VOV.K’Ho- Sàh Đak Sơ Mei – tiah pôs đồng kăc màng - Ƀòn tờm Cau khin cha jak chài Wừu dê tàm càr Gia Lai, gam “tam gơl muh mat” bềng lìu bơta pràn kis pa. Rài kis hờm ram pah ngai tus mờ làng bol tàm tiah pôs đồng kăc màng do dê.

VOV.K'Ho- Tơnơ̆ tŭ lơh jăt gơnoar ătbồ ƀòn lơgar bàr kâp, bơnah broă tàm kâp sàh gơguh uă nđờ dơ̆. Tềng đăp bơta kơn jơ̆ hơ̆, mpồl kwang bàng kâp hơđơm tàm tiah bơnơm càr Quảng Ngãi neh rơcăng lài rơndăp tăp sèng broă, lơh tai bal uă broă, lơh ngan “ơnòng broă” nàng kờñ gàr lơh broă gơlòt sùm mờ drơng làng bol in. Broă rềp làng bol, wă wờng làng bol kung dong kwang bàng di tŭ gĭt, bơsong ală broă gơlik bơh kâp hơđơm tơn.

VOV.K’Ho- Gĭt nđờ rbô nơm rơkàng hìu kiă pơrhê rềp bal ơm rềp kềng gah dà lềng. Ală hìu 3 cơldŭ tềl lời wơl jat tŭ tơngai lòt jat ală gùng lòt ƀòn rơkuĕt rơkue sàng goh ngan. Tiah anih ơhò ơm uă ngan ka ti pah tŭ àng drim gờñ mờ mho mang tŭ plung rê tus. Ƀlàng bràs dà lềng bràs rơmĭt bal mờ dà tơlir niam. Jơh ală bơta bơnĕ bơnài bal lơh geh ù tiah dà lềng pơn rơ niam ngan... Hơ̆ là ƀòn Lò, dùl ƀòn yau ơm kềng gah dà lềng gơwèt sơnah ƀòn Hòa Hiệp, càr Dăk Lăk, dùl pơn yơu rềp mềr ngan bè lơh lòt nhơl tàm bơta phan lời wơl dê.

VOV.K’Ho- Càr Lâm Đồng gam bơcri priă lơh ndrờm bal, lơh pa Anih tờm drơng broă sră pơ àr gơnoar atbồ dà lơgar kấp sàh, tơnguh uă bơta niam bơsong sră pơ àr. Gơwèt mờ phan bơna bơt bơtàu sồ geh tơngguh tai, broă rơndăp tăp sèng song dơ pă loh làng, kấp sàh gơgơs “anih kơldìng” rềp làng bol, di broă.

VOV.K’Ho- Tàm thôn Phú Hạnh, sàh Tuy An Đông, càr Dăk Lăk geh dùl nơm ƀòn yau gĭt nđờ rơhiang niam. Tiah do geh uă cau hòi kà “Ƀòn Lŭ ” tài bơh geh uă broă lơh bơt bơtàu krơi ngan bè dùl tiah prăp phan kwơ lŭ yau geh is dê. Tŭ do ƀòn do kung gam uă tềl lời wơl bơh tơrlung dà lŭ yau, gùng lŭ, tơrñăng lŭ, pơngàr lŭ halà ală hìu lŭ yô yau ngan. “Ƀòn Lŭ” tŭ do gam gơ hòi gơ jà uă năc lòt nhơl tus sền tài bơh bơta niam is rơmis mờ gơ gơs tiah tus pa pơn rơ tàm gùng lòt sền gĭt ù tiah Phú Yên lài do dê.

VOV.K’Ho- Tơnơ̆ 51 nam tơngklàs, 40 nam tam gơl pa, uă ƀòn lơgar tàm càr Dăk Lăk neh lik bơh tiah lơh is sa is, nàng mut bal tàm gùng lòt bơtàu tơnguh bal bơh Dà lơgar dê. Gùng lă cài tàm tơrbŏ ƀòn lơgar mờ drà, ƀong đèng àng rê tus tàm hìu rơng; oh kòn lòt bơsram tiah ngài den hơ̆ sồng rê wơl tàm ƀòn lơgar, cèng jat bal bơta gĭt wă pa, bồ tơngoh kơlôi sơnơng pa, pơgồp bơnah lơh geh ală tam gơl niam ngan tàm rài kis mpồl bơtiàn. Mơya bơta pal đơs ngan là ờ mìng ơm tàm ală khà sồ gơguh lơh sa, bơtàu tơnguh. Ndơ̆p tơnơ̆ pơn jat rài kis tơngai pa hơ̆ dê là dùl bơta kwơ gam geh sền gàr ngềt ngơ̆t mờ kơ̆ wền tàm uă ƀòn lơgar: gơlơh gơboh gơbài geh bơh bơhiàn niam chài is bơh mpồl bơtiàn, jơi bơtiàn he dê tơn.

