Tus chờ bal mờ làng bol ƀòn 8 tàm Ngai chờ Tam klăc dờng gùt jơi bơtiàn, Thủ tướng ồng Phạm Minh Chính ala măt Kwang đơng lam Đảng, Dà lơgar, pơyoa tus làng bol jơnau niam să đềt mềr, jơnau còp să pràn kơl dang bal mờ jơnau chờ gờm niam bơnĕ ngan.

Thủ tướng ồng Phạm Minh Chính kơ̆p kờñ mờ pin dờn, làng bol kis tàm ƀòn 8 mờ càr Lạng Sơn ngui nùs nhơm tam klăc tàm tơl ƀòn, ƀòn drà dềt, kơnhoàl, càr, gùt lơgar bal mờ ală lơgar mờ ală phan geh lơh mùl màl. Bal mờ hơ̆ là lơh jăk bơta git gơ̆p “Đảng đơng lam, Dà lơgar atbồ, làng bol lơh tờm”, lơh pràn “Tam gơl pa nàng lơh pràn, bơceh lơh nàng brồ guh ngài, tơrgùm bal nàng bơtàu tơnguh, tam klăc nàng geh tai bơta pràn”, lơh geh cồng nha tơl ală bơta ală jơnau kờñ, kơnòl broă nam 2024, ai geh bơta pràn bal mờ bơnàng jă kơl jăp nàng bơtàu tơnguh mhar, kơl jăp tàm tơngai tus, rài kis phan bơna, nùs nhơm bơh làng bol nam tơnơ̆ uă rơlao mờ nam lài.