VOV.K'Ho- Tơnơ̆ tŭ rê rlô jơh sơnam lơh broă, pơgru Nguyễn An Sơn ơm tàm thôn 7, sàh Cư Mgar, càr Dăk Lăk neh rê wơl mờ suơn kơphe hìu bơnhă dê mờ sơngka kơphe jat bơta chài pa ngan. Ồng ờ mìng lơh geh cồng nha lơh sa kơ̆ kơnhăp mờ gam lơh gơ rề broă lơh sơngka sền gàr phan tam tus uă hìu bơnhă lơh broă sa ndai mờ geh càr sac rơ wah jờng rơ Cau lơh broă sa Việt Nam jak nam 2025.

VOV.KHo- Tơnơ̆ rơlau 10 nam lam lơh Broă lơh jơnau kờñ Dà lơgar, ù tiah Vĩnh Long - tiah geh uă làng bol kòn cau Khmer ơm kis - neh soh tàm să he dê dùl muh mat pa. Ală gùng ù lơmbè ngai lơi tŭ do geh tam gơl mờ gùng lòt bê tông kơ̆ nhăp, ală rơkàng hìu sơging tŭ do neh geh ală hìu tam klăc dờng kơ̆ kơnhăp. Mơya, rlau jơh, bơta tam gơl loh làng ngan rlau jơh là bồ tơngoh kơlôi sơnơng mờ nùs nhơm brồ guh bơh làng bol tiah do dê.

VOV.K’Ho - Kra ƀòn ồng Điểu Dray, kòn cau M’nông ơm tàm ƀòn Bu Prăng 1, sàh Quảng Trực, càr Lâm Đồng ờ mìng lam lài, lơh krơh lài tàm lơh broă, lơh sa, ồng gam là krơh niam tàm broă sền gàr bơta niam chài kòn cau mờ srơh jơh gùt làng bol sền gàr gơnoar tờm kơnhoàl ù tiah, lơngăp lơngai tiah nhàr lơgar.

VOV.K'Ho- Sơnđờm mut lơh broă bơh ală bơta rềp mềr ngan rlau jơh, đềt mềr mờ rài kis pah ngan, uă gơ̆p bơyô kơnòm să tàm tiah kơh bơnơm, tiah jơi bơtiàn dồ ết nă cau tàm tiah tàm gùl lơgar mờ Tây Nguyên neh mờ gam joì gŏ gùng lòt bơtàu tơnguh lơh sa kơnhăp jŏ bơh broă lơh ngui, bơceh lơh mờ kă bro phan ală phan kwơ tàm ù tiah ƀòn lơgar dê. Bơh ală bơta phan tĕ geh lơh bơh brê bơnơm dê, bơh phan sa ờs mờng tus mờ sơntìl phan ròng tàm ƀòn lơgar dê, jơh ală gam geh lơh geh mờ nùs nhơm pa, pơgồp bal đah prăp gàr bơta niam chài mờ gùng dà lơh gơs phan tơlir, niam ai bơta pràn kơl dang să jan in.

VOV.K’Ho- Tàm Pơrjum dờng tàm pơrlòng kờñ gơboh Dà lơgar bơh sàh Đăk Tô, càr Quảng Ngãi pa do, mò Y H’Xuân, kòn cau Sơdàng, Ƀí thư Ci ƀộ mơkung là Lam bồ thôn Kon H’ring, neh geh jờng rơ là cau pơn gơguh jak tàm tiah jơi bơtiàn dồ ết nă cau. Mò là dùl tàm ală cau dồ nă să is pơn rơ jak pơgồp bơnah dong làng bol tàm tiah do bơt bơtàu rài kis hờm ram, tam gơl muh mat ƀòn lơgar.

VOV.K'Ho- Tàm tơnggu me Rơndăp broă Việt Nam tơlir 2025, Anih duh broă Làng bol càr Khánh Hoà pa bơyai lơh pơrjum cri bơyai “Nàng càr Khánh Hoà gơs tiah tus tơlir tơl ală bơta bơh dunia dê”. Broă lơh do neh gơhòi gơ jà broă sền gròi bơh gal cau gĭt wă jrô mờ mpồl lơh sa kă bro.

VOV.K’Ho- Tàm càr Lâm Đồng, gơnoar atbồ mờ làng bol tiah do gam lơh ngan lơh jat niam bơhiàn kăc màng, tam klăc, bơceh lơh, jơh nùs lơh ngan bơt bơtàu ƀòn lơgar ngai sơlơ pas niam, niam jak, di pal mờ bơta pin dờn mờ bơta kơ̆p kờñ bơh Đảng mờ Wa Hồ dê.

VOV.K’Ho – Dăk Lăk gam lam lơh 4 hìu bơsram kòn cau ơm bic sa tơn ală kâp tàm ală sàh tiah nhàr lơgar, mờ broă lơh pa ngan, ndrờm bal. Hìu bơsram geh kơp kơnờm cèng wơl anih bơsram sră niam rlau ai oh kòn tiah nhàr lơgar in, tơrmù bơta yah ngài đah ală tiah mờ pơgồp bơnah sền gàr kơ̆ lơngap lơngai tiah nhàr lơgar.

VOV.K'Ho- Hìu jòng kòn cau Rơđê dê sơnđan măt “Hìu Kathy dê” ơm tàm dơlam ƀòn Tuor, sơnah ƀòn Hoà Phú, tềng gùng mŭt đah Jum càr Dăk Lăk dê, neh gơgơs mờng kwèng ngan gơ wèt mờ năc lòt nhơl rềp ngài. Uă ngan năc lòt nhơl tus ndo là năc ală lơgar, tus bơh Tây, Anh, Thụy Điển…Geh ală năc lòt nhơl ơm jơh dùl nhai tơn, geh mpồl năc ơm tus dùl poh, bàr pe ngai, sền gŏ bal rài kis pah ngai làng bol dê. Khi kờñ ngan mờ ù tiah lơngăp lơngai bơh ƀòn Tuor dê bal ală bơhiàn mờng kwèng ơm kis mùl gŏ is bơh kòn cau Rơđê dê, gơlơh iang gơlơh kờñ ngan ală jơnau yal kềng bơnhă ồs mờ gơdan ngan bal mờ bol kơnòm ñŏ nhơl gùt dar ƀòn. Bol he sĕ còp bal “Hìu Kathy dê” mờ boh bơr bal mờ bi H’Belly:

VOV.K’ho- Sàh Đăk Pxi, càr Quảng Ngãi, tơnggơs tàm ală bơta tơmŭt bal ală sàh Đăk Pxi mờ sàh Đăk Long (kơnhoàl Đắk Hà, càr Kon Tum yau). Tàm ù tiah sar lơgar ngài, sàh geh mờr 90% khà kờp làng bol jơi bơtiàn dồ ết nă cau, mờ 10 thôn ƀòn gơwèt tiah kal ke uă ngan. Bulah bè hơ̆, bơta bơcri priă tơl làm bơh Dà lơgar, bơta dồ nùs bal bơh làng bol dê, tơnơ̆ tŭ tơmŭt bal mpồl lơh broă sră pơ àr gơnoar atbồ, bơt bơtàu gơnoar atbồ drơng broă, Đăk Pxi gam crăp rcang cơnđoà mut tàm tơngai bơtàu tơnguh pa.