Dơ̆ lơh broă geh tơngume bè broă lam lơh jat Jơnau lơh nền tàm pơrjum dờng dơ̆ 13 bơh Đảng dê mờ pơrjum dờng Đảng ƀộ ƀòn dờng Hà Nội dơ̆ 17 tơngai lơh broă bơh nam 2020 tus nam 2025, broă pơlam lơh jat Jơnau sồr sồ 35 ngai 14/6/2024 bơh Ƀộ Cíñ trị dê bè Pơrjum dờng Đảng ƀộ ală kâp, wèt tus Pơrjum dờng cau ala mat gùt lơgar dơ̆ 14 bơh Đảng dê.

Đơs tus kơnòl broă tàm tơngai tus, Tổng Ƀí thư, Củ tịc lơgar ồng Tô Lâm sồr, ƀòn dờng pal jơh nùs tơrgùm lam lơh uă broă lơh pràn mhar lơh gơs, bal mờ cồng nha lơh geh jơnhua ngan rlau jơh dilah gơtùi, tàm hơ̆ mhar lơh gơs ală broă jàu, broă rơndap lơh neh đơs tàm Jơnau lơh nền Pơrjum dờng Đảng ƀộ ƀòn dờng dơ̆ 17, tơngai lơh broă bơh nam 2020 tus nam 2025. Tổng Ƀí thư, Củ tịc lơgar ồng Tô Lâm sồr ƀòn dờng Hà Nội tơrgùm ngui geh cồng nha tơl bơta priă jền nàng bơtàu tơnguh; ai lơh sa tiah drà lơh bơta gơn kơnờm, pơgồp bal mờ bơtàu tơnguh niam chài, bơt bơtàu cau Hà Nội niam chài, gơguh jak, pơgồp bal bơnĕ bơnài ù tiah bơtàu tơnguh đah tiah drà mờ ƀòn lơgar jat gùng dà tam gơl pa, gơguh jak, lơh ngan gơ gơs là ƀòn dờng tàm tơrbŏ bal gùt plai ù.