VOV4.K’Ho- Puan nam do, càr Kon Tum neh tam pa geh mờr 18 rbô lồ brê, sơrlèt mờr 3 rbô lồ mờ Jơnau lơh nền tàm pơrjum bơh Pơrjum dờng Đảng ƀộ càr dơ̆ XVI, tơngai lơh broă bơh nam 2020- 2025 dê sồr. Ờ mìng lơh jơh broă jàu gờñ, ală tŭ lam lơh jăt jơnau lơh nền tàm pơrjum bè tam brê gơ jăt bal mờ Dơ̆ hòi jà “Lơh tam gơl bơta mờng sơning, bơta mờng lơh bơh làng bol jơi bơtiàn dồ êt nă cau dê, lơh ai làng bol jơi bơtiàn dồ êt nă cau in brồ guh lik klàr rƀah kơ̆ kơl jăp” neh dong làng bol tam gơl bơta gĭt wă bơh mus kơl brê tam gơl tus tam brê, sền gàr mờ bơtàu tơngguh brê. Chờ hờp rlau tai là kơnờm sền gàr geh dà tơlir bơh brê dê, làng bol geh bơta nàng bơtàu tơngguh lơh sa- mpồl bơtiàn bơh brê cèng wơl priă lơh geh sùm.

VOV4.K'Ho- Tây Nguyên, ù tiah pơrhê bazan bal mờ bơta niam chài uă bơta mờ brê bơnơm dờng, là tiah tơrgùm ală phan geh lơh bơh broă lơh sa suơn sre krơi is. Tơl phan ndrờm geh làng bol rơwah, ai geh nùs nhơm, lơh gơs ală bơta phan geh khà dờp OCOP. Phan OCOP Tây Nguyên ờ mìng là bơta pơnyờ să bơh làng bol tàm tiah do dê mờ gam là tiah tơrbŏ bal, ai phan bơkah bơh broă lơh sa suơn sre lơgar Việt Nam dê lik tus mờ dunia.

VOV4.K’Ho- Nam do, gĭt nđờ rơbô hìu bơnhă rƀah tàm tiah Tây Nguyên neh geh dùl tơngai sa tềp is ồn, hờm ram rlau tai, kơnờm bơta tam pà bal bơh mpồl bơtiàn mờ bơta sền gròi bơh gơnoar atbồ ală tiah dê. Ală hìu ơm pa dờng niam, ală phan pà sa tềp geh uă bơta kwơ ờ mìng dong khi in geh ală bơta wă rò sa tềp ram mhŭ lơm mờ gam cèng bơta kơ̆p kờñ bè dùl rài tơnơ̆ do niam rlau tai.

VOV4.K’Ho- Broă lơh tơn jơh rƀah tàm 2 sàh Mường Hoong, Ngọk Linh- rƀah ngan rlau jơh càr Kon Tum dê neh pà gŏ mùl màl ngan ngồn tàm lam lơh jăt Jơnau lơh nền tàm pơrjum Đảng dê, jơnau sồr bơh Dà lơgar dê tàm broă lơh tơrmù rƀah. Bơta mŭt lơh bal kràñ cê jơh nùs bơh jơh ală kâp ủy, gơnoar ătbồ tiah do dê, dong tam gơl bơta mờng sơnơng, bơta mờng lơh bơh làng bol dê, bal mờ hơ̆ là ală jơnau trồ tiah niam, ù tiah ƀươn neh dong broă lơh tơn jơh rƀah tiah do lơh geh cồng nha rlau mờ bơta kơ̆p kờñ sùm.

VOV4.K’Ho- Bòn Vi Rơ Ngheo, sàh Đăk Tăng là dùl tiah niam pa tàm broă bơt bơtàu ƀòn lơgar pa tàm tiah sar lơgar ngài bơh kơnhoàl Kon Plông, càr Kon Tum dê. Mờ cau lam lài bi A Hiền, 63 hìu bơnhă tàm ƀòn neh lơh ală bơta ờ gơtùi lơh gơ gơs ală bơta gơtùi nàng tam gơl pa is niam ngan mờ lơh geh bơta gơ kờñ bơceh lơh tàm broă bơt bơtàu ƀòn lơgar pa tàm tiah jơi bơtiàn dồ ết nă cau càr Kon Tum dê.

