Tổng Ƀí thư, Củ tịc lơgar ồng Tô Lâm đơng lam mờ geh jơnau đơs sơnđờm mut pơrjum kwơ màng tàm pơrjum. Đơs sơnđờm mut pơrjum, Tổng Ƀí thư, Củ tịc lơgar ồng Tô Lâm pà gĭt, pơrjum cribơyai, tă pơgồp jơnau đơs bè 10 tơngume gơwèt 2 mpồl broă kwơ màng mờ bàr pe broă ngan ngồn.

Tàm nùs nhơm hơ̆, Tổng Ƀí thư, Củ tịc lơgar sồr Dà lơgar lời tŭ tơngai kơlôi sơnơng nàng geh ală jơnau đơs di pal ngan, đơs di bơta geh ngan bơh Ƀộ, gah broă, ală tiah he dê. Đơs bè ală broă lơh kờñ pal lơh tơn tàm tơngai tus, Tổng Ƀí thư, Củ tịc lơgar ồng Tô Lâm đơs loh, broă lơh jat tus geh Jơnau lơh nền tàm pơrjùm dờng dơ̆ XIII bơh Đảng dê là jơnau kờñ dờng ngan rlau bơh jơh gùt Đảng, jơh gùt làng bol, jơh gùt ling klàng he dê tàm nam 2025; là bơnàng jă lơh tus geh ală jơnau kờñ dờng màng 100 nam bơh bơta đơng lam bơh Đảng dê mờ wèt tus 100 nam tơnggơs Dà lơgar.