VOV.K’Ho- Ƀòn bơhiàn yau kòn cau K’Ho tàm thôn Klong Trao 1 sàh Di Linh, càr Lâm Đồng geh ai mut ngui tàm nhai 9 nam lài, mờ kờp jơh priă bơcri lơh 12 tơmàn đong. Do là broă lơh niam chài pơn rơ ngan, gơwèt Rơndăp broă lơh 6 (Broă lơh jơnau kờñ Dà lơgar) bè prap gàr ngui niam bơta kwơ niam chài ờs mờng niam bơnĕ jơi bơtiàn dồ ết nă cau dê pơgồp bal mờ bơtàu tơnguh lòt nhơl mpồl bơtiàn kơ̆ kơl jăp jŏ jòng tàm càr Lâm Đồng.

VOV.K’Ho – Càr Quảng Ngãi, ù tiah bềng bơhiàn kac màng neh geh tŭ là tiah lơh geh ală pha lin dờng ngan tàm 2 dơ̆ tam lơh. Rlau 50 nam neh lòt gan, bơh tiah tam lơh kac màng tàm Ba Tơ tus tiah tam lơh cui rơcai Vạn Tường, ù tiah khin cha jak chài hơ̆ tŭ do neh bềng lìu bơta pràn kis pa.

VOV.K’Ho- Trồ mang, ală ƀòn lơgar tiah nhàr lơgar tiah đah mat tơngai mut càr Gia Lai àng niam ngan kơnờm ală ƀong đèng năng lượng mat tơngai bơh Ling mpồl 15 dê lam lơh tàm broă lơh “Sơrmañ sòl àng ƀòn lơgar”. Ală ƀong đèng ờ mìng cèng wơl bơta chờ hờp, gàr niam bơta lơngăp lơngai rơndăp tăp sèng lơm mờ gam pơgồp bơnah tàm tơrbŏ ling klàng- làng bol, pơgồp bơnah lơh geh nùs nhơm sền gàr kơ̆ kơnhăp tiah nhàr lơgar bơh Dà lơgar dê.

VOV.K’Ho- Sàh Gào (gơwèt ƀòn dờng Pleiku lài do) ơm tàm tiah đah mat tơngai mut càr Gia Lai, là tiah geh uă bơhiàn kăc màng. Đòm jat niam bơhiàn dờng màng hơ̆, tŭ do bơh dùl ƀòn lơgar gam uă kal ke, sàh Gào neh mờ gam tam gơl să pràn kơl dang mờ kơ̆p kờñ bơtàu tơnguh tơl làm, gơ gơs tiah àng bè bơta bơtàu ƀòn lơgar pa mờ bơtàu tơnguh lơh sa- mpồl bơtiàn.

VOV.K’Ho- Tơnơ̆ tơngai drơng tàm mpồl ling, wơl rê wơl mờ rài kis bè ờs, cau ling yau Đặng Kháng, kòn cau Prum, ơm tàm thôn Bình Hiếu, sàh Bắc Bình, càr Lâm Đồng (gơwèt càr Bình Thuận yau) neh jơh nùs lơh broă, lơh sa, bơtàu tơnguh lơh sa hìu bơnhă, gơ gơs krơh niam pơn rơ bè lơh sa jak tàm sàh Bắc Bình, càr Lâm Đồng.

VOV.K’Ho- Neh là tiah pôs đồng kăc màng H5 jơh nùs dòn song tàm rài tam lơh, tŭ do sàh Ea M’Droh, càr Dăk Lăk gam soh tàm să he dê muh mat pa. Ală hìu ơm dờng niam geh bơt tàm bơrlŭ bal mờ hìu jòng, ală gùng lòt lă cài, gùng lòt bê tông tàm tơn jòng, rài kis làng bol dê ngai sơlơ tam gơl. Gùng lòt bơt bơtàu ƀòn lơgar pa gam cèng wơl bơta pràn kis pa ai ƀòn lơgar tiah pôs đồng nam lài do in.

VOV.K’Ho- Plai bung kơmhò tơlir bal mờ ală phan lơh geh bơh broă lơh sa suơn sre pơn rơ bè sầu riêng, prìt, pơnat tàm tiah làng bol jơi bơtiàn dồ ết nă cau tiah kơh bơnơm Khánh Hoà gam mut tàm kàl tơnhào tàm bơta trồ tiah ƀuơn ngan, lơh geh tŭ tơngai niam lam lơh OCOP mờ ai phan bơna ƀòn lơgar dê tus rềp rlau tai mờ năc lòt nhơl tàm dơ̆ lòt nhơl uă 2/09.

VOV.K’Ho- Tàm Gia Lai, uă cau kơnòm să gam rơwah sơnđờm mut lơh broă bơh ală broă lơh ờs mờng bơh ƀòn lơgar dê. Bơh gùng lòt hơ̆, khi neh lơh geh bơta pa tàm ală bơta kwơ tồn là neh roh tĕ, lơh pa phan bơna mờ ală bồ tơngoh kơlôi sơnơng, pơgồp bơnah bơt bơtàu broă lơh kơ̆ kơl jăp jŏ jòng mờ sền gàr phan lời wơl niam chài ƀòn lơgar dê. Ală lơh ngan ờ ơm rlô hơ̆ gam geh dong kờl tài ală broă lơh dong kờl geh ngan bơh ƀòn lơgar dê, pờ geh gùng lòt bềng bơta kơ̆p kơnờm tàm tơngai tus.

VOV.K’Ho- Càr Dăk Lăk gam lam lơh pràn kơl dang tam gơl sồ, sền do là broă lơh tờm nàng tơnguh uă cồng nha lơh broă bơh gơnoar atbồ ƀòn lơgar 2 kấp dê, wèt tus bơt bơtàu rài sră pơ àr gơnoar atbồ tơngai pa, lơh broă ờs mờng, drơng broă làng bol ngai sơlơ niam rlau tai. Broă ngui măi mok sồ tàm mpồl bơtiàn ờ mìng lơh geh bơta ƀuơn ngan ai broă lơh atbồ, đơng lam in lơm mờ gam dong làng bol tus rềp mhar rlau mờ jơnau yal, drơng broă mờ ală bơta kwơ geh ngan. Nàng lơh geh bơta do, Dăk Lăk sền gĭt “làng bol sồ” là bơta tờm kơ̆ kơl jăp ai bơta bơtàu tơnguh mpồl bơtiàn sồ, den tàng lơh pràn lơh jat srơh “Jơh gùt làng bol bơsram sồ”, ai măi mok tus rềp rlau tai mờ jơh tơl nă làng bol.

VOV.K’Ho- Kra ƀòn K’Brệp, kòn cau K’Ho, ơm tàm thôn Kala Kròt, sàh Bảo Thuận, càr Lâm Đồng ờ mìng lam lài tàm broă lơh sa lơm, mờ ồng là cau chài jak ngan, jơh nùs jơh tồr mờ broă tàñ phan ờs mờng bơh bơh kòn cau K’Ho dê. Mờ ồng kung jơh nùs tă pơgồp kwơ màng tàm broă lơh bơt bơtàu ƀòn lơgar pa tàm ƀòn lơgar.