Đơs tàm dơ̆ tìp mat, ala mat kwang bàng Đảng, Dà lơgar, Tổng Ƀí thư, Củ tịc lơgar ồng Tô Lâm jơh nùs jờng rơ mờ hờn chờ Kông đoàn Viên cức Việt Nam neh bơyai lam lơh jat niam srơh mờ 150 nă cau pơn rơ gơguh jak tàm srơh “tă pơgồp jơnau đơs jak, drơng broă niam” geh jờng rơ.

Tổng Ƀí thư, Củ tịc lơgar ồng Tô Lâm đơs sùm, ală cau pơn rơ gơguh jak tàm dơ̆ tìp mat do ngan là ală krơh niam pơn rơ jak ngan, jơh nùs ngan, khin cha kơlôi, khin cha lơh, khin cha kong kơnòl, khin cha tam gơl pa bơceh lơh, lơh broă lơh geh cồng nha uă, bơta niam uă; tơryang tơryồng, geh kơnòl uă tàm broă lơh; jơh nùs, jơh bơta pràn tài kơnòl broă bal, drơng broă Dà lơgar, drơng broă làng bol.