VOV4.K’Ho- Mờ gùng dà broă lơh “Tiah lơi kờñ geh ơruh pơnu, broă lơi kal ke geh ơruh pơnu”, tàm nam 2023, đoàn viên, ơruh pơnu càr Gia Lai neh lam lơh uă broă lơh lơh broă, lơh broă geh ngan tàm srơh “Rơnàng kơnòm să sơm bat tê bal bơt bơtàu ƀòn lơgar pa”. Bơh hơ̆, lơh niam rlau tai rùp hin ào dà tơlir dong kờl is, lam lài, sùm geh kơnòl mờ bơta bơtàu tơnguh mpồl bơtiàn dê.

VOV4.K’Ho- Là kòn cau Tày, deh mờ dờng tàm ƀòn tờm Đông Khe, càr Cao Bằng- tiah mờ đờng tíñ tẩu, gùng đơs then dê neh gơ mut jrô ngan tàm nùs nhơm cau dê, den bulah ntrờn ơm kis tus ù tiah pa, ồng Nông Văn Hưu (75 sơnam) kung sùm kờñ ngan mờ gùng đơs pơnđick bơh jơi bơtiàn he dê mờ kơlôi sơnơng sùm mờ broă lơh bè lơi nàng prap gàr mờ mblàng lời wơl jơnau đơs pơnđick do ai mpồl bơtiàn làng bol ơm kis tiah mờ ồng gam ơm kis dê.

VOV4.K'Ho- Nam 2023, geh 3 xã cih mat dan bơt bơtàu ƀòn lơgar pa gơguh jơnhua. Bulah ờ hềt geh xã lơi lơh geh jơh ală jơnau kờñ ai tơlik, mơya bơt bơtàu ƀòn lơgar pa gơguh jơnhua neh ai gŏ ală cồng nha ngan ngồn, tơnguh niam rài kis phan bơna mờ nùs nhơm ai làng bol in.

VOV4.K’Ho- Nam 2023 kơnmờm bơta hòi tơrgùm, ngui niam bơta pràn niam chài bơh yau dê den tàng broă bơt bơtàu ƀòn lơgar tàm tiah jơi bơtiàn dồ ết nă cau tàm càr Kon Tum geh uă bơta tam gơl niam ngan. Mờ gơnoar broă là cau tờm tàm broă bơt bơtàu ƀòn lơgar pa, uă mpồl bơtiàn jơi bơtiàn dồ ết nă cau càr Kon Tum dê neh pơnđơl pràn lơh ngan tàm broă lơh broă sa tơnguh uă priă lơh geh mờ pơgồp bơnah lơh tam gơl uă ngan muh mat ƀòn lơgar dê.

VOV4.K’Ho- Nam 2023, bŭ lah gơrềng bơh bơta kal ke bal bè lơh sa, mơya tài kơnờm mờ bơta gơlam mhar tàm broă lơh geh uă bơta phan tam, ngui geh cồng nha măi mok pa tàm broă lơh sa suơn sre, priă geh bơh làng bol kòn cau K’ Ho kis tàm xã Hiệp An, kơnhoàl Đức Trọng, càr Lâm Đồng pơn jăt tai gơguh. Xã Hiệp An kung neh lơh gơs broă bơ̆t bơtàu ƀòn lơgar pa tơnguh uă jăt jơnau kờñ neh geh ai.

VOV4.K'Ho - Mờ broă crap camera jat sền broă tuh sang sồ siă, tam bơkàu ala ƀlàng tuh sang sồ siă tơrgùm is bơh đoàn viên ơruh pơnu dê mờ tiah rềp nhàr đah 2 xã Dăk Liêng mờ Dăk Nuê, kơnhoàl Lăk, càr Dăk Lăk neh gơ gơs tơlir, sàng goh, niam rlau. Bơta khat bè tuh sang sồ siă tàm tiah do neh gơmù tơn. Broă lơh do neh lơh geh cồng nha bơh sơn rờp tàm broă sền gàr tiah ơm kis, gam geh đoàn viên ơruh pơnu tiah do lam lơh uă.

