Do là dơ̆ nàng ală Kwang đơng lam bồ mpồl APEC tìp bal, tam gơl bal mờ kwang bàng ala măt kấp dờng bơh git nđờ rơbô mpồl lơh sa kă bro geh pơnrơ ngan câu Á – Thái Bìñ Dương dê bè ală gùng dà bơtàu tơnguh pa, bơta niam mờ bơta lòng geh ai gơwèt mờ tiah do bal mờ ai geh gùng dà broă lơh pràn ai broă lơh broă bal mờ bơtàu tơnguh in.

Đơs tàm Pơrjum, Củ tịc lơgar ồng Lương Cường đơs sùm mpồl bơtiàn mpồl lơh sa kă bro gơtùi pơgồp bal geh cồng nha tàm ờ uă gah broă, hơ̆ là broă lam lài tam gơl pa broă kă bro, lơh sa jăt gùng dà tơlir, gơlòt bal, tam gơl sồ…; tơnguh bơcri priă ai broă kơlôi sơnơng mờ bơtàu tơnguh in, lơh pràn broă bơtàu tơnguh mờ ngui ală bơta phan măi mok pa nàng jòi geh cồng nha ai ală broă lơh jal mhar tàm dunia dê. Củ tịc lơgar đơs sùm, lơgar Việt Nam lơh sùm jăt ală jơnau pal jăt, nùs nhơm lài kung bè tơnơ̆, lơh geh sùm bè bơta khăt gơboh krơi is, lơh tờm is, lơh pràn is, uă bơta, uă gah broă, tài bơta ring lơngai, lơh broă bal mờ bơtàu tơnguh.