VOV4.K’Ho- Tơl ƀòn lơgar Việt Nam sùm geh bềng ală bơta kwơ niam chài bơh yau niam ngan, ală phan lời wơl geh kwơ- bơta tờm lơh geh bơta kơ̆ kơl jăp, là hwềng nùs bơh tơl ƀòn lơgar Việt Nam dê. Tŭ do, tàm broă lơh bơt bơtàu ƀòn lơgar pa, bơnĕ bơnài bal đah bơhiàn yau mờ bơta pa, đah bơta yau mờ bơta pa, ală phan lời wơl niam chài gĭt nđờ rbô rài bơh làng bol ƀòn lơgar dê sùm là bơta kwơ ờ gơtùi kờp ngan nàng bơt bơtàu geh ală ƀòn lơgar tam gơl pa tŭ do dê.

VOV4.K’Ho- Neh geh tŭ geh bal tàm khà măt 62 kơnhoàl rơƀah ngan gùt lơgar dê, kơnhoàl tiah ngài, tiah làng bol jơi bơtiàn kòn cau kơnhoàl Dam Rông, càr Lâm Đồng tŭ do neh tam gơl loh làng ngan. Ờ mìng khà hìu rơbah gơmù, lơh sa mpồl bơtiàn bơtàu tơnguh, bơta lơngăp lơngai cíñ trị kơl jăp mờ ală bơta niam chài kung geh gơguh rơlao mờ lài do. Geh cồng nha do là kơnờm mờ broă lơh ndrờm bal mờ lơh geh cồng nha ală broă ai lài bơcri priă tàm tiah làng bol jơi bơtiàn kòn cau bơh Đảng mờ Dà lơgar tàm ală gah broă.

VOV4.K’Ho- Tàm tơngai bơt bơtàu ƀòn lơgar pa, càr Quảng Nam lơh pràn tŭ tơngai bơt bơtàu ală broă lơh tiah làng bol ơm kis ƀòn lơgar pa lam lài, pơgồp bơnah lơh muh mat ƀòn lơgar, gùng lòt tàm ƀòn sàng goh niam rlau. Tus tŭ do, càr Quảng Nam neh lơh 250 suơn lam lài, uă ngan tam ală bơta tờm chi sa plai geh kwơ, pơgồp bơnah dong làng bol tơnguh uă cồng nha lơh sa.

VOV4.K’Ho- Ală nam rềp ndo, bơh ală broă lơh jơnau kờñ dà lơgar bơt bơtàu ƀòn lơgar pa, bơtàu tơnguh lơh sa- mpồl bơtiàn tiah jơi bơtiàn dùl ết nă cau, phan bơna bơt bơtàu ƀòn lơgar pa, ngan là gùng lòt tàm tiah sar lơgar ngài, tiah kal ke bơh càr Gia Lai dê gam ngai sơlơ geh bơcri priă lơh dờng niam, ƀuơn ƀoài rlau tai. Geh cồng nha do, geh dùl bơnah tă pơgồp dờng màng bơh srơh làng bol pà is ù lơh gùng.

VOV4.K’Ho- Dà K’Nàng là xã gơwèt tiah ngài, tiah kòn cau kơnhoàl rơƀah Dam Rong, càr Lâm Đồng dê. Ală nam pa do, kơnờm mờ broă tam gơl bồ tơngoh tàm broă tam phan, ai uă sơntìl chi tam geh priă jền lơh sa uă nàng tam nàng tam gơl ală bă ù tam kơphe neh kra ai cồng nha tơnhào ờ uă, priă geh bơh làng bol neh gơguh uă ngan pơn drờm mờ lài do. Ờ mìng ai khà hìu rơƀah gơmù uă, mờ xã Dà K’Nàng gam mhar lơh gơs xã ƀòn lơgar pa mờ gam pơn jăt tai bơ̆t bơtàu xã ƀòn lơgar pa gơguh uă.

VOV4.K’Ho- Tàm 3 nam do, priă jền bơcri priă bơt bơtàu ƀòn lơgar pa tàm jơh gùt lơgar dê pơgap 1 tơlak 700 rơbô tơmàn đong. Bơh hơ̆, phan bơna bơt bơtàu geh lơh dờng niam, rài kis làng bol geh bơtàu tơnguh uă ngan.

VOV4.K’Ho- Tơnơ̆ rlau 5 nam lam lơh, Broă lơh tơl xã dùl phan bơna neh lơh geh bơta gơ rề uă pràn kơl dang, làm uă tàm ală tiah tàm càr Dăk Lăk dê. Tus tŭ do, càr Dăk Lăk dờp ai 143 phan bơna bơh 94 nă cau tờm phan bơna OCOP lơh geh bơh 3 tus 4 sơmañ.

VOV4.K’Ho- Là tiah geh uă làng bol ơm kis là làng bol kòn cau K’Ho, lơh sa kal ke, khà hìu bơnhă rƀah uă, mơya kơnờm gờñ tam gơl bơta gĭt wă, khin cha tus bal mờ ngui bơta gơguh jak măy mok tàm broă lơh sa mờ rài kis, tryang tryồng lơh sa, bal mờ bơta sền gròi dong kờl, bơcri priă bơh Đảng mờ Dà lơgar dê, xã Lộc Nam, kơnhoàl Bảo Lâm neh mhar ngan lik klàs rƀah, gơ gơs ù tiah geh uă bơta ƀuơn, bơta pràn mờ bơtàu tơnguh.

VOV4.K’Ho- Tŭ do, bơh Dà lơgar tus ală tiah gam mhar lơh ală broă lơh tă bơsong kal ke, sồr lam lơh jăt 3 broă lơh jơnau kờñ dà lơgar. Cíñ phủ kung neh tơlik mat 26 Mpồl lơh broă, lơh broă tơn nàng tă bơsong kal ke ai ală tiah in.

VOV4.K'Ho- Tàm xã Glar, kơnhoàl Đăk Đoa, càr Gia Lai, ală đảng viên jơi bơtiàn dùl êt nă cau sùm lơh krơh lam lài tàm ală srơh tàm pơrlòng kờñ gơboh dà lơgar, tơngŏ gơnoar broă geh kơnòl mờ mpồl bơtiàn, pơgồp bơnah bơtàu tơnguh lơh sa- mpồl bơtiàn mờ prăp gàr niam chài ờs mờng bơh yau.