VOV4.K’Ho- Broă lam lơh 3 broă lơh jơnau kờñ Dà lơgar bè bơt bơtàu ƀòn lơgar pa tơngai bơh nam 2021-2025; tơrmù rƀah kơ̆ kơl jap tơngai bơh nam 2021-2025; bơtàu ơnguh lơh sa – mpồl bơtiàn tiah làng bol jơi bơtiàn dồ ết nă cau mờ tiah kơh bơnơm in tơngai bơh nam 2021-2030” gơtìp kal ke, kòl yan, jơnau gơ lam tus broă do uă ngan là tam pà kấp, tam pà gơnoar ờ hềt tus gùng tus dà, uă ir sră nggal bơto pơlam lơh broă lơh jat gơtìp kal ke. Tơngai do, mìng gam 2 nam tai là tơn jơh broă lơh jat ală broă lơh tơngai bơh nam 2021-2025. Den tàng pal geh broă lơh bơtàu tơnguh mhar lơi nàng bơsong lài ngan ală bơta kal ke, bơta ờ hềt di pal mờ bơta ờ niam tàm tơngai pa do”.

VOV4.K’Ho- Đảng viên Y Phen Niê, kòn cau Mnông, 37 sơnam, kis tàm ƀòn Kuốp, xã Dray Sáp, kơnhoàl Krông Nô, càr Dăk Lăk. Uă nam do, bal mờ broă lơh gơs jăk chài gơnoar broă Củ tịc Mpồl Cau lơh broă sa xã Dray Sáp, Y Phen Niê gam sùm lam lài tàm ală broă bơtàu tơnguh lơh sa, tơn jơh jơgloh tơmù rơƀah mờ pơgồp bal tàm broă bơ̆t bơtàu ƀòn lơgar pa tàm xã dê. Mờ ală cồng nha neh lơh geh tàm ală broă lơh, 5 nam tơn bi geh Mpồl Cau lơh broă sa càr Dăk Lăk jờng rơ là cau tàm mpồl cau lơh broă sa jăk.

VOV4.K’Ho- Bau gờñ mờ bau mờ cau jơi nòi rềp bal kung gam geh sơl tàm bàr pe tiah làng bol jơi bơtiàn dồ ết nă cau tàm càr Dăk Lăk dê. Ală nam do, bulah gơnoar atbồ mờ ală ƀan, ngàñ geh gơrềng neh pơnđơl pràn lơh ngan mblàng yal nàng tơrmù ƀà, kơryan mơya tus tŭ do bơta geh ngan do kung gam gơlik geh gơlam tus uă bơta aniai. Lơh jat Rơndăp broă lơh “Tơrmù ƀà uă ngan bơta bau gờn mờ bau mờ cau jơi nòi rềp bal tàm tiah làng bol jơi bơtiàn dồ ết nă cau”, pa do, Mpồl lơh broă Jơi bơtiàn càr Dăk Lăk neh pơgồp bal mờ Ủy ƀan Ñân zân ală tiah sơlơ tơnguh broă mblàng yal nàng tơrmù ƀà bơta bau gờñ.

VOV4.K’Ho- Mờ tơngume “Brê bơnơm dờng ơning ơnàng Tây Nguyên– Bơta niam chài tơrgùm bal”, bơh ngai 29/11 tus ngai 01/12 tàm ƀòn dờng Kon Tum, càr Kon Tum geh bơyai lơh Ngai chờ Niam chài, Tàp pràn să jan mờ Lòt nhơl ală jơi bơtiàn dồ ết nă cau dơ̆ 1 nam 2023. Dùl ròt ală broă lơh niam chài cèng bềng bơhiàn niam chài niam bơnĕ ngan bơh ù tiah Tây Nguyên kah yau dê neh jờng rơ ală bơta kwơ niam chài bơh yau niam bơnĕ ngan bơh ală jơi bơtiàn tàm tiah Tây Nguyên dê, mơkung yal tơngĭt, hòi jà lòt nhơl.