VOV4.K’Ho- Jàu pà sră, jun sră tus ală ƀòn lơgar là broă lơh mờ uă mpồl lơh broă lơh niam chài kung bè ală mpồl dong kờl is gam lam lơh tàm càr Dăk Lăk nàng dong kơnòm dềt tàm tiah sar lơgar ngài geh sră sền mờ sền sră. Bơh hơ̆ dong lơh gơrề uă niam chài sền sră tus tơl ƀòn lơgar, lơh gơ kờñ tai nàng kơnòm dềt in sơlơ sền gròi, kờñ gơboh mờ broă sền sră.

VOV4.K’Ho- Tơnơ̆ mờr 6 nam lơh jat broă lơh “tơl xã dùl phan bơna” hòi lơyah là broă lơh OCOP, ală phan bơna pơn rơ ngan cèng bơta kơnhoàl ù tiah bơh càr Dăk Lăk dê neh hời rơ hời lơh geh mat kă bro mờ geh tiah tăc tàm drà kă bro. Uă phan bơna OCOP tăc mờ lơgar ndai gơ gơs “phan ala mat” cèng jơnau yal “Cau lơh sa suơn sre bơkah niam” bơh càr Dăk Lăk dê tus mờ cau ngui dunia.

VOV4.K’Ho- Tàm rài tam lơh mờ bol sò tơm lơgar Mỹ sơgràm phà, ù tiah kơnhoàl Đăk Hà, càr Kon Tum là dùl tàm ală tiah tam lơh cui rơcai ngan rlau jơh tàm Tây Nguyên dê. Đòm jat niam bơhiàn kăc màng, 49 nam tơnơ̆ ngai tơngklàs mờ 30 nam tơlik mat kơnhoàl, Đăk Hà gơ gơs dùl tàm ală kơnhoàl bơtàu tơnguh tàm tiah Tây Nguyên dê.

VOV4.K’Ho- Pơn jat tai bơt bơtàu ƀòn lơgar kơnhoàl Đăk Hà ngai sơlơ pas pràn, niam jak, kòn bơnus kơnhoàl Đăk Hà “Tam klăc bal, ngăc ngar, bơceh lơh, rềp mềr, geh nùs nhơm niam” bơt bơtàu kơnhoàl lơh geh broă lơh ƀòn lơgar pa tàm nam 2025- là jơnau đơs nền bơh Kwang đơng lam bồ kơnhoàl Đăk Hà, càr Kon Tum dê tàm dơ̆ tơngkah kir sơnrai 30 nam Ngai tơlik mat kơnhoàl (24/3/1994 - 24/3/2024) pa geh bơyai lơh.

VOV4.K’Ho- Xã Ia Tôr, kơnhoàl Chư Prông, càr Gia Lai là xã kal ke, geh gal làng bol jơi bơtiàn dồ êt nă cau ơm kis. Tơngai lài, Đảng ủy, Gơnoar ătbồ mờ làng bol tàm xã neh tam klăc bal, lam lơh niam Broă lơh bơ̆t bơtàu ƀòn lơgar pa, bơh hơ̆ lơh gơlik geh bơta gơ tam gơl tàm bơta gĭt wă, lơh geh anih kơldìng nàng Làng bol in bơtàu tơnguh lơh sa, tơnguh uă cồng nha rài kis.

VOV4.K’Ho- Tơngai pa do, kơnhoàl tiah nhàr lơgar Buôn Đôn, càr Dăk Lăk neh lơh li la uă ngan ală bơta lòt nhơl, tàm hơ̆ geh lòt nhơl pơgồp bal mờ lơh sa suơn sre, ƀòn lơgar. Uă broă lơh lòt nhơl tam phan lơh sa suơn sre geh lơh gơs, hời rơ hời lơh geh cồng nha, gơ gơs tiah tus gơ hòi gơ jà ngan bơta sền gròi bơh năc lòt nhơl dê, pơgồp bơnah bơtàu tơnguh lơh sa ƀòn lơgar.

VOV4.K’Ho- Ală bơta jơh nùs lơh ngan, pơnđơl pràn lơh ngan mờ dồ ròt broă lơh bè tơn jơh jơgloh tơrmù rƀah bơh càr Dăk Nông dê neh cèng wơl cồng nha loh làng tàm gah broă do. Tàm 20 nam do, càr Dăk Nông là dùl tàm 10 càr geh khà gơmù rƀah mhar ngan rlau jơh gùt lơgar mờ lam lài tàm tiah Tây Nguyên.

VOV4.K’Ho- Kơnhoàl Phú Thiện là tiah geh uă làng bol jơi bơtiàn dồ ết nă cau, là tiah lơh kòi dờng ngan rlau jơh pơgồp bal mờ măt kă bro phe sơnrờp bơh càr Gia Lai dê. Sơnđờm bơh Nghị quyết sồ 05 nam 2012 bơh Huyện ủy kơnhoàl Phú Thiện dê, tus tŭ do, tơnơ̆ rlau 10 nam lam lơh bơt bơtàu mat kă bro kòi phe, Phú Thiện neh geh ală ƀlàng sre dờng, lơh sa mờ măi mok lơm, cèng wơl rài kis hờm ram ai làng bol ală thôn, ƀòn in.

VOV4.K’Ho- Tơnơ̆ mờr 40 nam đềt mềr mờ broă lơh bơto bơtê, nam 2018 tŭ rê rlô lơh broă, ồng Liêng Jrang Ha Tương ơm tàm thôn Dà Tế, xã Dà Mròng, kơnhoàl Dam Rong, càr Lâm Đồng gơnoar ătbồ tiah do dòn kơnờm mờ jàu ăt kơnòl broă kơn jơ̆ kơn jŭt ngan Ƀí thư Ci ƀộ thôn. Tàm gơnoar broă pa, lơh jăt niam gơnoar broă đảng viên dê, bơsram mờ đòm jăt bồ tơngoh, nùs nhơm, broă lơh mờ rài kis Hồ Chí Minh dê, ồng sùm lơh krơh, lam lài lòt lài tàm broă hòi jà, lam lơh jăt ală srơh bơtàu tơnguh lơh sa- mpồl bơtiàn, bơ̆t bơtàu ƀòn lơgar ngai sơlơ jak chài, pas sơm niam bơnĕ.

VOV4.K’Ho- Pơnđơl pràn lơh ngan tam gơl pa mờ jơh nùs lơh jat mờ broă lơh lơh gơlik uă sơntìl kòi phe Briêt, Hợp ták xã Tơrmù rƀah Ea Súp, kơnhoàl Ea Súp, càr Dăk Lăk neh mờ gam lam lơh gơrề uă broă lơh sih tam kòi jat broă lơh hữu kơ cèng wơl priă jền lơh sa uă.