Tơnơ̆ tŭ iat Mpồl duh broă Đảng Ƀộ Gùng lòt mờ Pơndiang phan yal Sră yal Jơnau neh lơh nền rơndap broă bơcri priă lơh gùng rơndeh ồs ntoat rat tiah đah tô – tiah đah jum dà lơgar mờ jơnau đơs bơh ală anih lơh broă, Ƀộ Cíñ trị dê neh cribơyai mờ đơs pơn dut do là broă lơh bơt bơtàu kuơmàng ngan mờ kờñ pal geh ngan. Jơnau kờñ bal lơh gùng rơndeh ồs ntoat mhar nàng drơng jơnau kờñ jun pơndiang, pơgồp bơnah rơndap tap sèng wơl gùng jun pơndiang tàm gùng kềng tiah đah tô – tiah đah jum dà lơgar dồ bă niam ngan rlau jơh, kơ̆ kơljap, lơh gơlik bơnàng jă, bơta gơn kơnờm ai bơtàu tơnguh lơh sa – mpồl bơtiàn in, sền gàr dà lơgar, sền gàr lơngăp lơngai, pơgồp bơnah lam lơh ngan ngồn ală jơnau lơh nền, gùng dà ai tơlik lài bơh Đảng dê bè bơcri priă lơh phan bơna gùng lòt pơndiang phan tàm broă rơndap lơh bơtàu tơnguh dà lơgar jat Jơnau lơh nền tàm pơrjum dờng dơ̆ XIII bơh Đảng dê mờ lam lơh ală rơndap ù tiah dà lơgar. Ƀộ Cíñ trị ring bal dan jơnau đơs bơh Mpồl duh broă Đảng dà lơgar dê bơh jơnau lơh nền bơcri priă lơh gùng rơndeh ồs ntoat mhar tàm gơl gùng tiah đah tô – tiah đah jum dà lơgar lài mờ tŭ Cíñ phủ yal Quôk hội in tàm pơrjum dơ̆ 8, Quôk hội khoă XV.