Pơrjum nàng kờñ sền sơ wì, sồr lơh ală broă tơnơ̆ pơrjum dơ̆ 13 mờ cribơyai ală broă lơh, pơn jat tai tă bơsong kal ke, kòl yan, tơnguh mhar tơngai lam lơh ală broă lơh, rơndap broă. 

Đơs mut pơrjum, Thủ tướng ồng Phạm Minh Chính đơs loh, tus tŭ do, mat ală rơndap broă lơh mờ Mpồl sồr lơh jat sền geh 40 rơndap broă lơh dờng tàm khà kờp jơh 92 rơndap broă lơh dềt tàm 3 broă là Gùng ù gờl, gùng rơndeh ồs mờ gùng rơndeh par, lòt gan ù tiah 48 càr, ƀòn dờng gơ wèt dà lơgar. Thủ tướng đơs nền, bơh tŭ do tus lồi nam 2025, mìng gam mờr 15 nhai tai gời, khà broă là uă ngan. Den tàng, Thủ tướng sồr pal criboyai broă lơh sơlơ tơnguh mhar tơngai lam lơh, gàr bơta niam ală rơndap broă lơh; ngui ală mờng chài kuơmàng bơh rơndap broă lơh gùng che đèng 500kV che 3.