VOV4.K’Ho- Broă lơh jơnau kờñ dà lơgar bơtàu tơngguh lơh sa- mpồl bơtiàn tiah làng bol jơi bơtiàn dồ êt nă cau mờ tiah kơh bơnơm hòi lơyah là Broă lơh 1719 geh lam lơh tàm càr Gia Lai jăt nùs nhơm sồr lơh bơh Broă lơh sồ 29 Tỉñ ủy càr dê, bal mờ jơnau kờñ tờm là bơsong ală broă jal mhar bơh làng bol jơi bơtiàn dồ êt nă cau dê. Mờ bơta đơng lam, pơlam gùng bơh ală kâp ủy đảng dê, broă lơh ờ mìng cèng wơl ală tam gơl uă ngan lơm mờ gam đơs nền gơnoar broă đơng lam kwơmàng bơh alăp kâp uỷ đảng dê tàm tam gơl pa mờ bơtàu tơngguh.

VOV4.K’Ho- Tiah làng bol jơi bơtiàn dồ ết nă cau tàm Bình Thuận geh uă phan bơna lơh geh phan bơna OCOP 3 sơrmañ. Sa tềp bơhiàn Dà lơgar nam Ất Tỵ 2025 gam tus rềp kung là tŭ tơngai tơrgùm lơh gơlik phan bơna drơng ai tơngai Sa tềp in, tàm hơ̆ geh phan bơna phan ù ƀuh Prum Sơn Hoà tàm xã Phan Hiệp mờ poăc kơnrồ ìs dồ tơngai tàm xã Phan Hoà, kơnhoàl Bắc Bình, càr Bình Thuận.

VOV4.K’Ho- Neh geh tŭ ờ ơm tàm ƀòn lơgar mờ broă lơh ƀák sĩ, mơya klau pơnu kòn cau Rơdê, Y Pôt Niê ơm tàm càr Dăk Lăk kung gam ờ gơtùi hŭi kir sơnrai kơphê tàm ƀòn lơgar dê. Sùm kah tus bơta ƀô bơkah bơkào kơphê bơnơĕ bơnài bal mờ ƀô bơkah nhŭ bơh hìu bềp, kờñ ngan mờ ală gar kơphê kwơ màng mơya ờ gơtùi dong mè, bèp tơrmù ƀà rƀah, Y Pốt Niê neh rê wơl mờ ƀòn K’La, xã Dray Sáp, kơnhoàl Krông Ana, càr Dăk Lăk nàng đềt mềr mờ kơphê jat dồ broă lơh niam ngan pa. Tơnơ̆ 4 nam sơnđờm mut lơh broă mờ kơphê mờng kwèng bơh rài pa dờng dê, Êđê Café bơh Y Pốt dê neh lơh gơ kờñ geh jơh drà kă bro tàm lơgar mờ lơgar ndai, yal sùm jơnau niam chài kơphê pơn rơ ngan bơh ƀòn K’La dê.

VOV4.K’Ho- Jơnau lơh nền tàm pơrjum bơh Pơrjum dờng Cau ala măt gùt lơgar dơ XIII Đảng dê geh jơnau kờñ tơrmù khà hìu rƀah tàm jơh gùt lơgar ơm tàm khà bơh 1% tus 1,5% mờ pơnđơl tus nam 2030 sền bal ờ gam kơnhoàl rƀah, xã rƀah kal ke ir. Ai Jơnau lơh nền tàm pơrjum Đảng dê lơh jăt tàm rài kis ngan ngồn, tàm càr Kon Tum, broă lơh tơn jơh rƀah geh lam lơh kràñ cê jơh nùs bơh bồ tơngai lơh broă tơn, ai 2 xã Mường Hoong mờ Ngọc Linh, kơnhoàl Đăk Glei dê là 2 xã rƀah ngan càr dê nàng lơh lài. Bơh gùng dà di, kwang bàng mŭt lơh bal mờ nùs nhơm geh kơnòl bơh cau đảng viên dê, 2 xã rƀah ngan rlau jơh càr Kon Tum- bơh khà hìu rƀah rlau 70%, ờ mìng klàs rƀah lơm mờ làng bol gam brồ guh pràn kơldang ngan, pin dờn lơh pas.

VOV4.K'Ho- Mờ broă lơh mùl màl jơh broă tơrlòng lơh “3 kloh” là kloh hìu, kloh gùng lòt, kloh bơnhă ồs gơs ală broă lơh mùl màl, cau ùr càr Dăk lăk gam lơh ngan pơgồp bal tàm bơnah broă lơh jăt ală jơnau kờñ bè tiah kis mờ kloh niam phan sa, tus bal mờ gơnoar atbồ ƀòn lơgar bơ̆t bơtàu ƀòn lơgar pa.