Tàm càr lơgar Bắc Kinh, ồng Phan Đình Trạc mờ Mpồl neh tìp măt kâp dờng ồng Lý Hy, Ƀí thư Anih duh broă Sền swì Lơh glài Đảng Kộng sản Dà lơgar Lo; pơrjum bơyai mờ ồng Trần Văn Thanh, Ƀí thư Anih duh broă Cíñ trị kơrnoăt boh lam Đảng Kộng sản Dà lơgar Lo; lơh broă mờ kwang đơng lam bồ Anih duh broă Sền swì Lơh glài Dà lơgar, Anih duh broă Jăt sền Dà lơgar Lo.

Tàm ală dơ̆ tìp măt kwang bàng kâp dờng, Kwang đơng lam bồ 2 gah dê đơs sùm jơnau gơtha is ồn kwơmàng bơh ală dơ̆ lòt còp 2 gah bơh Kwang đơng lam bồ dờng ngan rlau jơh bơh bàr Đảng, bàr lơgar dê mờ pa do ngan rlau jơh là dơ̆ lòt còp lơgar Lo lơh geh cồng nha ngan bơh Tổng Ƀí thư ồng Tô Lâm dê; jờng rơ ngan ală broă bơtàu tơngguh kwơmàng, ngan ngồn, tơl làm bơh gĭt gơ̆p 2 Đảng, bàr lơgar dê tàm ală broă, ngan là tìp măt lơh kwèng kwang bàng kâp dờng geh lơh sùm, lơh broă bal lơh sa, kă bro phan mờ bơcri priă gơguh tai pràn ngan, lơh broă bal lòt nhơl mờ tìp măt lơh kwèng bal làng bol geh lơh duh hồl, ai tơl bơta gĭt gơ̆p Việt Nam mờ Lo in bơtàu tơngguh tus gơnoar broă dờng pa.