VOV4.K’Ho- Ù tiah là phan kwơ geh is kwơ màng ai bơta bơtàu tơnguh lơh sa- mpồl bơtiàn bơh càr Dăk Lăk dê. Mờ bă ù ơnàng rlau 13 kơi sồ vuông tàm anih tờm tiah Tây Nguyên mờ geh ù tiah krơi is, broă atbồ mờ ngui geh cồng nha ù tiah rơ̆p dong càr Dăk Lăk lơh pràn bơtàu tơnguh lơh sa- mpồl bơtiàn, lơh geh jơnau kờñ gơguh lơh sa 8% mờ Cíñ phủ dê jàu.

VOV4.K’Ho-50 nam tơnơ̆ ngai tơngklàs, Tây Nguyên neh geh tam gơl jơh lơm. Dà tơlir bơh tiah tờm lơh broă sa uơn sre, ală broă lơh bơt bơtàu gùng lòt rê, bơtơ̆t rbòng dà dờng neh sơm bời jơh ală bơta sồt să rài tam lơh dê. Ală tiah pôs đồng dờng cui rơcai tàm dơ̆ tam lơh Tây Nguyên bè Đức Lập tàm tiah đah Jum, Cheo Reo tàm tiah đah Tô, Phước An tàm tiah đah mat tơngai lik mờ Buôn Ma Thuột tàm tiah tờm, sơlơ tam gơl pràn ngan, gơ gơs ală tiah lơh sa bơtàu tơnguh lam lài.

VOV4.K’Ho- Pơgăp mờ do 50 nam, tàm drim gờñ ngai 9/03/1975, mpồl ling tơngklàs neh sò tơm tàm mpồl Đức Lập (càr Quảng Đức yau), gơl gùng rcang gàr lài đah Jum Buôn Ma Thuột. Tam lơh pha lin Đức Lập geh sền là dơ̆ tam lơh sơn đờm pờ geh pơgồp bơnah kwơ màng tàm tam lơh jai pha broă tam lơh Tây Nguyên kàl prang nam pa 1975. 50 nam neh lòt gan, Đức Lập lài òr- Dăk Mil tŭ do neh gơ gơs dùl kơnhoàl bơtàu tơnguh đau bơh càr Dăk Nông dê.

VOV4.K'Ho- Drim òr (06/02), 102 sàh, sơnah ƀòn, ƀòn drà dềt bơh 10 kơnhoàl, ƀòn dờng tàm càr Kon Tum neh dơ̆ lĕ bơyai lơh Lik lơh broă bồ nam pa 2025 mờ tơngu me “Lik lơh broă bơ̆t bơtàu ƀòn lơgar pa mờ tiah drà gơguh jăk”.

VOV4.K’Ho- Nam do làng bol tàm sah Kon Gang, kơnhoàl Đăk Đoa, càr Gia Lai wă rò Sa tềp bơhiàn Dà lơgar nam Ất Tỵ tàm nùs nhơm chờ hờp chờ hờn, brơn brài. Tài bơh nam do, sầu riêng, kơphê geh kàl tơnhào, tăc geh giă, uă hìu bơnhă làng bol geh priă tơmàn. Bơdìh mờ gơ̆, ală hìu bơnhă geh sră dong kờl Dà lơgar, ală hìu bơnhă kal ke, geh kấp ủy, gơnoar atbồ tiah do sền gròi, jàu pà phan sa tềp niam ngan.

VOV4.K’Ho- Puan nam do, càr Kon Tum neh tam pa geh mờr 18 rbô lồ brê, sơrlèt mờr 3 rbô lồ mờ Jơnau lơh nền tàm pơrjum bơh Pơrjum dờng Đảng ƀộ càr dơ̆ XVI, tơngai lơh broă bơh nam 2020- 2025 dê sồr. Ờ mìng lơh jơh broă jàu gờñ, ală tŭ lam lơh jăt jơnau lơh nền tàm pơrjum bè tam brê gơ jăt bal mờ Dơ̆ hòi jà “Lơh tam gơl bơta mờng sơning, bơta mờng lơh bơh làng bol jơi bơtiàn dồ êt nă cau dê, lơh ai làng bol jơi bơtiàn dồ êt nă cau in brồ guh lik klàr rƀah kơ̆ kơl jăp” neh dong làng bol tam gơl bơta gĭt wă bơh mus kơl brê tam gơl tus tam brê, sền gàr mờ bơtàu tơngguh brê. Chờ hờp rlau tai là kơnờm sền gàr geh dà tơlir bơh brê dê, làng bol geh bơta nàng bơtàu tơngguh lơh sa- mpồl bơtiàn bơh brê cèng wơl priă lơh geh sùm.

VOV4.K'Ho- Tây Nguyên, ù tiah pơrhê bazan bal mờ bơta niam chài uă bơta mờ brê bơnơm dờng, là tiah tơrgùm ală phan geh lơh bơh broă lơh sa suơn sre krơi is. Tơl phan ndrờm geh làng bol rơwah, ai geh nùs nhơm, lơh gơs ală bơta phan geh khà dờp OCOP. Phan OCOP Tây Nguyên ờ mìng là bơta pơnyờ să bơh làng bol tàm tiah do dê mờ gam là tiah tơrbŏ bal, ai phan bơkah bơh broă lơh sa suơn sre lơgar Việt Nam dê lik tus mờ dunia.

VOV4.K’Ho- Nam do, gĭt nđờ rơbô hìu bơnhă rƀah tàm tiah Tây Nguyên neh geh dùl tơngai sa tềp is ồn, hờm ram rlau tai, kơnờm bơta tam pà bal bơh mpồl bơtiàn mờ bơta sền gròi bơh gơnoar atbồ ală tiah dê. Ală hìu ơm pa dờng niam, ală phan pà sa tềp geh uă bơta kwơ ờ mìng dong khi in geh ală bơta wă rò sa tềp ram mhŭ lơm mờ gam cèng bơta kơ̆p kờñ bè dùl rài tơnơ̆ do niam rlau tai.

VOV4.K’Ho- Broă lơh tơn jơh rƀah tàm 2 sàh Mường Hoong, Ngọk Linh- rƀah ngan rlau jơh càr Kon Tum dê neh pà gŏ mùl màl ngan ngồn tàm lam lơh jăt Jơnau lơh nền tàm pơrjum Đảng dê, jơnau sồr bơh Dà lơgar dê tàm broă lơh tơrmù rƀah. Bơta mŭt lơh bal kràñ cê jơh nùs bơh jơh ală kâp ủy, gơnoar ătbồ tiah do dê, dong tam gơl bơta mờng sơnơng, bơta mờng lơh bơh làng bol dê, bal mờ hơ̆ là ală jơnau trồ tiah niam, ù tiah ƀươn neh dong broă lơh tơn jơh rƀah tiah do lơh geh cồng nha rlau mờ bơta kơ̆p kờñ sùm.

VOV4.K’Ho- Bòn Vi Rơ Ngheo, sàh Đăk Tăng là dùl tiah niam pa tàm broă bơt bơtàu ƀòn lơgar pa tàm tiah sar lơgar ngài bơh kơnhoàl Kon Plông, càr Kon Tum dê. Mờ cau lam lài bi A Hiền, 63 hìu bơnhă tàm ƀòn neh lơh ală bơta ờ gơtùi lơh gơ gơs ală bơta gơtùi nàng tam gơl pa is niam ngan mờ lơh geh bơta gơ kờñ bơceh lơh tàm broă bơt bơtàu ƀòn lơgar pa tàm tiah jơi bơtiàn dồ ết nă cau càr Kon Tum dê.