VOV4.K’Ho- Nàng dong ală kơnòm dềt tiah kơh bơnơm Dăk Lăk in rcang tai bơta chài re dà mờ rcang lài kơryan bŭ dà, uă broă lơh đah bơdìh, bơto re dà ờ sa priă neh geh bơyai lơh tàm kàl rơlô bơkang. Broă lơh do ờ mìng rcang bơta chài nàng ală kơnòm dềt in geh kàl rlô bơkang lơngăp lơngai lơm mờ gam lơh geh tiah nhơl geh kwơ, chờ hờp, chờ hờn.

VOV4.K’Ho- Tơnơ̆ rlau dùl poh mŭt lơh broă tơnơ̆ rơndăp tăp sèng, broă lơh bơsong sră nggal sră pơ àr gơnoar ătbồ bơh ală sàh, sơnah ƀòn tàm ù tiah càr Lâm Đồng dê neh lơh broă niam sùm, lơh geh jơnau sồr drơng broă làng bol in.

VOV4.K’Ho- Ală broă lơh jơnau kờñ Dà lơgar bè tơrmù rƀah, bơtàu tơnguh lơh sa-mpồl bơtiàn tiah làng bol jơi bơtiàn dồ ết nă cau mờ tiah kơh bơnơm, bơt bơtàu ƀòn lơgar pa gam lơh jat geh cồng nha ngan ngồn tàm tiah nhàr lơgar càr Lâm Đồng (càr Dăk Nông lài do). Mờ bơta bơcri priă lơh di tiah, di anih neh dong uă ƀòn lơgar, uă sàh tiah sar lơgar ngài, tiah làng bol jơi bơtiàn dồ ết nă cau brồ guh pràn kơl dang.

VOV4.K'Ho- Ală nam pa ndo, càr Dăk Nông yau (gơ wèt càr Lâm Đồng pa) sùm lam lài tiah Tây Nguyên mờ là dùl tàm ală tiah lam lài gùt lơgar bè tơrmù rƀah. Broă lơh tơrmù rơƀah ai gŏ ală cồng nha ngan ngồn bơh broă lơh đơng lam bồ, sồr lơh tus ală broă lơh bơh ală mpồl lơh broă đảng tàm kâp hơ đơm dê, ală ci ƀộ mờ ală đảng viên tàm ƀòn lơgar.

VOV4.K’Ho- Kàl rơlô bơkang ờ mìng là tơngai ơm rlô tơnơ̆ dùl nam bơsram lơm, mờ gam là dơ̆ nàng kơnòm dềt in nhơl ñiŏ, pơlam tàp pràn să jan mờ sền gĭt ală bơta gùt dar. Tàm càr Dăk Lăk, uă broă lơh geh kwơ ngan, ƀlàng nhơl lơngăp lơngai neh geh lam lơh, cèng tus ai kơnòm dềt in dùl kàl rơlô bơkang geh kwơ ngan ngồn.

VOV4.K’Ho- Mpồl tàñ ồi ƀòn Phung (sàh Biển Hồ, ƀòn dờng Pleiku càr Gia lai) geh tơnggơs mờr 3 nam do. Do là tiah ơn prăp bơhiàn niam chài ờs mờng, bơtàu tơnguh broă tàñ ồi kòn yau bơh kòn cau Jrai dê mờ pơgồp bơnah lơh geh broă lơh mờ priă lơh geh ai cau ùr kòn cau Jrai tàm ƀòn Phung in.

VOV4.K’Ho- Càr Gia Lai gam lơh ngan tam uă tờm prìt jăt gùng dà ngui măi mok pa, nàng kờñ tơnguh uă bơta kwơ phan bơna dê mờ bơt bơtàu prìt gơ gơs bơta phan lơh geh bơh broă lơh sa suơn sre tăc mờ lơgar ndai kwơ màng. Do là cơnđoà lòt kwơ màng tàm rơndăp tăp sèng wơl gah broă lơh sa suơn sre, pơgồp bơnah bơt bơtàu ƀòn lơgar pa jat gùng dà pa ngan.

VOV4.K'Ho- Bơsram mờ lơh jăt krơh niam bơh Wa Hồ dê, ci ƀộ geh 100% nă đảng viên là kòn cau Thái tàm ƀòn Co Phung, sàh Hua La, ƀòn dờng Sơn La, càr Sơn La neh bơtàu tơnguh uă broă tơrlòng lơh sa geh cồng nha, pơgồp bal tàm broă bơ̆t bơtàu ƀòn lơgar tiah kơh bơnơm pas gơs niam bơnĕ, gơguh jăk.

VOV4.K’Ho- Sàh Cư Suê, kơnhoàl Cư M’gar tŭ do geh rlau 220 nă đảng viên, tàm hơ̆ geh 71 nă cau là đảng viên jơi bơtiàn dồ êt nă cau. Tàm khà ală ci ƀộ tàm tiah jơi bơtiàn dồ êt nă cau, geh 2 nă ùr Ƀí thư là kòn cau Rơđê hơ̆ là bi H’Đàn Niê mờ H’Đao Êban. Khi là ală cau ùr geh pin dờn kờñ gơboh tài bơh bơta pràn jak, bơta jơh nùs jơh tồr, geh kơnòl mờ nùs nhơm lơh lài tàm tơl srơh. “Jak broă hìu, lơh sir tơl broă hìu”, khi là ală cau pơgồp bơnah uă ngan prăp gàr, ngui niam bơhiàn niam chài ờs mờng bơh yau jơi bơtiàn dê, bơtàu tơngguh lơh sa- mpồl bơtiàn tàm ƀòn lơgar.

VOV4.K’Ho- Tàm broă bơt bơtàu ƀòn lơgar pa, broă sền gàr mờ ngui niam bơhiàn niam chài jơi bơtiàn dê sùm geh càr Gia Lai is ồn sền gròi. Tàm ƀòn O Ngol, sàh Ia Vê, kơnhoàl Chư Prông, săp ntas cing mồng, jơnau đơs pơnđick mờ ală bơhiàn lơh Yàng ờs mờng kung gam geh gàr niam sùm mờ lơh gơrề uă tàm mpồl bơtiàn. Mờ bơta tàm sơm bat tê bal bơh kra ƀòn, cau chài mờ rơnàng kơnòm să dê, ală bơta kwơ niam chài ờs mờng gam geh sền gàr ndrờm bal mờ bơta bơtàu tơnguh, pơgồp bơnah bơt bơtàu ƀòn lơgar ngai sơlơ pas niam, niam jak mờ cèng bềng bơhiàn niam chài jơi bơtiàn dê.