Tàm sră pơyoa Củ tịc Thượng viện ồng Sekiguchi Masakazu mờ Củ tịc Hạ viện ồng Nukaga Fukushiro in, Củ tịc Quôk hội ồng Trần Thanh Mẫn pin dờn, mờ mờng chài li la uă ngan mờ bơngă pin dờn bơh he dê, 2 nă Củ tịc rơ̆p đơng lam bồ Thượng viện, Hạ viện lơgar Nhờk pơn jat tai lơh geh uă cồng nha dờng ngan, pơgồp bơnah tàm bơta bơtàu tơnguh pas gơs mờ ngai sơlơ tơnguh gơnoar broă bơh lơgar Nhờk dê tàm tiah pơrjum ală lơgar.

Củ tịc Quôk hội ồng Trần Thanh Mẫn chờ hờp dờp gŏ bơta gĭt gơ̆p “Lơh broă bal kwơ màng tơl làm tài ring lơngai mờ pas gơs tàm câu Á mờ tàm dunia” đah Việt Nam mờ Nhờk gam bơtàu tơnguh niam bơnĕ tàm jơh ală gah broă, mờ bơnàng jă pin dờn cíñ trị uă bal mờ bơta tam klăc bal kah yau jŏ rài, bơta rềp mềr bè niam chài mờ bơta ndrờm bal bè nùs nhơm jơi bơtiàn; bơta gĭt gơ̆p đah Quôk hội Việt Nam mờ Nghị viện lơgar Nhờk tàm tơngai pa do sùm geh bơtàu tơnguh, pơgồp bơnah kwơ màng ai bơta bơtàu tơnguh pràn kơl dang, ngan ngồn bơta gĭt gơ̆p đah 2 lơgar dê.