Đơs sơnđờm mut lơh  broă, Tổng Ƀí thư ồng Tô Lâm jờng rơ uă ngan Jơnau rcang cih yal bơh Mpồl dềt dê tơl làm đau mờ geh uă bơta pa, mơkung đơs sùm: bơh kơlôi sơnơng bơh sơn rờp sră nggal pà gŏ Mpồl dềt rcang lài niam ngan, geh uă tơngume pa pơndrờm mờ ală jơnau yal lài, mơya pơndrờm mờ gơnoar bơh Pơrjum dờng dơ̆ XIV dê jơnau rcang cih ală sră nggal tàm hơ̆ geh jơnau yal cíñ tri, jơnau yal lơh sa mpồl bơtiàn pal pơn jat tai tơnguh gơnoar uă rlau tai.

Ƀộ Cíñ trị, Ƀan Ƀí thư neh ring bal rơndăp broă rài pa, rài bơtàu tơnguh pas pràn bơh Dà lơgar dê bơh Pơrjum dờng dơ̆ XIV bơh Đảng. Do kung là broă lơh pa tàm broă lơh ală sră nggal geh Dà lơgar 10, ală kwang bàng Ƀộ Cíñ trị, Ƀan Ƀí thư mờ ală kwang bàng lài do đơng lam Đảng, Dà lơgar ring bal uă ngan. Tổng Ƀí thư tơngkah, kờñ lơh jat geh ală jơnau kờñ do pal geh bơta lơh ngan uă ngan, rlau mờ bơta bè ờs, gơ jal mờ tŭ tơngai, dùl nùs nhơm bal, tam klăc bal mờ pal geh ală broă lơh bơtàu tơnguh mhar nàng lòt gùng lơyah, wă bồ lài, pleh mờ bơta ai geh jơnau kờñ mơya ờ gŏ lơh jat ờ.