K’Ho- Bŭ lah neh tàm sơnam “lài do ờ hoan geh”, uă cau ùr dờng sơnam tàm càr Dăk Lăk kung gam tus bal ală broă lơh mpồl bơtiàn, lơh pràn broă lơh tàm ƀòn lơgar ha là pơgồp bal tàm broă bơtàu tơnguh lơh sa hìu nhă. Ală cau ùr do neh mờ gam ngui gơnoar, ai tơngŏ nùs nhơm kơ̆ dơn bơh cau ùr Việt Nam dê “jăk broă dà lơgar, tơriang broă hìu”, là ală cau lam lài pơnrơ ngan tàm broă bơ̆t bơtàu hìu nhă niam chài, hờm ram, gơboh gơbài tàm ală ƀòn ơm kis.

VOV4.K’Ho- Tơnơ̆ rlau 4 nhai lam lơh, Jơnau neh lơh nền bơh Ƀộ Kwang àng dê bè lơh 1 rơbô 200 nơm hìu pà ală hìu bơnhă rƀah, làng bol ală jơi bơtiàn dồ ết nă cau mờ hìu bơnhă geh sră dong kờl dà lơgar kal ke tàm càr Dăk Lăk in, neh lơh sir. 1 rơbô 200 hìu bơnhă neh iang nùs ơm kis lơh broă sa tàm ală hìu ơm pa, iang nùs lơh broă sa, brồ guh lik klàs rƀah. Jơnau neh lơh nền uă bơta geh kwơ bơh Ƀộ Kwang àng dê kung pơgồp bơnah lơh mhar broă lơh bơt bơtàu ƀòn lơgar pa tàm càr Dăk Lăk, dong càr in gờñ lơh geh jơnau kờñ lơh 5 rơbô nơm hìu pà ală hìu bơnhă rƀah in tàm tơngai bơh nam 2022-2025.

VOV4.K’Ho- Gĭt nền Ci ƀộ Đảng pràn là ală ci ƀộ, ală đảng viên niam, tơngai do, Đảng ƀộ xã Yang Bắc, kơnhoàl Đăk Pơ, càr Gia Lai neh lơh jăt ndrờm bal, geh cồng nha ală broă lơh tơngguh uă cồng nha mpồl Đảng, kwang bàng, đảng viên dê. Kơnờm bè hơ̆, lơh broă lơh đảng tiah do neh geh ală bơta tam gơl uă, is ồn là dong làng bol kòn cau Bahnar klàs rƀah mhar, kơ̆ kơl jăp uă broă, lơh geh rùp să niam àng sơrdah tàm tiah pôs đồng kăc màng do.

VOV4.K’Ho- Ală nam pa do, tơrmù rƀah kơ̆ kơl jăp là dùl tàm ală kơnòl broă tờm bơh ƀòn dờng Pleiku, càr Gia Lai dê. Uă broă lơh dong kờl drơng broă lơh sa neh lơh geh cồng nha, dong làng bol lik klàs rƀah mờ tam gơl niam bơtàu tơnguh rài kis làng bol dê. Dùl tàm ală broă lơh pơn rơ ngan là “Rơndăp broă lơh lơh li la broă lơh broă sa, bơtàu tơnguh broă lơh tơrmù rƀah” neh dong uă hìu bơnhă kal ke in brồ guh.

VOV4.K’Ho- Bơh bồ nam 2023, jăt Jơh lơh nền bơh Thủ tướng Cíñ phủ dê sồ 148, drơng broă lòt nhơl mpồl bơtiàn, lòt nhơl ƀòn brê bơnơm mờ anih lòt nhơl là dùl tàm 6 mpồl phan bơna bơh Broă lơh tơl xã dồ phan bơna (OCOP). Bè hơ̆ mơya, tài bơh ờ geh bơta pơgồp bal, lơh bal kờñ pal geh, tơnơ̆ rlau 1 nam nggùl lam lơh, Dăk Lăk kung gam ờ hềt lơh geh sơl phan bơna OCOP lòt nhơl nhơl.

