VOV4.K'Ho- Ngui bơta ƀuơn bă ù brê dê, làng bol jơi bơtiàn ờ gal cau kis tàm kơnhoàl tiah ngài Kbang, càr Gia Lai neh tam git nđờ rơbô lồ brê, ờ mìng pơgồp bal tàm broă lơh gơguh bă ù geh brê mờ sền gàr tiah kis mờ gam lơh geh tai priă jền uă.

VOV4.K'Ho- Càr Kon Tum geh rơlao 54% khà kờp làng bol là jơi bơtiàn ờ gal cau, tàm hơ̆ geh 07 jơi bơtiàn kis bơh yau, tàm hơ̆ geh: Sơdàng, Bơnhàr, Jeh-Triêng, Jrai, Brâu, Rơmăm mờ Hrê. Ai bơh tàm jơnau kờñ mùl màl, nhai 04 nam 2021 càr Kon Tum lơh jăt Dơ̆ lam sồr “Lơh tam gơl bồ tơngoh sơnơng, broă lơh ai làng bol jơi bơtiàn ờ gal cau in, lơh làng bol jơi bơtiàn ờ gal cau brồ guh lik klàs rơƀah kơl jăp”. Mờ broă tus bal bơh ală mpồl lơh broă cíñ trị, tus tŭ do bơh 03 nam “rềp làng bol, rềp hìu” mờ “at tê bơto broă”, uă jơnau mờng kơlôi sơnơng, broă lơh lài do bơh làng bol jơi bơtiàn ờ gal cau neh rơhời tam gơl niam tàm lơh broă bal mờ rài kis làng bol dê.

VOV4.K'Ho- Kơnhoàl Di Linh, càr Lâm Đồng geh uă ngan làng bol ơm kis là làng bol kòn cau K’Ho. Tơngai do, bơdìh mờ broă lơh bơ̆t bơtàu Đảng, bơ̆t bơtàu ală anih lơh broă cíñ trị kơnhăp pràn, broă tơmŭt uă đảng viên tàm tiah jơi bơtiàn dồ êt nă cau sùm geh Đảng ƀộ kơnhoàl Di Linh sền gròi. Bal mờ hơ̆, kơnờm lơh jăt niam gơnoar broă lam lài, lơh krơh bơh đảng viên dê, ngan là đảng làng bol jơi bơtiàn dồ êt nă cau tàm bơtàu tơngguh lơh sa mờ rài kis, uă ƀòn lơgar neh geh bơta tam gơl loh làng, rơhời sơrlèt kal ke, brồ guh bơ̆t bơtàu rài kis pa.

VOV4- Ală nam pa do broă pờ ală ơdŭ bơto pơlam broă lơh lơyah ngai jat jơnau kờñ lời ai ală cau là làng bol jơi bơtiàn dồ ết nă cau rƀah, cau ờ pràn in neh geh ală kấp gơnoar atbồ tàm kơnhoàl Cư Kuiñ, càr Dăk Lăk sền gròi mờ cèng wơl cồng nha geh ngan. Hơ̆ là bơto broă lơh lơh kòi sre, tàñ ồi kòn cau, ròng sur, lơh broă bơt bơtàu, siăt sŏ, bong hàng muh mat, trŭ gơm phan sa... nàng cau rƀah, ờ pràn in brồ guh mờ ală broă lơh ƀuơn ngan do.

VOV4.K'Ho- Càr Dăk Lăk gam lơh mhar tŭ tơngai lơh jăt Broă lơh Jơnau kờñ Dà lơgar bơ̆t bơtàu ƀòn lơgar pa, jơh nùs lơh ngan lơh gơs broă jàu jăt Jơnau lơh nền tàm pơrjum Đảng ƀộ càr dơ̆ XVII, tơngai lơh broă bơh nam 2021- 2025 dê geh êt ngan là bơh 100 xã, 4 kơnhoàl lơh geh tơl broă jàu bơ̆t bơtàu ƀòn lơgar pa.

