VOV.K’Ho- Tềng đăp bơta kơn jơ̆ sră nggal ù tiah gơguh uă tàm tŭ mpồl cau lơh broă tàm kấp sàh gam ờ hoàn geh, càr Gia Lai neh jòi geh broă lơh bơsong mờ măi mok. Bơh ală sră nggal ngan, broă lơh lơh broă ờs mờng mờ mờng chài bơsong bơta geh ngan, kwang bàng Anih tờm Drơng broă sră pơ àr gơnoar atbồ dà lơgar mờ Cơldŭ lơh broă Dăn lơh sră ù tiah càr Gia Lai neh lơh bal, “pơlam tàp” ngui bồ tơngoh jak kòn bơnus lơh gơlik – AI ù tiah bơh uă nhai lài mờ tŭ ai ngui tàm 135 sàh, sơnah ƀòn. Gùng lòt lơh gơlik AI ù tiah bơh mìng is càr Gia Lai dê pà gŏ bơta rcang lài geh uă bơta jrô tàm lơh pràn ngui jak chài măi mok mờ tam gơl sồ, bơh hơ̆ bơsong geh cồng nha dùl tàm ală broă gơ jal ngan tàm càr dê.

VOV.K’Ho- Càr Dăk Lăk gam mhar ngan rơndăp tăp sèng ală hìu bơsram bơto bơto bơtê dà lơgar, kờp dŭ tơrmù pơgăp 50% hìu bơsram bơh sơn rờp. Bal mờ kờp sền, rơndăp wơl hìu bơsram, ơdŭ bơsram, ală tiah mờ hìu bơsram sơlơ tơnguh tai mblàng yal, gĭt loh nùs nhơm, lơh geh bơta ring bal, gàr niam rơndăp tăp sèng ờ gơrềng tus gơnoar bơsram sră bơh kơnòm bơsram dê tàm nam bơsram pa.

VOV.K’Ho- Rcang ai nam bơsram 2026-2027, bal mờ broă gơ jal ngan lơh sir ală bơnah bơt bơtàu, càr Quảng Ngãi gam tơrgùm sac rơwah kơnòm bơsram, rcang mpồl cau pơgru mờ phan bơna bơt bơtàu nàng ai 4 hìu bơsram ơm sa bĭc tơn 2 kấp kấp dùl mờ kấp bàr tàm ală sàh tiah nhàr lơgar mut lơh broă di mờ broă rơndăp lơh.

VOV.K’Ho- Là ƀòn lơgar bơh sơnrờp càr Gia Lai dê geh rơwah bơt bơtàu broă lơh “Sàh lam lài sồ”, sàh Tây Sơn gam lơh geh ală tam gơl loh làng tàm tam gơl niam sră pơ àr gơnoar atbồ, bơtàu tơnguh gơnoar atbồ sồ mờ sơlơ tơnguh tai lơh sa sồ. Bơh ală cồng nha bơh sơn rờp, càr Gia Lai sền gĭt rề ơnàng broă lơh tus 30 sàh, hời rơ hời lơh geh bơnàng jă tam gơl sồ ring bal bơh kấp hơ đơm.

VOV.K’Ho- Tàm tiah nhàr lơgar gơwèt ală sàh Tuy Đức, Đăk Wil, càr Lâm Đồng dê gùng che đèng dà lơgar geh dŭi tus tàm ală tiah làng bol ơm kis ngài ngan, pơgồp bơnah bơtàu tơnguh lơh sa tàm sền gàr gơnoar tờm dà lơgar. Đèng cèng pràn kis pa tus mờ tiah nhàr lơgar.

VOV.K’Ho- Pah dơ̆ kàl mìu tus, uă hìu bơnhă làng bol ơm tàm tiah dà dờng Ayun, gơwèt sàh Ia Hiao, càr Gia Lai den rơngòt dà gơguh tih, pơhìn tus màng kis mờ phan bơna. Nàng dong làng bol geh rài kis lơngăp lơngai rlau, càr Gia Lai neh lam lơh Rơndăp broă lơh rơndăp tăp sèng tiah ơm kis pa tơrgùm bal ai tiah trồ tiah lơh aniai tàm sàh Ia Hiao in. Tơngai pa do, mờ bơta ring bal bơh làng bol dê, dùl tiah ơm kis pa gam rơ hời lơh geh, dong làng bol lơngăp lơngai tiah ơm kis lơh broă.

VOV.K’Ho- Bơh ală ƀòn neh đềt mềr bơh uă rơnàng, uă mpồl bơtiàn làng bol ơm kis tàm Dăk Lăk pa mut tàm dùl dơ̆ rơndăp tăp sèng pa. Do ờ mìng là broă rơndăp wơl ală thôn, ƀòn, jơnum làng bol tiah drà jat jơnau sồr tơrmù dipal mpồl kwang bàng lơm, mờ gam là jơnau kờp sền bơnĕ bơnài bal đah tơnguh cồng nha atbồ mờ sền gàr ù tiah niam chài, srơh mờ bơta tam klăc bal mpồl bơtiàn. Tàm sơnah ƀòn Ea Kao, broă lơh rơndăp tăp sèng neh lơh geh bơta ring bal bơh tàm ƀòn.

VOV.K’Ho- Càr Dăk Lăk gam tam gơl rơ hời bơh kơlôi sơnơng pờ ơnàng bă ù lơh sa broă lơh sa suơn sre tus tơnguh bơta kwơ tàm tơl bă ù. Bal mờ broă lơh geh ală tiah lơh sa ngui măi mok pa, bơtàu tơnguh broă lơh sa suơn sre tàm pơ dar mờ rcang ù tiah gơ hòi gơ jà mpồl lơh sa kă bro dờng, càr hời rơ hời bơt bơtàu broă lơh sa suơn sre tơngai pa mờ kơ̆ kơnhăp.

VOV.K'Ho - Tềng ală rơnưng grồi sàh Tu Mơ Rông, càr Quảng Ngãi gơ wèt kơnhoàl Tu Mơ Rông, càr Kon Tum yau, rlau 1 tơlak tờm kơphê pa geh tam pa, sơnđờm broă gơgơs tiah tam phan tơrgùm bal, lơh gơlik geh broă lơh broă sa kơnhăp jŏ ai làng bol kòn cau Sơdàng in.

VOV.K’Ho – Lơh jat jơnau lơh nền tơrmù dipal mpồl lơh broă sră pơ àr gơnoar atbồ, ală sàh, sơnah ƀòn, tiah is ồn tàm càr Lâm Đồng gam jal mhar lam lơh broă rơndap lơh rơndap tap sèng, tơrgùm dùl thôn, jơnum làng bol tiah drà jat gùng dà tơrmù rlau 50% mpồl atbồ tàm kâp hơđơm. Broă lam lơh geh lơh loh làng, làng bol lơh tờm, wèt tus tơngume cồng nha đơng lam broă mờ ngui geh cồng nha ală bơnah priă jền.