Drim ngai 13 nhai 05, tàm pơrjum Quôk hội, Cíñ phủ neh yal Jơnau lơh nền tàm pơrjum mờ tơn jŏ tơngai ờ sa priă ngui ù lơh sa suơn sre geh cih tàm Jơnau lơh nền tàm pơrjum sồ 55 bơh Quôk hội dê ờ sa priă, tơrmù priă dia ngui ù lơh sa suơn sre neh geh tam gơl, bơtơl bàr pe bơta jat Jơnau lơh nền tàm pơrjum sồ 28 dê.

 Jat hơ̆, broă pơn jat tai ờ sa priă dia ngui ù lơh sa suơn sre nàng kờñ pơn jat tai lơh geh kơrnoat boh lam nùs nhơm, gùng dà broă lơh bơh Đảng mờ Dà lơgar dê bè broă lơh sa suơn sre, cau lơh broă sa, ƀòn lơgar; mơkung dong kờl cau lơh broă sa, pơn jờng bơtàu tơnguh lơh suơn sre. Broă lơh ờ sa priă, tơrmù priă dia ngui ù lơh sa suơn sre geh lơh jat bơh nam 2001 tus tŭ do, kờp jơh khà priă ờ sa priă, tơrmù mờr 120 rơbô tơmàn đong. Mìng is tơngai bơh nam 2021- 2023 kờp bal pah nam tơrmù pơgăp 7 rơbô 500 tơmàn đong. Tàm ală bơta lơh sa kă bro tŭ do, uă jơnau đơs ring bal bè bơta kờñ pal geh tơn jŏ tai broă lơh ờ sa priă ngui ù lơh sa suơn sre tus jơh nam 2030 bè jơnau sồr đơs bơh Cíñ phủ dê.