Tàm pơrjum lam lơh jat ală Jơnau lơh nền bè broă lơh kwang bàng, Anih duh broă làng bol càr Gia Lai neh yal ală jơnau lơh nền; pồ ồng Vũ Tiến Anh lơh Kwang atbồ Cơldŭ lơh broă Anih duh broă làng bol càr; pồ ồng Đỗ Việt Hưng lơh Kwang atbồ Sở Broă rơndăp lơh mờ Bơcri priă; mờ ntrờn ồng Nguyễn Quảng Hà at gơnoar broă Phó Kwang atbồ Sở Broă rơndăp lơh mờ Bơcri priă càr Gia Lai.

Ồng Đỗ Việt Hưng, Phó Ƀí thư Thàñ ủy ƀòn dờng, Củ tịc Anih duh broă làng bol ƀòn dờng Pleiku, geh ai lơh ăt ală gơnoar broă tàm Mpồl duh broă Đảng ƀộ mờ Mpồl Lơh kơnòl broă sùm Thàñ ủy ƀòn dờng, ai lời at gơnoar broă Phó Ƀí thư Thàñ ủy ƀòn dờng mờ ntrờn lơh broă tàm Sở Broă rơndăp lơh mờ Bơcri priă càr Gia Lai. Ồng Đoàn Hữu Dũng, Kwang atbồ Sở Gùng lòt rê Jun pơndiang, geh ntrờn mut tàm Mpồl duh broă Đảng ƀộ ƀòn dờng Pleiku, at gơnoar broă Phó Ƀí thư Thàñ ủy ƀòn dờng tơngai lơh broă bơh nam 2020-2025, mơkung geh yal tơngĭt nàng Mpồl duh broă làng bol ƀòn dờng Pleiku pồ at gơnoar broă Củ tịc Anih duh broă làng bol ƀòn dờng Pleiku tơngai lơh broă bơh nam 2021-2026.