Tơnơ̆ dơ̆ wă rò mùl màl, Củ tịc lơgar ồng Lương Cường bal mờ Kwang atbồ lơgar Chile ồng Gabriel Boric Font neh lam bồ mpồl kwang bàng ala măt kấp dờng đah bàr lơgar bơyai lơh Pơrjum bơyai nàng cri bơyai ală gùng dà broă lơh pơgồp bơnah lơh jrô ơnàng, lơh geh cồng nha rơlao tai bơta git gơ̆p lơh broă bal tơl ală bơta đah bàr lơgar.

Bàr gah neh ring bal Jơnau yal bơr bal nàng lơh nền nòn rơlao tai bơta git gơ̆p tơl ală bơta đah lơgar Việt Nam mờ lơgar Chile. Bàr gah kung neh kĭ ờ uă sră nggal lơh broă bal tàm ală gah broă tăc phan mờ lơgar bơdìh, lơh sa suơn sre, sền gàr dà lơgar, lơh broă bal ală tiah mờ ờ uă gah broă kwơ màng ndai nàng ai geh bơta bơtàu tơnguh pràn kơl dang rơlao tai git gơ̆p tam klăc bal tơl ală bơta đah bàr lơgar; mờ ring bal bè broă pơn jăt tai lơh pràn broă rề ơnàng broă lơh bal mờ tàm pơgờl bal broă lơh mờng chài tàm ală gah broă di gơlan geh dong kờl bal bè sền gàr tiah kis, rơcang sơndră mờ tam gơl trồ tiah, gơguh tơlir, kơl jăp. Lơh phan geh lơh bơh broă lơh sa suơn sre, jòi phan kwơ tàm ù, tam gơl pa bơceh lơh.