Đơs tàm dơ̆ lơh broă, Củ tịc lơgar ồng Tô Lâm cih dờp, jờng rơ ngan mờ jơh nùs jờng rơ ală cồng nha lơh geh bơh broă tam lơh, cồng nha mờ ală rơnàng kwang bàng, cau ling bơh Kwan củng Rơcăng gàr kơlwàng trồ mờ Ling rơndeh par dê neh lơh geh tàm sùm nđờ jơ̆t nam do. Củ tịc lơgar đơs wih đơs wơl, Kwan củng Rơcăng gàr kơlwàng trồ mờ Ling rơndeh par là kwan củng măy mŏk ling klàng gơjăt bal mờ bơta bơtàu tơngguh lơh sa- mpồl bơtiàn bơh dà lơgar dê. Tài bè hơ̆, Kwan củng pal đơng lam mờ pơgồp bal mờ ală mpồl ndai ătbồ bơta jak chài, măy mok, bơta chài wèt tus ătbồ ù tiah kơlwàng trồ, ù tiah dờng màng king crŭ bơh Dà lơgar dê.

Củ tịc lơgar dòn kơnờm mờ jơnau kah yau khin cha jak chài mờ bơhiàn ờs mờng pơnrơ ngan bơh Ling klàng làng bol Việt Nam khin cha jak chài dê, Kwan củng Rơcăng gàr kơlwàng trồ mờ Ling rơndeh par rơ̆p lơh gơs jak ngan tơl kơnòl broă tàm tŭ tơngai pa, lơh geh cồng nha bơh broă tam lơh, cồng nha lơh geh dờng rlau tai, sùm sùm dipal mờ bơta kờñ gơboh pin dờn bơh Đảng, Dà lơgar mờ Làng bol dê.