Thủ tướng sồr càr Lạng Sơn lòt lài tàm broă lam lơh mpồng tiah nhàr lơgar ngăc ngar tàm Mpồng tiah nhàr lơgar Hữu nghị mờ bơta ơnàng 14 bơnàng gùng rơndeh mờ tơnơ̆ hơ̆ pơn jat lơh rề ơnàng tus ală mpồng tiah nhàr lơgar, tiah ndai dê; kwang đơng lam bồ ală tiah jơh nùs cribơyai mờ đah lơgar Lo nàng lam lơh jat jơnau ring bal neh lơh geh bơh kwang đơng lam bồ kấp dờng 2 lơgar dê. Ƀộ Priă jền tàm pơn ring kes priă dà lơgar nàng ai kơnòl broă lơh mpồng tiah nhàr lơgar ngăc ngar đah Lạng Sơn mờ Quảng Tây, lơgar Lo; ală ƀộ, gah broă jơh nùs tus bal, lơh broă jơh nùs jơh tồr.

Thủ tướng đơs sùm Lạng Sơn pal sền gròi lơh niam ngan broă lơh sền gàr Dà lơgar, bơta lơngăp lơngai, lơh pràn broă lơh lơh broă mờ lơgar ndai, sơlơ tơnguh tai kă bro phan, tơnguh uă bơta gơtùi lơh broă, lơh jat adat boh lam tàm tiah nhàr lơgar, mpồng nhàr lơgar, lơh gùng tiah nhàr lơgar ring lơngai, lơh bơyô bal, lơh broă bal, bơtàu tơnguh.