VOV.K'Ho- Mŭt tàm nam pa 2026 tàm ƀòn cau Prum sàh Bắc Bình, càr Lâm Đồng pơn jăt tai gŏ mờ uă bơta niam. Rài kis hờm ram, gơboh gơbài hơ̆ ờ mìng là broă tam gơl bè muh măt ƀòn lơgar mờ gam là broă lơh sa hìu nhă bal mờ bơta niam rài kis bơh uă hìu nhă làng bol kòn cau Prum tàm do dê.

VOV.K'Ho- Tiah đah măt tơngai mŭt càr Gia Lai, do là ală ƀòn gam uă kal ke, ngai sơlơ geh uă cau kơnòm să jơi bơtiàn ờ gal cau khin kơlôi, khin lơh, rơcang lài jòi geh gùng dà broă lơh pa nàng brồ guh tơn bơh tàm bă ù ƀòn lơgar dê. Ờ nggồr nggàc, broă mŭt lơh broă bơh ală cau do dê sơn đờm bơh ală broă bè ờs ngan bơh ală broă lơh ờs mờng, phan geh lơh krơi is bơh ƀòn lơgar dê ha là lơh ngan bơsram dùl broă lơh nàng git wă.

VOV.K’Ho- Lik bơh ƀòn lơgar tờm Cao Bằng mut tàm Tây Nguyên ơm kis lơh broă, làng bol kòn cau Nùng tàm sàh Tam Giang, càr Dăk Lăk neh hời rơ hời bè ờs wơl rài kis, brồ guh bơtàu tơnguh đau. Tàm ù tiah pa, tàm ală suơn kơphê ơning ơnàng, tàm ală tiah hìu rơng ờs mờng là rài kis neh tơl làm mờ bè ờs bơta kwơ niam chài bơh yau dê.

VOV.K’Ho- Tàm ală broă lơh duh hồl ngan bơh lòt nhơl Tây Nguyên dê, Gia Lai gam rơ hời đơs nền bơta kwơ tiah kơh bơnơm tơlir cèng bơta barah barài bơh yau bal mờ uă ù tiah hàng niam uă ngan. Bơh ală bơta hơ̆, càr jơh nùs lơh nền rơwah gùng lòt bơtàu tơnguh lòt nhơl ƀòn brê bơnơm pơgồp bal mờ prap gàr, hời rơ hời pờ ơnàng ù tiah bơtàu tơnguh, wèt tus ai lòt nhơl gơ gơs dùl broă tờm lơh sa kwơ màng tàm tơngai lơh broă pa.

VOV.K'Ho- Tàm rài kis tiah làng bol jơi bơtiàn ờ gal cau tàm càr Dăk Lăk, bal mờ mpồl lơh broă cíñ trị, mpồl cau geh bơngă pin dờn gàr gơnoar kwơ màng tàm broă tơnguh nùs nhơm tam klăc bal gùt jơi bơtiàn, sền gàr bơta lơngăp lơngai mờ lơh pràn broă bơtàu tơnguh lơh sa mpồl bơtiàn. Ală cau do geh pơnyơu bè ală “anih kơl dìng nùs nhơm” mơya kơl jăp tàm nùs nhơm làng bol dê, là cau tơrbŏ bal pin dờn đah kấp ủy, gơnoar atbồ mờ Làng bol tàm ƀòn lơgar dê.

VOV.K’Ho- Tơnơ̆ tŭ mìu dờng dà tih dà lìui, ƀlàng bràs dà lềng Nha Trang geh wàs sàng goh, gàr niam lơngăp lơngai mờ lơh broă lòt nhơl rê wơl bè ờs. Ƀlàng bràs dà lềng tơlir niam, drơng broă hô hơng, năc lòt nhơl gal ngan pà gŏ bơta pràn kis pràn kơl dang bơh tiah tus lam lài Khánh Hoà dê.

VOV.K’Ho- Ƀòn Canh Tiến, gơwèt sàh Canh Vinh, càr Gia Lai mờ uă ngan là làng bol jơi bơtiàn dồ ết nă cau ơm kis. Bơh nhai 4 nam do, tŭ bơta àng gùng che ồs đèng Dà lơgar dê gơcrà tàm ală thôn tiah kơh bơnơm kal ke, dùl rài kis pa neh ngan ngồn pờ geh. Mìng rlau nggùl nam, ồs đèng neh cèng wơl bơta tam gơl pràn ngan ai làng bol tiah do in.

VOV.K’Ho- Bơcri priă bơt bơtàu drà tiah kơh bơnơm là broă lơh tờm tàm broă lơh kươ màng bơtàu tơnguh kă bro phan tiah kơh bơnơm bơh càr Quảng ngãi dê. Bal mờ broă lơh sir rơndăp ù tiah, gơ hòi gơ jà bơcri priă mpồl bơtiàn lơh bal mờ lam lơh ală broă lơh jơnau kờñ Dà lơgar, tiah do gam hời rơ hời lơh geh bơt bơtàu drà pa, pơgồp bal lơh sa mờ tăc bro phan, dong làng bol tiah kơh bơnơm tơnguh uă priă lơh geh, tam gơl niam rài kis.

VOV.K’Ho- Ală nam do, kơnờm lam lơh geh cồng nha ală broă lơh tơrmù rƀah bơh Cíñ phủ dê, bè: Dong kờl broă lơh sa, ù ơm, ù lơh sa, hìu ơm... tàm tiah làng bol jơi bơtiàn dồ ết nă cau, gĭt nđờ rơbô hìu bơnhă làng bol tàm uă ƀòn drà dờng Ayun Pa (yau), càr Gia Lai neh hời rơ hời lik klàs rƀah. Tàm khà ală broă lơh geh lam lơh, broă lơh dong kờl kơnrồ dra nàng làng bol in bơtàu tơnguh ròng phan neh cèng wơl cồng nha loh làng. Kơnờm bơta tơryang tơryồng ròng phan, kơnrồ bơh jơh ală hìu bơnhă dê ndrờm deh kòn bè cồng nha, tơnguh uă priă lơh geh mờ lik klàs rƀah.

VOV.K'Ho- Tơnơ̆ 4 nhai lơh jăt broă lơh tơrlòng lài gơnoar atbồ bàr kấp, ală sàh tàm càr Quảng Ngãi neh gàr niam broă lơh geh lơh sùm. Mơya, tàm tơngai sơnrờp mŭt lơh broă, uă tiah kung gam tìp uă kal ke bè cau lơh broă, bơta gĭt wă tàm broă lơh mờ phan bơna măi mok yal tơngĭt. Càr Quảng Ngãi gam pơn jăt tai lam lơh ală broă lơh bơsong tă bơsong, dong kờl kâp hơđơm lơh broă geh cồng nha rơlao.