Lâm Đồng geh 1 tơlak 500 rơbô nă làng bol, 47 jơi bơtiàn, tàm hơ̆ geh làng bol jơi bơtiàn dồ ết nă cau geh tus 24,5%. Ală nam do, kơnờm bơta sền gròi bơcri priă bơh Đảng mờ Dà lơgar dê bè tơl bơta, rài kis phan bơna mờ nùs nhơm bơh làng bol tàm càr đơs bal, làng bol jơi bơtiàn dồ ết nă cau đơs is ngai sơlơ tam gơl. Is ồn, dơ̆ hòi jà “Jơh gùt làng bol tam klăc bal bơt bơtàu ƀòn lơgar pa, tiah drà niam jak” neh cèng wơl uă cồng nha kwơ màng.

Tus tŭ do, priă lơh geh kờp bal tơl nă cau tàm tiah làng bol jơi bơtiàn dồ ết nă cau tàm càr Lâm Đồng neh lơh geh 45 tơlak đong dùl nam, khà hìu bơnhă rƀah uă bơta gơmù gam 3,2%. Jơh gùt càr geh 353 mpồl lơh sa kă bro bơh làng bol jơi bơtiàn dồ ết nă cau dê lơh tờm, mờ kờp jơh priă bơcri mờr 2 rơbô 800 tơmàn đong; rlau 50 mpồl lơh bal, Mpồl lơh broă bal lơh broă tàm ală gah; 13 phan bơna OCOP bơh làng bol jơi bơtiàn dồ ết nă cau lơh geh tơl jơnau sồr 3 sơrmañ.