K'HO.VOV.VN - Lơh jăt srơh tàm pơrlòng lơh sa kă bro jak, tơngai do, uă đảng viên là làng bol ală jơi bơtiàn dồ êt nă cau tàm ală Đảng ƀộ gơ wèt Huyện ùy kơnhoàl Ea Kar, càr Dăk Lăk neh đòm jăt nùs nhơm lam lài “khin kơlôi, khin lơh” khin cha bơcri priă bơtàu tơngguh lơh sa brồ guh lơh pas. Bal mờ hơ̆, khi kung jơh nùs tă pơgồp, pà ù lơh gùng lòt rê ƀòn lơgar, dong kờl ƀòn lơgar bơ̆t bơtàu ƀòn lơgar pa.

K’Ho- Bŭ lah neh tàm sơnam “lài do ờ hoan geh”, uă cau ùr dờng sơnam tàm càr Dăk Lăk kung gam tus bal ală broă lơh mpồl bơtiàn, lơh pràn broă lơh tàm ƀòn lơgar ha là pơgồp bal tàm broă bơtàu tơnguh lơh sa hìu nhă. Ală cau ùr do neh mờ gam ngui gơnoar, ai tơngŏ nùs nhơm kơ̆ dơn bơh cau ùr Việt Nam dê “jăk broă dà lơgar, tơriang broă hìu”, là ală cau lam lài pơnrơ ngan tàm broă bơ̆t bơtàu hìu nhă niam chài, hờm ram, gơboh gơbài tàm ală ƀòn ơm kis.

VOV4.K’Ho- Tơnơ̆ rlau 4 nhai lam lơh, Jơnau neh lơh nền bơh Ƀộ Kwang àng dê bè lơh 1 rơbô 200 nơm hìu pà ală hìu bơnhă rƀah, làng bol ală jơi bơtiàn dồ ết nă cau mờ hìu bơnhă geh sră dong kờl dà lơgar kal ke tàm càr Dăk Lăk in, neh lơh sir. 1 rơbô 200 hìu bơnhă neh iang nùs ơm kis lơh broă sa tàm ală hìu ơm pa, iang nùs lơh broă sa, brồ guh lik klàs rƀah. Jơnau neh lơh nền uă bơta geh kwơ bơh Ƀộ Kwang àng dê kung pơgồp bơnah lơh mhar broă lơh bơt bơtàu ƀòn lơgar pa tàm càr Dăk Lăk, dong càr in gờñ lơh geh jơnau kờñ lơh 5 rơbô nơm hìu pà ală hìu bơnhă rƀah in tàm tơngai bơh nam 2022-2025.

VOV4.K’Ho- Gĭt nền Ci ƀộ Đảng pràn là ală ci ƀộ, ală đảng viên niam, tơngai do, Đảng ƀộ xã Yang Bắc, kơnhoàl Đăk Pơ, càr Gia Lai neh lơh jăt ndrờm bal, geh cồng nha ală broă lơh tơngguh uă cồng nha mpồl Đảng, kwang bàng, đảng viên dê. Kơnờm bè hơ̆, lơh broă lơh đảng tiah do neh geh ală bơta tam gơl uă, is ồn là dong làng bol kòn cau Bahnar klàs rƀah mhar, kơ̆ kơl jăp uă broă, lơh geh rùp să niam àng sơrdah tàm tiah pôs đồng kăc màng do.

VOV4.K’Ho- Ală nam pa do, tơrmù rƀah kơ̆ kơl jăp là dùl tàm ală kơnòl broă tờm bơh ƀòn dờng Pleiku, càr Gia Lai dê. Uă broă lơh dong kờl drơng broă lơh sa neh lơh geh cồng nha, dong làng bol lik klàs rƀah mờ tam gơl niam bơtàu tơnguh rài kis làng bol dê. Dùl tàm ală broă lơh pơn rơ ngan là “Rơndăp broă lơh lơh li la broă lơh broă sa, bơtàu tơnguh broă lơh tơrmù rƀah” neh dong uă hìu bơnhă kal ke in brồ guh.