VOV.K’Ho- Kàl mìu Tây Nguyên neh sơnđờm, gam lơh geh uă bơta kơn jơ̆ tŭ tơngai mut lơh gơwèt mờ Rơndăp broă lơh bơt bơtàu ală hìu bơsram ơm sa bĭc tơn kấp dùl mờ kấp bàr tiah nhàr lơgar tàm càr Gia Lai. Nàng chồl mhar tŭ tơngai mut lơh hìu bơsram, 500 nă kwang bàng, cau ling bơh ală mpồl ling phàu crong neh ai ling dong kờl ală mpồl lơh broă, tă bơsong kal ke bè mpồl cau, pơnđơl pràn ai broă lơh bơt bơtàu mut ngui lài mờ nam bơsram 2026-2027 sơnđờm mut bơsram.

VOV.K’Ho- Là cau bơngă pin dờn tàm sàh Hàm Thuận Bắc, càr Lâm Đồng, ồng Thông Long ờ mìng là rƀàng tàm tơrbŏ bal đah kấp ủy, gơnoar atbồ mờ làng bol kòn cau Prum lơm mờ gam tiơng pơn rơ là cau lam lài tàm broă uh kèng saranai. Ồng Thông Long neh gơ gơs mpồl tờm, pơgồp bơnah bơt bơtàu ƀòn lơgar pa mờ sền gàr bơhiàn niam chài kòn cau Prum dê.

VOV.K’Ho- Tơnơ̆ dùl nam lơh broă gonoar atbồ ƀòn lơgar 2 kấp, sơnah ƀòn Ea Kao, càr Dăk Lăk cih dờp uă bơta tam gơl loh làng bơh tam gơl pa sră pơ àr gơnoar atbồ dà lơgar, sền gàr lơngăp lơngai rơndăp tăp sèng tus hòi jà bơta pràn làng bol dê lơh phan bơna bơt bơtàu. Bơta mờ làng bol sền gĭt loh ngan rlau jơh là gơnoar atbồ rềp làng bol rlau, bơsong broă lơh mhar rlau mờ rcang lài rlau tàm broă bơsong ală broă bơh tàm kấp hơ đơm.

VOV.K'Ho- Bơh jơnau lơh nền di, dipal mờ bơta geh ngan bơh gơnoar ătbồ kâp hơđơm dê, làng bol sàh Chư A Thai, càr Gia Lai neh dồ nùs ring bal pà ù, tă sờr pơnggàr nàng pờ ơnàng gùng ƀòn lơgar. Ală gơl gùng pa ờ mìng dong broă lòt rê, jun pơndiang phan lơh geh bơh sươn sre ƀươn ƀoài rlau mờ gam tơnggŏ bơta pràn tam klăc, bơta dùl nùs bal đah gơnoar ătbồ mờ làng bol tàm bơ̆t bơtàu ƀòn lơgar pa.

VOV.K’Ho- Tơnơ̆ rlau 1 nam lơh broă gơnoar atbồ ƀòn lơgar 2 kấp, càr Lâm Đồng gam gơtìp kal ke tŭ uă kwang bàng tàm kấp sàh, sơnah ƀòn sùm tàm bơta uă ir broă lơh. Bơh bơta geh ngan do, càr Lâm Đồng gam tơrgùm tă bơsong bơta kal ke kwang bàng lơh broă kấp hơđơm nàng broă lơh gơnoar atbồ ƀòn lơgar 2 kấp in lơh broă ngan ngồn, geh cồng nha rlau tai.

VOV.K’Ho- Bulah mìng pa gĭt mờ drà kă bro phan điện tử pơgăp bơh 2 tus 3 nam do, phan lơh geh bơh broă lơh sa suơn sre mờ mpồl lơh broă bal tàm càr Gia Lai neh mhar ngan jòi gŏ gùng pờ ai broă tăc bro phan lơh geh bơh broă lơh sa suơn sre, phan bơkah pơn rơ ƀòn lơgar dê. Tam gơl sồ pà gŏ, tŭ kơryan bè ù tiah rơ hời jơh, phan bơna ƀòn lơgar geh tŭ tơngai niam brồ guh ngài rlau, lòt mhar rlau.

VOV.K’Ho- Sàh Đak Sơ Mei – tiah pôs đồng kăc màng - Ƀòn tờm Cau khin cha jak chài Wừu dê tàm càr Gia Lai, gam “tam gơl muh mat” bềng lìu bơta pràn kis pa. Rài kis hờm ram pah ngai tus mờ làng bol tàm tiah pôs đồng kăc màng do dê.

VOV.K'Ho- Tàm bơta tơngai duh tiah nhàr lơgar càr Quảng Ngãi, cau lơh phan tàm ală broă bơ̆t bơtàu hìu bơsram bal ơm sa bĭc tơn ală kâp gam sơrbăc mhar lơh broă. Mờ làng bol tiah do, hơ̆ mìng là rơndăp broă lơh phan bơna bơ̆t bơtàu bơto bơtê, mờ gam là bơta gơn kơnờm bè tiah bơsram niam rlau ai oh kòn in. Cau lơi kung kơ̆p kờñ hìu bơsram gờñ lơh sir mờ ai ngui.

VOV.K’Ho- Gĭt nđờ rbô nơm rơkàng hìu kiă pơrhê rềp bal ơm rềp kềng gah dà lềng. Ală hìu 3 cơldŭ tềl lời wơl jat tŭ tơngai lòt jat ală gùng lòt ƀòn rơkuĕt rơkue sàng goh ngan. Tiah anih ơhò ơm uă ngan ka ti pah tŭ àng drim gờñ mờ mho mang tŭ plung rê tus. Ƀlàng bràs dà lềng bràs rơmĭt bal mờ dà tơlir niam. Jơh ală bơta bơnĕ bơnài bal lơh geh ù tiah dà lềng pơn rơ niam ngan... Hơ̆ là ƀòn Lò, dùl ƀòn yau ơm kềng gah dà lềng gơwèt sơnah ƀòn Hòa Hiệp, càr Dăk Lăk, dùl pơn yơu rềp mềr ngan bè lơh lòt nhơl tàm bơta phan lời wơl dê.

VOV.K'Ho- Tơnơ̆ tŭ lơh jăt gơnoar ătbồ ƀòn lơgar bàr kâp, bơnah broă tàm kâp sàh gơguh uă nđờ dơ̆. Tềng đăp bơta kơn jơ̆ hơ̆, mpồl kwang bàng kâp hơđơm tàm tiah bơnơm càr Quảng Ngãi neh rơcăng lài rơndăp tăp sèng broă, lơh tai bal uă broă, lơh ngan “ơnòng broă” nàng kờñ gàr lơh broă gơlòt sùm mờ drơng làng bol in. Broă rềp làng bol, wă wờng làng bol kung dong kwang bàng di tŭ gĭt, bơsong ală broă gơlik bơh kâp hơđơm tơn.