Nàng lơh jat geh cồng nha kơnòl broă nam bơsram 2024-2025 mờ gùng dà broă lơh “Ai kơnòm bơsram, cau bơsram dờng lơh tờm, Cau pơgru là bơta gơn kơnờm, Hìu bơsram lơh anih dong kờl, Hìu bơnhă là anih kơldìng, Mpồl bơtiàn là bơnàng jă”, Thủ tướng Cíñ phủ sồr Ƀộ Bơto bơtê mờ Bơsram tơrgùm kờp sền, tam gơl, bơtơl, lơh sir broă lơh, broă dong kờl yal mờ kấp geh gơnoar in ai lơh jat mờ ai lơh jat jat gơnăp gơnoar nàng lơh geh adat boh lam ai broă tơnguh uă rlau tai cồng nha bơto bơtê mờ bơsram, ngan là cồng nha bơto bơtê bơh cau pơgru dê tàm jơh ală Hìu bơsram bơto bơtê mờ bơsram, jơh bal hìu bơsram dà lơgar mờ hìu bơsram làng bol dê.

Sơlơ tơnguh tai lam lơh geh cồng nha, pràn kơl dang rlau tai tam gơl sồ tàm broă lơh atbồ dà lơgar bè bơto bơtê mờ bơsram tàm ală tiah dê, lùp sền, lòt sền ală tơngume atbồ dà lơgar bè bơto bơtê mờ bơsram tàm gơnăp gơnoar, kơnòl broă, gàr niam jơnau sồr, gơtùi lơh jat mờ geh cồng nha.