VOV4.K’Ho- Bơh ù tiah lời gời tơnơ̆ tam lơh, kơnờm sền gĭt di mờ lơh jat niam geh bơta ƀuơn bơta pràn lòt nhơl, tiah kơh bơnơm Măng Đen, kơnhoàl Kon Plông, càr Kon Tum tŭ do neh gơ gơs dùl tiah tơrgùm tàm gùng lòt sền gĭt Tây Nguyên dờng ơning ơnàng bơh năc lòt nhơl rềp ngài dê. 50 nam tơnơ̆ ngai tiah đah Tô- đah Jum tơrgùm dùl hìu, kơnhoàl ù tiah mờ tiah tam lơh cui rơcang Măng Bút, Măng Đen mờ 7 tơnau 3 ñrùh dà ndu gơn rơh lài do dê, tŭ do gam ơm tềng đăp tŭ tơngai niam brồ guh lik tus dà lềng dờng tŭ càr Quảng Ngãi mờ Kon Tum geh Dà lơgar sồr tơmŭt bal.

VOV4.K’Ho- Bulah nhai 3, Nhai Ơruh pơnu neh tơn jơh, mơya ală broă lơh wèt rê mờ mpồl bơtiàn, tàm hơ̆ geh srơh bơt bơtàu ƀòn lơgar bơh Đoàn Ơruh pơnu càr Lâm Đồng dê kung gam pơn jat tai jơh nùs lam lơh, pơgồp bơnah lơh jat niam gơnoar broă lam lài bơh rơnàng kơnòm să lam lài tàm tus bal bơtàu tơnguh lơh sa- mpồl bơtiàn, tam gơl sồ.

VOV4.K’Ho- Sàh Tà Nung, ƀòn dờng Dà Làc, càr Lâm Đồng, dùl tiah geh uă ngan làng bol jơi bơtiàn dồ ết nă cau ơm kis, gam hời rơ hời tam gơl să pràn ngan tàm broă lơh bơt bơtàu ƀòn lơgar pa tơnguh uă, ƀòn lơgar pa lam lài. Mờ bơta tàm tă pơgồp dùl nùs bal bơh jơh ală anih lơh broă cíñ trị mờ làng bol dê, sàh neh lơh geh uă cồng nha kwơ màng, pơgồp bơnah bơtàu tơnguh rài kis phan bơna mờ nùs nhơm bơh làng bol dê.

VOV4.K’Ho- 50 nam lòt gan, ală ù tiah pôs đồng kăc màng tàm ală ƀòn lơgar jơi bơtiàn dồ ết nă cau bơh càr Lâm Đồng dê neh tam gơl pah ngai. Ală ù tiah gơtìp tơrlah tơrling tài bơh tam lơh tŭ do neh tam gơl să pràn kơl dang, brồ guh gơ gơs tiah ƀòn lơgar pa pal kis mờ uă kơ̆p kơnờm bơtàu tơnguh.

VOV4.K’Ho- Lơh jat jơnau sồr bơh Thủ tướng Cíñ phủ dê bè broă tơn jơh hìu lơh ing, hìu ồm sèt ñhăt dà mìu, càr Dăk Lăk gam lam lơh 4 Ală jơnau neh lơh nền nàng kờñ dong kờl lơh hìu ơm ai hìu bơnhă rƀah, hìu bơnhă pa lik klàs rƀah mờ ală cau kal ke tàm càr in. Tŭ do gơnoar atbồ tiah do mờ ală mpồl, gah broă gam tơrgùm jơh nùs lơh ngan lơh sir broă bơt bơtàu mờ lơh niam wơl 7 rơbô 312 nơm hìu lài mờ tơngai kàl mìu uă ngan, dong ală hìu bơnhă geh hìu ơm kơ̆ kơl jăp nàng lơngap lơngai rài kis.

VOV4.K’Ho- Ù tiah là phan kwơ geh is kwơ màng ai bơta bơtàu tơnguh lơh sa- mpồl bơtiàn bơh càr Dăk Lăk dê. Mờ bă ù ơnàng rlau 13 kơi sồ vuông tàm anih tờm tiah Tây Nguyên mờ geh ù tiah krơi is, broă atbồ mờ ngui geh cồng nha ù tiah rơ̆p dong càr Dăk Lăk lơh pràn bơtàu tơnguh lơh sa- mpồl bơtiàn, lơh geh jơnau kờñ gơguh lơh sa 8% mờ Cíñ phủ dê jàu.

VOV4.K’Ho-50 nam tơnơ̆ ngai tơngklàs, Tây Nguyên neh geh tam gơl jơh lơm. Dà tơlir bơh tiah tờm lơh broă sa uơn sre, ală broă lơh bơt bơtàu gùng lòt rê, bơtơ̆t rbòng dà dờng neh sơm bời jơh ală bơta sồt să rài tam lơh dê. Ală tiah pôs đồng dờng cui rơcai tàm dơ̆ tam lơh Tây Nguyên bè Đức Lập tàm tiah đah Jum, Cheo Reo tàm tiah đah Tô, Phước An tàm tiah đah mat tơngai lik mờ Buôn Ma Thuột tàm tiah tờm, sơlơ tam gơl pràn ngan, gơ gơs ală tiah lơh sa bơtàu tơnguh lam lài.

VOV4.K’Ho- Pơgăp mờ do 50 nam, tàm drim gờñ ngai 9/03/1975, mpồl ling tơngklàs neh sò tơm tàm mpồl Đức Lập (càr Quảng Đức yau), gơl gùng rcang gàr lài đah Jum Buôn Ma Thuột. Tam lơh pha lin Đức Lập geh sền là dơ̆ tam lơh sơn đờm pờ geh pơgồp bơnah kwơ màng tàm tam lơh jai pha broă tam lơh Tây Nguyên kàl prang nam pa 1975. 50 nam neh lòt gan, Đức Lập lài òr- Dăk Mil tŭ do neh gơ gơs dùl kơnhoàl bơtàu tơnguh đau bơh càr Dăk Nông dê.

VOV4.K'Ho- Drim òr (06/02), 102 sàh, sơnah ƀòn, ƀòn drà dềt bơh 10 kơnhoàl, ƀòn dờng tàm càr Kon Tum neh dơ̆ lĕ bơyai lơh Lik lơh broă bồ nam pa 2025 mờ tơngu me “Lik lơh broă bơ̆t bơtàu ƀòn lơgar pa mờ tiah drà gơguh jăk”.

VOV4.K’Ho- Nam do làng bol tàm sah Kon Gang, kơnhoàl Đăk Đoa, càr Gia Lai wă rò Sa tềp bơhiàn Dà lơgar nam Ất Tỵ tàm nùs nhơm chờ hờp chờ hờn, brơn brài. Tài bơh nam do, sầu riêng, kơphê geh kàl tơnhào, tăc geh giă, uă hìu bơnhă làng bol geh priă tơmàn. Bơdìh mờ gơ̆, ală hìu bơnhă geh sră dong kờl Dà lơgar, ală hìu bơnhă kal ke, geh kấp ủy, gơnoar atbồ tiah do sền gròi, jàu pà phan sa tềp niam ngan.