̆, 10 nam tơnơ̆, geh đơs là dùl jơtài phan bơna dờng. Geh cau lòt jơng jơh dùl ngai gùng nàng càn 20 tơlak đong, tŭ do neh geh suơn kơnuh sơnơm gĭt nđờ rơhiang tơmàn đong. Tàm tiah neh rƀah ngan rlau jơh lơgar dê, kòn cau Sơdàng gam mpồn tàm brê dờng dùl jơnau ndơ̆p lơh khi in gơ gơs cau priă tơmàn; mờ jơnau ndơ̆p hơ̆, krơi ngan, khi ờ gŏ gàr is ai să tờm he dê ờ.

VOV.K’Ho- Kàl mìu Tây Nguyên neh sơnđờm, gam lơh geh uă bơta kơn jơ̆ tŭ tơngai mut lơh gơwèt mờ Rơndăp broă lơh bơt bơtàu ală hìu bơsram ơm sa bĭc tơn kấp dùl mờ kấp bàr tiah nhàr lơgar tàm càr Gia Lai. Nàng chồl mhar tŭ tơngai mut lơh hìu bơsram, 500 nă kwang bàng, cau ling bơh ală mpồl ling phàu crong neh ai ling dong kờl ală mpồl lơh broă, tă bơsong kal ke bè mpồl cau, pơnđơl pràn ai broă lơh bơt bơtàu mut ngui lài mờ nam bơsram 2026-2027 sơnđờm mut bơsram.

VOV.K’Ho- Là cau bơngă pin dờn tàm sàh Hàm Thuận Bắc, càr Lâm Đồng, ồng Thông Long ờ mìng là rƀàng tàm tơrbŏ bal đah kấp ủy, gơnoar atbồ mờ làng bol kòn cau Prum lơm mờ gam tiơng pơn rơ là cau lam lài tàm broă uh kèng saranai. Ồng Thông Long neh gơ gơs mpồl tờm, pơgồp bơnah bơt bơtàu ƀòn lơgar pa mờ sền gàr bơhiàn niam chài kòn cau Prum dê.