Đơs sồr lơh tàm pơrjum, Tổng Ƀí thư ồng Tô Lâm jờng rơ ală cồng nha tơl làm ngan bơh jơh gùt gah lam lơh bơ̆t bơtàu Đảng dê, bơh broă jơh nùs tă pơgồp jơnau đơs lơh sir adăt boh lam broă lơh bơ̆t bơtàu lơh niam wơl Đảng, halà broă lơh kwàng bàng ngan là kwang bàng kâp dờng màng tơl nùs nhơm niam, pràn jak lơh broă, bơngă, ndrờm pal mờ kơnòl broă…

Tổng Ƀí thư sồr, jơh gùt Gah lam lơh bơ̆t bơtàu Đảng pơn jăt tai tơrgùm tă pơgồp jơnau đơs, dan bơ̆t bơtàu mpồl lơh broă cíñ trị tơrmù, lơh broă gơtùi, geh cồng nha tàm hơ̆ gơnoar broă bơh Cau lam bồ kâp ủy dê là dờng màng ngan. Đơs loh jơnau kờñ tơrmù mpồl lơh broă  là dong mpồl lơh broă lơh broă niam rlau dồ êt cau mơya kung gam lơh gơs niam kơnòl broă geh jàu, geh cồng nha niam, wèt tus jơnau sồr dờng ngan rlau jơh là ai tơl ală bơta ƀươn ngan rlau jơh ai mpồl lơh sa kă bro mờ làng bol in. Tổng Ƀí thư kung sồr, sơrbac mhar kờp sền nền wơl ală Jơnau cih bơh Đảng dê, tam gơl bơtơl, ai lơh jăt ală jơnau cih pa bè gơnoar broă, kơnòl broă, lam lơh mpồl lơh broă, bơta gơrềng lơh broă, jơnau pal jăt lơh broă bơh kâp ủy ală anih lơh broă, mpồl lơh broă dê pal ring bal, ndrờm bal bơh Dà lơgar tus ƀòn lơgar.