VOV4.K’Ho- Broă lơh jơnau kờñ Dà lơgar bè bơt bơtàu ƀòn lơgar pa tàm kơnhoàl càr Lâm Đồng dê ngai sơlơ geh bơta gơrề uă jrô ơnàng, mờ uă broă lơh bơceh lơh mờ geh ngan. Dùl tàm khà hơ̆ là srơh “Ngai dơ̆ 7 bơt bơtàu ƀòn lơgar pa” tàm kơnhoàl Di Linh. Pah dơ̆ tus ngai do, làng bol jơh gùt ƀòn rềp ngài tàm kơnhoàl tam klăc bal wơl, sơm bat tê bal bơt bơtàu ƀòn lơgar mờ ală broă lơh geh ngan.

VOV4.K’Ho- Ồng Y Tuyên Buôn Krông (kòn cau Rơđê, sùm hòi là bèp Hà) là dùl nă Đảng viên lơh krơh niam tàm ƀòn Drai H’Ling, xã Hòa Xuân, ƀòn dờng Buôn Ma Thuột, càr Dăk Lăk dê. Mờ 30 nam lơh broă lơh mpồl bơtiàn tàm ƀòn lơgar, ồng geh làng bol tàm ƀòn kờñ gơboh mờ lơh jat bal. Rlau mờ hơ̆ tai, mờ gơnoar broă là Phó Ƀí thư Ci ƀộ, mơkung là Kwang atbồ ƀòn mờ là cau geh bơngă pin dờn, ồng neh pơgồp bơnah kwơ màng tàm broă lơh bơt bơtàu ƀòn lơgar pa tàm ƀòn dê.

VOV4.K’Ho- Càr Dăk Lăk tŭ do geh mờr 2 rơbô 300 nă kơnòm dềt kòn đời, tàm hơ̆ uă kơnòm dềt geh rài kis kal ke ngan. Bơh broă lơh “Mè ròng” bơh Mpồl tam klăc cau ùr dà lơgar Việt Nam dê lam lơh, uă kơnòm dềt kòn đời, ờ geh tiah kơldìng tàm càr Dăk Lăk neh dờp geh bơta dong kờl, ròng siam jơh bal bè phan bơna mờ nùs nhơm. Do ngan là ală “anih kơldìng kờñ gơboh” dong ală kơnòm dềt in sơr lèt gan ală bơta roh rui, brồ guh tàm rài kis.

VOV4.K’Ho- Rlau 10 nam geh pồ lơh kra ƀòn, ồng Siu Bình, ơm tàm ƀòn Sơn, xã Ia Nan, kơnhoàl Đức Cơ, càr Gia Lai neh ngềt ngơ̆t tă pơgồp ai bơta tam gơl pa bơh ƀòn lơgar tiah nhàr lơgar do dê mờ bơh tàm ală broă lơh ngan ngồn mờ geh ngan. Bơsram mờ lơh jat jơnau sồr Wa Hồ dê, sùm jơh nùs mờ broă lơh, đơs lòt bal mờ lơh, lơh krơh niam tàm tơl broă lơh tài rài kis hờm ram bơh làng bol dê, tơl broă lơh ƀuơn ngan bơh kra ƀòn Siu Bình dê neh pơgồp bơnah bơt bơtàu ƀòn Sơn pas gơs bè tŭ do.

VOV4.K’Ho- Tàm ală nam do, bơh ală priă jền bơh Đảng, Dà lơgar dê, priă jền hòi jà tă pơgồp bal bơh ală mpồl bơtiàn, neh dong uă xã tàm ală tiah tàm gùt lơgar hời rơ hời lơh sir ală broă jàu Dà lơgar dê bè bơt bơtàu ƀòn lơgar pa mờ ƀòn lơgar pa tơnguh uă. Jat ală broă jàu xã ƀòn lơgar pa mờ ƀòn lơgar pa lam lài tơngai bơh nam 2021-2025, uă ngan broă jàu sồr pal lơh uă rlau tai, kal ke lơh rlau tai pơn ndrờm mờ tơngai lài do. Tàm hơ̆ broă jàu tiah ơm kis geh đơs là broă jàu“ƀuơn ngan” ờ duh pal geh priă jền bơcri lơh bơh Dà lơgar dê, mơya bơta do gam gơlik wơl là broă lơh kal ke gơwèt mờ uă tiah dê.

VOV4.K’Ho- Broă lơh bơ̆t bơtàu ƀòn lơgar pa gam lơh geh cồng nha niam ngan tàm càr Dăk Nông, muh măt ƀòn lơgar pa ngai sơlơ tam gơl pa.

VOV4.K’Ho- 20 nam lài, ală càr tàm tiah Tây Nguyên dùl ròt bal lơh jăt Kơrnoat sồ 132 nam 2002 bơh Thủ tướng Cíñ phủ dê bè pà ù ơm, ù lơh sa ai ală hìu bơnhă jơi bơtiàn dùl ết nă cau in ơm kis dùl bă tiah in. Tàm kơnhoàl Ea Kar, càr Dăk Lăk, geh ƀlàng sre ơnàng 250 lồ neh geh pà ai mờr 450 hìu in jăt Kơrnoat do. Bơh hơ̆ tus tŭ do, ƀlàng sre neh pơgồp bơnah cèng wơl rài kis hờm ram ai làng bol in.

VOV4.K’Ho- Tơl ƀòn lơgar Việt Nam sùm geh bềng ală bơta kwơ niam chài bơh yau niam ngan, ală phan lời wơl geh kwơ- bơta tờm lơh geh bơta kơ̆ kơl jăp, là hwềng nùs bơh tơl ƀòn lơgar Việt Nam dê. Tŭ do, tàm broă lơh bơt bơtàu ƀòn lơgar pa, bơnĕ bơnài bal đah bơhiàn yau mờ bơta pa, đah bơta yau mờ bơta pa, ală phan lời wơl niam chài gĭt nđờ rbô rài bơh làng bol ƀòn lơgar dê sùm là bơta kwơ ờ gơtùi kờp ngan nàng bơt bơtàu geh ală ƀòn lơgar tam gơl pa tŭ do dê.

VOV4.K’Ho- Neh geh tŭ geh bal tàm khà măt 62 kơnhoàl rơƀah ngan gùt lơgar dê, kơnhoàl tiah ngài, tiah làng bol jơi bơtiàn kòn cau kơnhoàl Dam Rông, càr Lâm Đồng tŭ do neh tam gơl loh làng ngan. Ờ mìng khà hìu rơbah gơmù, lơh sa mpồl bơtiàn bơtàu tơnguh, bơta lơngăp lơngai cíñ trị kơl jăp mờ ală bơta niam chài kung geh gơguh rơlao mờ lài do. Geh cồng nha do là kơnờm mờ broă lơh ndrờm bal mờ lơh geh cồng nha ală broă ai lài bơcri priă tàm tiah làng bol jơi bơtiàn kòn cau bơh Đảng mờ Dà lơgar tàm ală gah broă.

VOV4.K’Ho- Tàm tơngai bơt bơtàu ƀòn lơgar pa, càr Quảng Nam lơh pràn tŭ tơngai bơt bơtàu ală broă lơh tiah làng bol ơm kis ƀòn lơgar pa lam lài, pơgồp bơnah lơh muh mat ƀòn lơgar, gùng lòt tàm ƀòn sàng goh niam rlau. Tus tŭ do, càr Quảng Nam neh lơh 250 suơn lam lài, uă ngan tam ală bơta tờm chi sa plai geh kwơ, pơgồp bơnah dong làng bol tơnguh uă cồng nha lơh sa.