VOV.K’Ho- Ngai hìng 15/3, cau tĕ khà gùt lơgar rơ̆p tus bal tĕ khà Cau ala mat Quôk hội khoă XVI mờ Cau ala mat Mpồl duh broă Làng bol tơngai lơh broă bơh nam 2026-2031. Tàm càr Dăk Lăk, bal mờ ală broă lơh rcang bè bơyai lơhniam ngan, broă lơh mblàng yal geh lơh pràn mờ uă broă lơh ngăc ngar. Is ồn, broă dờp pang sră tĕ khà tus tàm tê cau tĕ khà in neh mờ gam geh lam lơh làm bă tiah, dong yal tơngĭt jơnau bè dơ̆ tĕ khà gơrề uă jrô ơnàng, lơh geh nùs nhơm wèt tus mờ ngai chờ dờng bơh gùt làng bol dê.

VOV.K’Ho- Bơh mùl màl rài kis gam uă kal ke bơh cau ùr tiah Dà Long, càr Lâm Đồng dê mờ jơnau lơh nền tam gơl rơndap tap sèng chi tam tàm ƀòn lơgar, nhai 2 nam 2023, Mpồl lơh bal cau ùr tam tờm zơu ròng tu sàh Dà Long (lài do) geh crơng gơs, lơh gơlik gùng dà lơh sa pa ai oh mi cau ùr in. Mờ broă lơh ngac ngar, chài ngan, ai cồng nha ngan ngồn nàng lơh gơlik bơta pin dờn, broă lơh neh dong uă hìu bơnhă geh tai priă jền lơh geh sùm, rơhời brồ guh lik klàs rƀah. Lơh bè lơi nàng lơh geh cồng nha do? Bi Cil Salamôn, Phó Củ tịc Mpồl cau ùr sàh Dà Long lài do – là cau hòi jà tơn, lam lơh mờ atbồ broă lơh tŭ hơ̆ - yal bơh dơ̆ tơm boh bơr tơnơ̆ do:

VOV.K’Ho- Tàm sàh Dam Rong 4, càr Lâm Đồng, broă lơh Mpồl lơh bal cau ùr tam tờm zơu ròng tu gam hời rơ hời đơs nền cồng nha, gơ gơs gùng lòt di pal tàm tam gơl rơndăp tăp sèng phan tam, lơh geh broă lơh sùm ai uă hìu bơnhă cau tàm mpồl cau ùr kòn cau K’Ho in. Bơh ală bă ù tam kơphê ờ hoan geh cồng nha, uă hìu bơnhă neh khin cha tam gơl tus tam tờm zơu, ròng tu, hời rơ hời tơnguh uă cồng nha priă lơh geh mờ tam gơl niam rài kis. Bơh hơ̆, lơh geh bơta tam klăc bal đah ală cau tàm mpồl bơh broă tam pà bal mờng chài rơ̆ ru lơh sa, dong kờl bal mờ gơ̆p bè bơta chài tam phan mờ phan bơna măi mok, mơkung pơgồp bơnah tam gơl bơta gĭt wă, tơn jơh rơ hời ală bơhiàn yau bơrngơl gơla tàm broă lơh sa.

VOV.K’Ho- Dăk Lăk là tiah geh uă bơta ƀuơn bơta pràn broă lơh sa suơn sre mờ uă phan bơna bơkah pơn rơ neh đơs nền mat kă bro. Tàm ală ngai sơnam pa, làng bol mờ năc lòt nhơl geh dơ̆ sền gĭt loh rlau tai bơta kwơ bơh ală phan bơna OCOP dê bơh tơl phan sa geh ràng tàm kƀàng hùc dà cề, tơl bơta bơkah gơ rề uă tàm hìu bềp. Bơh kơphê bơkah pơn rơ, dà lơwe, plai chi pơr ro tus ală bơta gar pràn să, ală phan bơkah pơn rơ cèng bơta bơkah ƀòn lơgar dê tŭ do neh gơ gơs bơta tờm niam ngan, pơgồp bơnah lơh geh “bơta bơkah sơnam pa” rềp mềr, pa ngan tàm tơl hìu bơnhă dê.