VOV4.K’Ho- Drim ngai 03/06, tàm càr Đồng Nai, Phó Thủ tướng ồng Trần Lưu Quang tus bal Dơ̆ pơrjum yal kơnhoàl Xuân Lộc lơh geh tơl broă jàu bơ̆t bơtàu Ƀòn lơgar pa gơguh jơnhoa nam 2023.

VOV4.K’Ho- Bơh ală phan sa ƀuơn ngan pah ngai, phan sa bơh kòn cau Rơđê dê tŭ do geh tơmut tàm sră cih mat phan sa tàm ală anih tăc piang ală cau lơh broă tàm ƀòn dờng Buôn Ma Thuột, càr Dăk Lăk dê, gơ hòi gơ jà gal ngan năc tus sa.

VOV4.K’Ho- Tàm nhơm càl khồm rơm hơm bơh ală ƀlàng sre kòi tơlir niam ngan, làng bol xã Ia Mơ, kơnhoàl Chư Prông, càr Gia Lai dê gam chờ chờr mờ kàl lơh kòi geh tơnhàu uă. Tơnơ̆ uă nam mìng kơ̆p kơnờm lơm tàm dà mìu yàng dê ai pà, khi neh tam gơl tus tam kòi sre 2 kàl, mờ geh tŭ là 3 kàl tơn pah nam, cèng wơl rài kis wil tơl mờ hờm ram.

VOV4.K’Ho- “Kờñ gơboh cau ndai bè kờñ gơboh să tờm he dê” uă cau dồ nă să, mpồl cau geh nùs nhơm niam tàm ƀòn dờng Pleiku, càr Gia Lai neh pà ală dơ̆ sào piang ờ sa priă nàng dong kờl cau kòp mờ hìu bơnhă cau kòp geh rài kis kal ke in. Broă lơh niam bơnĕ hơ̆ neh dong ală cau rƀah tơrmù ƀà bơnah lơi kal ke, mơkung lơh gơ rề uă ngan broă lơh dong kờl is tàm mpồl bơtiàn làng bol ơm kis tàm ƀòn dờng kơh bơnơm Pleiku dê.

VOV4.K’Ho- Tàm càr Gia Lai, mờr dùl nam do, mang lơi, mpồl dong kờl is lơh “Gơl gùng lòt lơngăp lơngai” den sơm bat tê bal lơh niam wơl, tơm bồl wơl uă gơl gùng ờ niam, pơgồp bơnah lơh gơrề uă ală broă lơh niam tàm mpồl bơtiàn dê.

VOV4.K’Ho- Ù tiah xã Măng Bút, kơnhoàl Kon Plông, càr Kon Tum là tiah mờjơh bal lơgar Tây mờ Mỹ lơh pôs đồng ling klàng gròi sền ală ƀòn lơgar jơi bơtiàn kòn cau dồ ết nă cau, kơryan ling tơngklàs mờ tam lơh tus tiah ring càr Quảng Nam, Quảng Ngãi dê.

VOV4.K’Ho- Jơnau ntas cing mồng hô hơng, tam ya xoang lơbơn niam tàm bơnĕ bơnài bal mờ săp đơs cèng bềng bơta niam brê bơnơm dê, ală phan sa gơ kờñ ngan, krơi is ngan... là ală bơta tờm ngan lơh gơ dŏ jờng năc lòt nhơl tŭ tus mờ càr Dăk Lăk tàm dơ̆ ơm rlô ngai 30/04 mờ ngai 01/05 nam do. Ală broă lơh niam chài cèng bềng bơhiàn niam chài niam bơnĕ ngan do lơh tềl cồng nha bơh bơta pơn đơl pràn lơh ngan bơtàu tơnguh lòt nhơl pơgồp bal mờ niam chài mpồl bơtiàn dê, lơh geh bơta niam bơnĕ ngan tàm ală tiah ƀòn lơgar Tây Nguyên.

VOV4.K’Ho- Jàu pà sră, jun sră tus ală ƀòn lơgar là broă lơh mờ uă mpồl lơh broă lơh niam chài kung bè ală mpồl dong kờl is gam lam lơh tàm càr Dăk Lăk nàng dong kơnòm dềt tàm tiah sar lơgar ngài geh sră sền mờ sền sră. Bơh hơ̆ dong lơh gơrề uă niam chài sền sră tus tơl ƀòn lơgar, lơh gơ kờñ tai nàng kơnòm dềt in sơlơ sền gròi, kờñ gơboh mờ broă sền sră.

VOV4.K’Ho- Tơnơ̆ mờr 6 nam lơh jat broă lơh “tơl xã dùl phan bơna” hòi lơyah là broă lơh OCOP, ală phan bơna pơn rơ ngan cèng bơta kơnhoàl ù tiah bơh càr Dăk Lăk dê neh hời rơ hời lơh geh mat kă bro mờ geh tiah tăc tàm drà kă bro. Uă phan bơna OCOP tăc mờ lơgar ndai gơ gơs “phan ala mat” cèng jơnau yal “Cau lơh sa suơn sre bơkah niam” bơh càr Dăk Lăk dê tus mờ cau ngui dunia.

VOV4.K’Ho- Tàm rài tam lơh mờ bol sò tơm lơgar Mỹ sơgràm phà, ù tiah kơnhoàl Đăk Hà, càr Kon Tum là dùl tàm ală tiah tam lơh cui rơcai ngan rlau jơh tàm Tây Nguyên dê. Đòm jat niam bơhiàn kăc màng, 49 nam tơnơ̆ ngai tơngklàs mờ 30 nam tơlik mat kơnhoàl, Đăk Hà gơ gơs dùl tàm ală kơnhoàl bơtàu tơnguh tàm tiah Tây Nguyên dê.