Tơngai do, jơh gùt càr Dăk Lăk geh 78 tàm 151 xã ƀòn lơgar pa, 5 xã ƀòn lơgar pa gơguh jơnhoa, 1 anih lơh broă kâp kơnhoàl (Buôn Ma Thuột) lơh gơs kơnòl broă bơ̆t bơtàu ƀòn lơgar pa. Jơnau kờñ tus jơh nam 2025, Dăk Lăk geh 100 tàm 151 xã, 4 anih lơh broă kâp kơnhoàl lơh geh tơl broă jàu bơ̆t bơtàu ƀòn lơgar pa…

Nàng lơh geh jơnau kờñ geh 100 xã ƀòn lơgar pa tàm nam 2025, Dăk Lăk pơn jăt tai tơngguh uă rlau tai bơta gĭt wă, gơnoar broă, kơnòl bơh kâp ủy, gơnoar ătbồ ală kâp, mờ jơh ală anih lơh broă cíñ trị dê tàm bơ̆t bơtàu ƀòn lơgar pa, tơngguh uă cồng nha srơh tàm pơrlòng “Dăk Lăk tơrgùm bal pràn bơ̆t bơtàu ƀòn lơgar pa” tơngai bơh nam 2021- 2025; pơn jăt tai kơlôi sơnơng, kờp sền nền wơl, lơh sir ală gùng dà broă lơh adăt boh lam dong kờl bơ̆t bơtàu ƀòn lơgar pa; di tŭ tă bơsong kal ke, bơta gơkòl, lơh mhar tŭ tơngai lơh, geh cồng nha Broă lơh.