Mpồl duh broă  bơto pơlam toh glài jàm nam 2024 neh pơrjum sền swì rơwah khà măt cau dan Củ tịc lơgar toh glài jàm lài mờ tơngai ai ală cau jàm tơl bơta niam nàng toh glài di tàm dơ̆ tơnkah 79 nam Ngai sơntờm Dà lơgar Kộng hoà Xã hội Củ nghĩa Việt Nam mờ 70 nam Ngai tơnklàs Càr lơgar Hà Nội.

Bơh nam 2009 tus tŭ do, Củ tịc lơgar Kộng hoà Xã hội Củ nghĩa Việt Nam neh 09 dơ̆ kĭ jơnau lơh nền toh glài jàm ai rơlao 92 rơbô nă cau jàm neh geh tơngai tơmàl, lơh broă, bơsram niam rê mờ hìu nhă, mpồl bơtiàn lơh làng bol geh kwơ mpồl bơtiàn dê. Nàng broă kĭ sră nggal geh lơh nền nòn, di mờ adăt boh lam, di pal mờ jơnau kờñ, jơnau kờñ bơh dơ̆ toh glài di jăt mờ gùng dà broă lơh bơh Đảng mờ Jơnau lơh nền bơh Củ tịc lơgar dê, Phó Thủ tướng Duh broă sùm Cíñ phủ ồng Nguyễn Hoà Bình sồr ală anih lơh broă gơrềng bal tơrgùm sền, sền wơl, đơs loh làng, ndrờm bal; kơlôi sơnơng nền kơrhia, nền nòn tơl nă cau mùl màl, jăt di bơta geh, jơnau cih, bơh Adăt Toh glài jàm mờ Jơnau lơh nền bơh Củ tịc lơgar dê.