VOV4.K’Ho- Tàm 2 poh geh bơyai lơh broă lơh kàl rơlô bơkang tàm càr Dăk Lăk, ală mpồl ơruh pơnu dong kờl is neh bal mờ gơnoar atbồ ală tiah lơh sir uă lơh broă lơh bơtàu, bơnah broă geh ngan. Bơta ngăc ngar, jơh nùs mờ nùs nhơm lam lài, ờ rngòt bòl glar, kal ke, ală cau dong kờl is neh lời wơl tềl lời wơl niam tàm nùs nhơm làng bol ƀòn lơgar càr Dăk Lăk dê.

VOV4.K’Ho- Ală nam do, kơnhoàl Ia Grai, càr Gia Lai neh tơrgùm bơta pràn mờ hòi jà làng bol pà ù nàng lam lơh ală rơndăp broă lơh gùng lòt. Do kung là kơnhoàl bơh sơnrờp càr dê ai broă hòi jà làng bol pà ù lơh gùng cih tàm Jơnau lơh nền tàm pơrjum Huyện ủy kơnhoàl Ia Grai dê mờ lơh ală mpồl sồr lơh is bè pà ù lơh gùng. Bơh bơta ring bal bơh ală anih lơh broă cíñ trị dê mờ bơta lơh jăt, dồ nùs bal bơh làng bol dê, uă gơl gùng lòt ală thôn, ală xã neh geh lơh gơs, dong ƀòn lơgar pa ngai sơlơ tam gơl pa.

VOV4.K’Ho- Lơh jat broă lơh lơh oh mi mờ ală ƀòn jơi bơtiàn dồ ết nă cau, ală anih lơh broă, mpồl lơh broă tàm càr Dăk Lăk neh geh uă broă lơh niam, di pal mờ kơnòl broă ờs mờng mờ bơta pràn bơh mpồl lơh broă dê, jat di mờ bơta geh ngan bơh ală ƀòn dê. Gĭt nđờ rơhiang anih lơh broă, mpồl cau, mpồl lơh sa kă bro lơh oh mi bal neh pơgồp priă jền uă ngan dong kờl làng bol brồ guh, bơtàu tơnguh bơta niam rài kis. Bơta sơlơ tam klăc bal jơh nùs mờ geh kơnòl neh pơgồp bơnah bơt bơtàu mpồl tàm klăc dờng jơh gùt làng bol.

VOV4.K’Ho- Bơh ală sồ siă sang sơr bì, uă cau ùr tàm càr Dăk Lăk neh ai ngui nàng lơh gơlik ală phan bơna, lơh geh tai priă jền. Broă lơh do gam pơgồp bơnah tàm broă sền gàr tiah ơm kis, wèt tus broă ngui sa tơlir.

VOV4.K’Ho- Tàm ală nam do, ală srơh tàm pơrlòng kờñ gơboh Dà lơgar mờ ală dơ̆ hòi jà bơh Mặt trận Dà lơgar ală kấp tàm kơnhoàl Châu Thành, càr Sóc Trăng mờ ală mpồl tàm mpồl dê lam lơh, lam lơh sùm ngui niam cồng nha lơh geh niam ngan mờ lơh gơrề jrô ơnàng làm uă tàm mpồl bơtiàn làng bol. Is ồn, broă lơh pràn lơh jat dơ̆ hòi jà “Jơh gùt làng bol tam klăc bal bơt bơtàu ƀòn lơgar pa, tiah drà niam jak” mờ broă lơh “Ai bơta pràn làng bol sền gròi rài kis ai làng bol in” neh pơgồp bơnah lơh “tam gơl” muh mat ƀòn lơgar mờ tiah drà bơh tiah do dê; rài kis phan bơna mờ nùs nhơm, bơta niam rài kis bơh làng bol dê geh bơta tam gơl loh làng ngan.

VOV4.K’Ho- Mho ngai 03/06, Củ tịc lơgar ồng Tô Lâm, Kwang ătbồ Mpồl phàu crong làng bol, Củ tịc Mpồl duh broă Sền gàr dà lơgar mờ Lơngăp lơngai neh lòt còp mờ lơh broă bal mờ kwang bàng, cau ling Kwan củng Rơcăng gàr kơlwàng trồ mờ Ling rơndeh par.

VOV4.K’Ho- Drim ngai 03/06, tàm càr Đồng Nai, Phó Thủ tướng ồng Trần Lưu Quang tus bal Dơ̆ pơrjum yal kơnhoàl Xuân Lộc lơh geh tơl broă jàu bơ̆t bơtàu Ƀòn lơgar pa gơguh jơnhoa nam 2023.

VOV4.K’Ho- Bơh ală phan sa ƀuơn ngan pah ngai, phan sa bơh kòn cau Rơđê dê tŭ do geh tơmut tàm sră cih mat phan sa tàm ală anih tăc piang ală cau lơh broă tàm ƀòn dờng Buôn Ma Thuột, càr Dăk Lăk dê, gơ hòi gơ jà gal ngan năc tus sa.

VOV4.K’Ho- Tàm nhơm càl khồm rơm hơm bơh ală ƀlàng sre kòi tơlir niam ngan, làng bol xã Ia Mơ, kơnhoàl Chư Prông, càr Gia Lai dê gam chờ chờr mờ kàl lơh kòi geh tơnhàu uă. Tơnơ̆ uă nam mìng kơ̆p kơnờm lơm tàm dà mìu yàng dê ai pà, khi neh tam gơl tus tam kòi sre 2 kàl, mờ geh tŭ là 3 kàl tơn pah nam, cèng wơl rài kis wil tơl mờ hờm ram.

VOV4.K’Ho- “Kờñ gơboh cau ndai bè kờñ gơboh să tờm he dê” uă cau dồ nă să, mpồl cau geh nùs nhơm niam tàm ƀòn dờng Pleiku, càr Gia Lai neh pà ală dơ̆ sào piang ờ sa priă nàng dong kờl cau kòp mờ hìu bơnhă cau kòp geh rài kis kal ke in. Broă lơh niam bơnĕ hơ̆ neh dong ală cau rƀah tơrmù ƀà bơnah lơi kal ke, mơkung lơh gơ rề uă ngan broă lơh dong kờl is tàm mpồl bơtiàn làng bol ơm kis tàm ƀòn dờng kơh bơnơm Pleiku dê.