Đơs tàm ngai chờ, Phó Thủ tướng ồng Nguyễn Hoà Bình tơngŏ bơta chờ hờp tŭ gŏ ală cồng nha mờ ƀòn Ia Nueng neh lơh geh tàm nam do. Phó Thủ tướng jờng rơ làng bol neh tam klăc, jơh nùs ngui jak chài măi mok pa tàm broă lơh sa, bơtàu tơnguh rài kis, pơgồp bơnah kwơ màng tàm broă bơt bơtàu ƀòn lơgar pa tàm tiah do dê.

Phó Thủ tướng ồng Nguyễn Hòa Bình sồr ală anih lơh broă cíñ trị mờ làng bol ƀòn Ia Nueng, xã Biển Hồ, ƀòn dờng Pleiku, pơn jat tai lơh jat niam bơhiàn yau, tam klăc bal lơh geh cồng nha ală Jơnau lơh nền tàm pơrjum bơh Đảng mờ ală kơnòl broă lơh sa- mpồl bơtiàn tơngai bơh nam 2020-2025, lam lơh srơh tàm pơrlòng gờm chờ Pơrjum dờng Mặt trận Dà lơgar Việt Nam dơ̆ X mờ dong kờl cau geh rài kis kal ke. Mơkung sơlơ tơnguh tai prap gàr niam chài jơi bơtiàn; lơh jat niam làng bol lơh tờm tàm ƀòn lơgar, bơt bơtàu bơta pin dờn mờ bơta ring bal, wèt tus ală dơ̆ tĕ khà tơngai lơh broă bơh nam 2025-2027 mờ Pơrjum dờng Đảng ală kấp, pơgồp bơnah bơt bơtàu ƀòn Ia Nueng ngai sơlơ pas niam.