VOV4.K’Ho- Uă nam do, ƀòn dờng Pleiku, càr Gia Lai neh lam lơh dồ ròt bal ală broă bơsong nàng kờñ tơrmù rƀah kơ̆ kơl jăp, mờ bơta sền gròi is ồn tus làng bol jơi bơtiàn dồ ết nă cau dê. Ală broă dong kờl geh ngan neh pơgồp bơnah tam gơl rài kis bơh làng bol rƀah tàm ù tiah do dê.

VOV4.K’Ho- Nam 2021, Mpồl duh broă Đảng ƀộ ƀòn dờng Pleiku neh geh Broă lơh 31 bè pơn jăt tai lơh pràn broă lơh tơrmù rƀah kơ̆ kơl jăp, tơngguh uă bơta niam rài kis làng bol dê, ngan là tàm ală ƀòn làng bol jơi bơtiàn dồ êt nă cau tàm ù tiah ƀòn dờng tơngai bơh nam 2021- 2025. Bơh hơ̆, ală kâp ủy đảng, gơnoar ătbồ ƀòn dờng Pleiku neh đơng lam, sồr lơh mờ lơh jăt uă broă lơh tơrmù rƀah mờ lơh geh cồng nha niam ngan.

VOV4.K’Ho- Dăk Wer, kơnhoàl Dăk R’lấp là xã bơh sơnrờp bơh càr Dăk Nông dê geh dờp xã ƀòn lơgar pa tơnguh uă. Phan bơna bơt bơtàu neh geh bơt bơtàu ndrờm bal, rài kis phan bơna nùs nhơm bơh làng bol dê sùm geh bơtàu tơnguh. Cau lơh broă sa tàm xã Dăk Wer, is ồn là làng bol kòn cau M’nông khin cha càn priă bơcri bơtàu tơnguh lơh sa. Ndrờm bè hìu bơnhă lơi kung dồs lơm, mơya dồs nàng lơh pas.

VOV4.K’Ho- Ală ngai do, Đảng ƀộ, gơnoar atbồ mờ làng bol ală jơi bơtiàn càr Dăk Lăk gam yŭ rơyùm bơyai lơh uă broă lơh tơngkah kir sơnrai 120 ngai tơnggơs càr (22/11/1904 – 22/11/2024). Là tiah tơrgùm wơl bơta kwơ niam chài bơh yau bơh ală jơi bơtiàn Tây Nguyên bal mờ bơta niam chài bơh ală kơnhoàl ù tiah bơh gùt lơgar dê; mờ ală bơta geh is ƀuơn ngan, càr Dăk Lăk gam lơh ngan brồ guh jơh nùs lơh ngan bơt bơtàu càr ngai sơlơ pas pràn, bơhiàn niam chài, niam jak, hờn chờ.

VOV4.K’Ho- Drim ngai 20/11, Anih duh broă Làng bol ƀòn dờng Buôn Ma Thuột, càr Dăk Lăk bơyai lơh Dơ̆ yal xã Ea Kao lơh geh tơl broă jàu bơ̆t bơtàu ƀòn lơgar pa gơguh jơnhoa nam 2023.

VOV4.K’Ho- Tơngai do, uă kâp ủy kâp hơđơm tàm càr Dăk Lăk neh rơcăng lài, ngăc ngar, bơceh lơh jăt, jăt di bơta geh ngan tàm tiah he dê nàng ai geh ală gùng dà broă lơh lơh jăt geh cồng nha broă lơh bơ̆t bơtàu ƀòn lơgar pa. Bơh hơ̆ pơgồp bơnah bơtàu tơngguh rài kis phan bơna mờ nùs nhơm bơh làng bol dê.

VOV4.K’Ho- Xã Ia Broái, là xã kal ke uă ngan bơh kơnhoàl Ia Pa, càr Gia Lai dê, ală nam pa do neh geh ală tam gơl niam ngan tàm broă lơh tơrmù rƀah. Dùl tàm ală bơta tờm pơgồp bơnah kwơ màng tàm cồng nha do là bi Kpă H'Yư – Củ tịc Mpồl tam klăc cau ùr xã, cau dong tam gơl bơta mờng sơnơng mờ mờng lơh broă bơh làng bol jơi bơtiàn dồ ết nă cau dê. Bi neh chờ hờp ngan geh Mpồl tam klăc cau ùr Dà lơgar Việt Nam pà sră jờng rơ.

VOV4.K’Ho- Tàm ală nam do, càr Gia Lai neh lam lơh geh cồng nha broă lơh bơto bơtê broă ai cau lơh broă ƀòn lơgar in, is ồn sền gròi tus cau là ơruh pơnu jơi bơtiàn dồ ết nă cau. Do là broă bơsong geh ngan dong làng bol jòi geh broă lơh mờ tơnguh uă priă lơh geh. Bơh hơ̆ tă pơgồp uă ngan tàm broă lơh tơrmù rƀah tàm tiah do dê.

VOV4.K’Ho- Tiah kơh bơnơm Kon Hà Nừng (càr Gia Lai), geh bă ù ơnàng rlau 413 rơbô lồ geh UNESCO dờp là tiah sền gàr brê bơnơm geh is dunia nam 2021. Tiah do pơn rơ ngan bè ală brê bơnơm li la, ù tiah brê bơnơm gam bè ờs hàng niam ngan. Bơta do gam pờ geh uă tŭ tơngai niam bơtàu tơnguh lòt nhơl kơ̆ kơl jăp ai mpồl bơtiàn in.

VOV4.K'Ho- Ƀòn drà dềt Măng Đen, kơnhoàl Kon Plông, càr Kon Tum geh pơrya bè tiah niam tơlir Tây Nguyên dê. Tàm bơta ñhoa rơlao 1 rơbô 200 thơ̆k pơn drờm mờ măt dà lềng, trồ tiah mrềt niam gùt nam, geh brê hòn is gùt dar mờ uă tơnao dà, ñrùh dà, croh dà lơh gơs dùl pang rùp niam bơnĕ ngan, cèng geh ai Măng Đen in bơta niam krơi is pơnrơ ngan tàm tiah Tây Nguyên geh brê bơnơm dờng dê.