VOV.K’Ho- Neh là tiah pôs đồng kăc màng H5 jơh nùs dòn song tàm rài tam lơh, tŭ do sàh Ea M’Droh, càr Dăk Lăk gam soh tàm să he dê muh mat pa. Ală hìu ơm dờng niam geh bơt tàm bơrlŭ bal mờ hìu jòng, ală gùng lòt lă cài, gùng lòt bê tông tàm tơn jòng, rài kis làng bol dê ngai sơlơ tam gơl. Gùng lòt bơt bơtàu ƀòn lơgar pa gam cèng wơl bơta pràn kis pa ai ƀòn lơgar tiah pôs đồng nam lài do in.

VOV.K’Ho- Plai bung kơmhò tơlir bal mờ ală phan lơh geh bơh broă lơh sa suơn sre pơn rơ bè sầu riêng, prìt, pơnat tàm tiah làng bol jơi bơtiàn dồ ết nă cau tiah kơh bơnơm Khánh Hoà gam mut tàm kàl tơnhào tàm bơta trồ tiah ƀuơn ngan, lơh geh tŭ tơngai niam lam lơh OCOP mờ ai phan bơna ƀòn lơgar dê tus rềp rlau tai mờ năc lòt nhơl tàm dơ̆ lòt nhơl uă 2/09.

VOV.K’Ho- Tàm Gia Lai, uă cau kơnòm să gam rơwah sơnđờm mut lơh broă bơh ală broă lơh ờs mờng bơh ƀòn lơgar dê. Bơh gùng lòt hơ̆, khi neh lơh geh bơta pa tàm ală bơta kwơ tồn là neh roh tĕ, lơh pa phan bơna mờ ală bồ tơngoh kơlôi sơnơng, pơgồp bơnah bơt bơtàu broă lơh kơ̆ kơl jăp jŏ jòng mờ sền gàr phan lời wơl niam chài ƀòn lơgar dê. Ală lơh ngan ờ ơm rlô hơ̆ gam geh dong kờl tài ală broă lơh dong kờl geh ngan bơh ƀòn lơgar dê, pờ geh gùng lòt bềng bơta kơ̆p kơnờm tàm tơngai tus.

VOV.K’Ho- Càr Dăk Lăk gam lam lơh pràn kơl dang tam gơl sồ, sền do là broă lơh tờm nàng tơnguh uă cồng nha lơh broă bơh gơnoar atbồ ƀòn lơgar 2 kấp dê, wèt tus bơt bơtàu rài sră pơ àr gơnoar atbồ tơngai pa, lơh broă ờs mờng, drơng broă làng bol ngai sơlơ niam rlau tai. Broă ngui măi mok sồ tàm mpồl bơtiàn ờ mìng lơh geh bơta ƀuơn ngan ai broă lơh atbồ, đơng lam in lơm mờ gam dong làng bol tus rềp mhar rlau mờ jơnau yal, drơng broă mờ ală bơta kwơ geh ngan. Nàng lơh geh bơta do, Dăk Lăk sền gĭt “làng bol sồ” là bơta tờm kơ̆ kơl jăp ai bơta bơtàu tơnguh mpồl bơtiàn sồ, den tàng lơh pràn lơh jat srơh “Jơh gùt làng bol bơsram sồ”, ai măi mok tus rềp rlau tai mờ jơh tơl nă làng bol.

VOV.K’Ho- Kra ƀòn K’Brệp, kòn cau K’Ho, ơm tàm thôn Kala Kròt, sàh Bảo Thuận, càr Lâm Đồng ờ mìng lam lài tàm broă lơh sa lơm, mờ ồng là cau chài jak ngan, jơh nùs jơh tồr mờ broă tàñ phan ờs mờng bơh bơh kòn cau K’Ho dê. Mờ ồng kung jơh nùs tă pơgồp kwơ màng tàm broă lơh bơt bơtàu ƀòn lơgar pa tàm ƀòn lơgar.

VOV4.K’Ho- Nàng dong ală kơnòm dềt tiah kơh bơnơm Dăk Lăk in rcang tai bơta chài re dà mờ rcang lài kơryan bŭ dà, uă broă lơh đah bơdìh, bơto re dà ờ sa priă neh geh bơyai lơh tàm kàl rơlô bơkang. Broă lơh do ờ mìng rcang bơta chài nàng ală kơnòm dềt in geh kàl rlô bơkang lơngăp lơngai lơm mờ gam lơh geh tiah nhơl geh kwơ, chờ hờp, chờ hờn.

VOV4.K’Ho- Tơnơ̆ rlau dùl poh mŭt lơh broă tơnơ̆ rơndăp tăp sèng, broă lơh bơsong sră nggal sră pơ àr gơnoar ătbồ bơh ală sàh, sơnah ƀòn tàm ù tiah càr Lâm Đồng dê neh lơh broă niam sùm, lơh geh jơnau sồr drơng broă làng bol in.

VOV4.K’Ho- Ală broă lơh jơnau kờñ Dà lơgar bè tơrmù rƀah, bơtàu tơnguh lơh sa-mpồl bơtiàn tiah làng bol jơi bơtiàn dồ ết nă cau mờ tiah kơh bơnơm, bơt bơtàu ƀòn lơgar pa gam lơh jat geh cồng nha ngan ngồn tàm tiah nhàr lơgar càr Lâm Đồng (càr Dăk Nông lài do). Mờ bơta bơcri priă lơh di tiah, di anih neh dong uă ƀòn lơgar, uă sàh tiah sar lơgar ngài, tiah làng bol jơi bơtiàn dồ ết nă cau brồ guh pràn kơl dang.

VOV4.K'Ho- Ală nam pa ndo, càr Dăk Nông yau (gơ wèt càr Lâm Đồng pa) sùm lam lài tiah Tây Nguyên mờ là dùl tàm ală tiah lam lài gùt lơgar bè tơrmù rƀah. Broă lơh tơrmù rơƀah ai gŏ ală cồng nha ngan ngồn bơh broă lơh đơng lam bồ, sồr lơh tus ală broă lơh bơh ală mpồl lơh broă đảng tàm kâp hơ đơm dê, ală ci ƀộ mờ ală đảng viên tàm ƀòn lơgar.

VOV4.K’Ho- Kàl rơlô bơkang ờ mìng là tơngai ơm rlô tơnơ̆ dùl nam bơsram lơm, mờ gam là dơ̆ nàng kơnòm dềt in nhơl ñiŏ, pơlam tàp pràn să jan mờ sền gĭt ală bơta gùt dar. Tàm càr Dăk Lăk, uă broă lơh geh kwơ ngan, ƀlàng nhơl lơngăp lơngai neh geh lam lơh, cèng tus ai kơnòm dềt in dùl kàl rơlô bơkang geh kwơ ngan ngồn.