VOV4.K’Ho- Broă lơh jơnau kờñ dà lơgar bơtàu tơngguh lơh sa- mpồl bơtiàn tiah làng bol jơi bơtiàn dồ êt nă cau mờ tiah kơh bơnơm hòi lơyah là Broă lơh 1719 geh lam lơh tàm càr Gia Lai jăt nùs nhơm sồr lơh bơh Broă lơh sồ 29 Tỉñ ủy càr dê, bal mờ jơnau kờñ tờm là bơsong ală broă jal mhar bơh làng bol jơi bơtiàn dồ êt nă cau dê. Mờ bơta đơng lam, pơlam gùng bơh ală kâp ủy đảng dê, broă lơh ờ mìng cèng wơl ală tam gơl uă ngan lơm mờ gam đơs nền gơnoar broă đơng lam kwơmàng bơh alăp kâp uỷ đảng dê tàm tam gơl pa mờ bơtàu tơngguh.

VOV4.K’Ho- Tiah làng bol jơi bơtiàn dồ ết nă cau tàm Bình Thuận geh uă phan bơna lơh geh phan bơna OCOP 3 sơrmañ. Sa tềp bơhiàn Dà lơgar nam Ất Tỵ 2025 gam tus rềp kung là tŭ tơngai tơrgùm lơh gơlik phan bơna drơng ai tơngai Sa tềp in, tàm hơ̆ geh phan bơna phan ù ƀuh Prum Sơn Hoà tàm xã Phan Hiệp mờ poăc kơnrồ ìs dồ tơngai tàm xã Phan Hoà, kơnhoàl Bắc Bình, càr Bình Thuận.

VOV4.K’Ho- Neh geh tŭ ờ ơm tàm ƀòn lơgar mờ broă lơh ƀák sĩ, mơya klau pơnu kòn cau Rơdê, Y Pôt Niê ơm tàm càr Dăk Lăk kung gam ờ gơtùi hŭi kir sơnrai kơphê tàm ƀòn lơgar dê. Sùm kah tus bơta ƀô bơkah bơkào kơphê bơnơĕ bơnài bal mờ ƀô bơkah nhŭ bơh hìu bềp, kờñ ngan mờ ală gar kơphê kwơ màng mơya ờ gơtùi dong mè, bèp tơrmù ƀà rƀah, Y Pốt Niê neh rê wơl mờ ƀòn K’La, xã Dray Sáp, kơnhoàl Krông Ana, càr Dăk Lăk nàng đềt mềr mờ kơphê jat dồ broă lơh niam ngan pa. Tơnơ̆ 4 nam sơnđờm mut lơh broă mờ kơphê mờng kwèng bơh rài pa dờng dê, Êđê Café bơh Y Pốt dê neh lơh gơ kờñ geh jơh drà kă bro tàm lơgar mờ lơgar ndai, yal sùm jơnau niam chài kơphê pơn rơ ngan bơh ƀòn K’La dê.

VOV4.K’Ho- Jơnau lơh nền tàm pơrjum bơh Pơrjum dờng Cau ala măt gùt lơgar dơ XIII Đảng dê geh jơnau kờñ tơrmù khà hìu rƀah tàm jơh gùt lơgar ơm tàm khà bơh 1% tus 1,5% mờ pơnđơl tus nam 2030 sền bal ờ gam kơnhoàl rƀah, xã rƀah kal ke ir. Ai Jơnau lơh nền tàm pơrjum Đảng dê lơh jăt tàm rài kis ngan ngồn, tàm càr Kon Tum, broă lơh tơn jơh rƀah geh lam lơh kràñ cê jơh nùs bơh bồ tơngai lơh broă tơn, ai 2 xã Mường Hoong mờ Ngọc Linh, kơnhoàl Đăk Glei dê là 2 xã rƀah ngan càr dê nàng lơh lài. Bơh gùng dà di, kwang bàng mŭt lơh bal mờ nùs nhơm geh kơnòl bơh cau đảng viên dê, 2 xã rƀah ngan rlau jơh càr Kon Tum- bơh khà hìu rƀah rlau 70%, ờ mìng klàs rƀah lơm mờ làng bol gam brồ guh pràn kơldang ngan, pin dờn lơh pas.

VOV4.K'Ho- Mờ broă lơh mùl màl jơh broă tơrlòng lơh “3 kloh” là kloh hìu, kloh gùng lòt, kloh bơnhă ồs gơs ală broă lơh mùl màl, cau ùr càr Dăk lăk gam lơh ngan pơgồp bal tàm bơnah broă lơh jăt ală jơnau kờñ bè tiah kis mờ kloh niam phan sa, tus bal mờ gơnoar atbồ ƀòn lơgar bơ̆t bơtàu ƀòn lơgar pa.

VOV4.K’Ho- Ală nam do, Mpồl Cau ling yau kơnhoàl Đăk Đoa, càr Gia Lai neh lam lơh jat uă broă lơh lơh sa, srơh tàm pơrlòng geh ngan, bè:“Cau ling yau lơh krơh niam lam lài”, “Cau ling yau dong kờl bal mờ gơ̆p tơrmù rƀah, lơh sa jak”.. Bơh hơ̆, geh ală krơh niam tàm mpồl bơtiàn, ờ mìng pơgồp bơnah bơtàu tơnguh lơh sa mpồl bơtiàn tàm tiah do dê lơm mờ gam bơto bơtê bơhiàn kăc màng ai rơnàng kơnòm să in lơh jat tai.

VOV4.K'Ho- Broă bơ̆t bơtàu ƀòn lơgar pa cèng wơl ală cồng nha niam tàm càr Dăk Nông mờ ală tiah ƀòn lơgar gơguh niam. Ală kấp, ală gah lơh broă tàm càr gam lơh ngan nàng kờñ lơh gơs ală jơnau kờñ tơngai lơh nam 2021 tus 2025, lơh geh bơta gơn kơnờm ai ƀòn lơgar bơh càr dê in bơtàu tơnguh tàm tơngai pơn jăt tai.

VOV4.K’Ho- Drim ngai 16/12, Mpồl Rơndăp broă Dà lơgar bơyai lơh pơrjum gùt lơgar tơn jơh broă lơh lam lơh bơ̆t bơtàu Đảng nam 2024, lam lơh jăt kơnòl broă nam 2025.

VOV4.K’Ho- Anih duh broă Làng bol càr Khánh Hoà pa pơyua sră Ƀộ Lơh broă, Cau ling sồt să mờ Mpồl bơtiàn in sền swì nền nàng dan Cíñ phủ sền swì, lơh nền dờp 2 kơnhoàl: Khánh Sơn mờ Khánh Vĩnh klàs bơh kơnhoàl rƀah. Klàs rƀah là broă dờng bơh tiah kơh bơnơm càr Khánh Hoà dê, tàm hơ̆ geh tă pơgồp bơh kra ƀòn, cau geh bơngă pin dờn dê tàm ƀòn lơgar.

VOV4.K’Ho- Tàm kơnhoàl Ia Pa, càr Gia Lai, broă lơh Jơnau kờñ Dà lơgar tơrmù rơƀah kơ̆ kơl jăp gam cèng wơl ală cồng nha niam ngan. Bal mờ bơt bơtàu phan bơna, tàm jàu bơta chài tam phan pa, dong làng bol tơnguh uă cồng nha lơh sa, broă dong kờl broă lơh broă sa ai hìu bơnhă rƀah tàm kơnhoàl kung bè gam lơh jat niam cồng nha, dong làng bol kơ̆ kơl jăp rài kis mờ brồ guh lik klàs rƀah kơ̆ kơl jăp.