Hìu bơsram Đại họk Tây Nguyên tŭ do geh rlau 9 rbô 500 nă kơnòm bơsram, cau bơsram dờng; bơto 5 gah tiến sĩ, 12 gah thạk sĩ mờ mìng gah kâp dùl, 37 gah đại họk. Bal mờ hơ̆, hìu bơsram gam lơh jăt broă lơh kham sơm kòp mờ drơng làng bol in tàm Hìu sơnơm Đại họk Tây Nguyên.

Đơs tàm dơ̆ sơnđờm mŭt nam bơsram pa, Tiến sĩ ồng Nguyễn Thanh Trúc, Kwang ătbồ Hìu bơsram Đại họk Tây Nguyên pà gĭt, hìu bơsram pơn jăt tai tơngguh tai broă lơh ătbồ broă đại họk; pồ tơl rơndăp tăp sèng mpồl jăt gùng dà lời wơl dồ êt nă, lơh broă gơtùi mờ geh cồng nha; lơh sir ală jơnau neh lơh nền tơmŭt bal hìu bơsram Kau đẳng Lơh pơgru Dăk Lăk tàm hìu bơsram Đại họk Tây Nguyên; rơcăng ală bơta nàng lơh đại họk kơnhoàl ù tiah lài mờ nam 2030. Hìu bơsram kung rơ̆p sền gròi rlau tai tus ală broă bơto bè broă lơh sa sươn sre măy mŏk pa, măy mŏk kơlôi sơnơng phan kis jăt Ală jơnau neh lơh nền bơh Ƀộ Bơto Bơtê dê bè “Lơh Anih tờm bơto jak ngan tàm ƀòn dờng Buôn Ma Thuột mờ ƀòn dờng Dà Làc”.