VOV4.K’Ho- Lơh jăt Jơnau lơh nền tàm pơrjum sồ 07 ngai 03/03/2003 bơh Mpồl Lơh kơnòl broă sùm Tỉñ ủy càr Dăk Lăk dê bè “Tơngguh tai bơta đơng lam bơh Đảng dê tàm thôn, ƀòn, mpồl làng bol tiah drà”, 20 nam do, càr neh geh 1 rbô 780 anih lơh broă, mpồl lơh broă, mpồl lơh sa kă bro lơh oh mi bal mờ 556 ƀòn làng bol jơi bơtiàn dồ êt nă cau. Bơh ndo, gĭt nđờ rbô broă bơ̆t bơtàu, bơnah broă geh kwang bàng, cau lơh phan, viên cưk, cau ling mpồl phàu crong tàm ală anih lơh oh mi bal tàm sơm băt tê bal lơh jăt, pơgồp bơnah lơh kơ̆ kơl jăp mpồl tam klăc dờng jơh gùt làng bol, dong kờl bal làng bol brồ guh, yờ tơngguh uă bơta niam rài kis dê.

VOV4.K’Ho- Lơh jat broă lơh “Mè dong kờl” bơh Mpồl tam klăc cau ùr dà lơgar Việt Nam dê lam lơh, ală kấp mpồl cau ùr tàm càr Lâm Đồng neh geh ală broă lơh geh ngan, geh kwơ, gơ gơs “tiah kơldìng” bơh kơnòm dềt kòn đời dê in. Bơh hơ̆, dong ală kơnòm dềt gĭt geh nùs nhơm ram mhŭ, kờñ gơboh, geh tai bơta gơn kơnờm brồ guh.

VOV4.K’Ho- Tàm nam 2020, ƀòn dờng Gia Nghĩa là mpồl lơh broă kấp kơnhoàl sơnrờp bơh càr Dăk Nông dê lơh sir broă lơh jơnau kờñ dà lơgar bơt bơtàu ƀòn lơgar pa mờ jơh 2 xã lơh sir broă lơh ƀòn lơgar pa. Mut tàm tơngai pa, Gia Nghĩa ai tai ală jơnau kờñ pơnđơl pràn lơh ngan uă rlau tai mờ jơh nùs lơh ngan bơt bơtàu ală tiah ƀòn lơgar kơ̆ lơh sa, cèng bềng bơhiàn niam chài mờ bềng nùs nhơm kờñ gơboh bal. Ală dơ̆ hòi jà, ală broă lơh geh jơh nùs lam lơh mờ gùng dà broă lơh “làng bol gĭt, làng bol cribơyai, làng bol lơh, làng bol sền gròi” neh cèng wơl ală cồng nha geh ngan.

VOV4.K’Ho- Tiah pôs đồng tam lơh H9 càr Dăk Lăk tàm rài tam dră mờ cau sò tơm Mỹ thàm phà dà lơgar, tŭ do uă ngan là ù tiah 4 xã tiah sar lơgar ngài Krông Bông, geh: Cư Pui, Cư Drăm, Yang Mao mờ Hoà Phong. Mờ nùs nhơm kơ̆ dơn dồ nùs bal bơh kòn cau Rơđê, M’nông dê, bal mờ ù tiah kal ke ngan bơh bơnơm Chư Yang Sin, H9 là tiah dong kờl, jơm glòm ai Đảng ƀộ càr Dăk Lăk in tàm ală tŭ tơngai bơh nam 1965-1975. Đòm jat bơhiàn kăc màng, tiah pôs đồng tam lơh H9 neh geh bơta bơtàu tơnguh tơl làm mờ gam tam gơl pah ngai.

VOV4.K’Ho- Đơs tus cau geh bơngă pin dờn tàm tiah làng bol jơi bơtiàn dồ êt nă cau, jơh tơl nă cau sùm kơlôi tơn tus ală kra ƀòn, cau dờng sơnam. Bulah bè hơ̆, gơ wèt mờ làng bol kis tàm ƀòn Labouye A, xã Lạc Xuân, kơnhoàl Đơn Dương, càr Lâm Đồng, cau geh bơngă pin dờn geh làng bol kờñ gơboh mờ ki ngàm mìng rlau 40 sơnam lơm. Hơ̆ là Ya Dũng, dồ nă đảng viên gam kơnòm să mờ là Kwang ătbồ thôn. Bơh tài mờ Ya Dũng geh làng bol pin dờn pồ lơh là tài bơh tàm gơnoar broă lơh, bi kung sùm là cau lơh krơh lòt lài.