Đơs sơnđờm mŭt dơ̆ pơrjum, Củ tịc Quôk hội ồng Trần Thanh Mẫn đơs loh, do là dơ̆ pơrjum kwơmàng ring bal uă tơnggume ai jơnau đơs nàng iăt kơno, mblàng yal lơh loh ală rơndăp broă lơh adăt geh Quôk hội cribơyai tàm mpồl mờ hìu pơrjum kung bè ală adăt rơcăng rơ̆p ring bal tàm pơrjum dơ̆ 8, Quôk hội khoă XV in.

Củ tịc Quôk hội pà gĭt, pơrjum dơ̆ 08 neh lơh geh 2/3 tŭ jiơ mờ gam geh lơh jăt di jơnau sồr tam gơl pa, di tŭ, tă bơsong kal ke, gơkòl, bơta kơryan, ai tơl priă jền, tơrgùm tơngguh uă bơta pràn ai broă bơtàu tơngguh lơh sa- mpồl bơtiàn in. Dơ̆ pơrjum do, Tổng Ƀí thư ồng Tô Lâm mờ Củ tịc Quôk hội neh geh jơnau cih đơs sơnđờm mŭt pơrjum, tàm hơ̆ đơs loh jơnau sồr tam gơl pa bè lơh adăt boh lam, geh ală cau ala măt Quôk hội dồ nùs ring bal uă.