Củ tịc Anih duh broă Mặt trận Dà lơgar Việt Nam tus bal dơ̆ sơnđờm ai ngui broă bơ̆t bơtàu gơboh kòn bơnus tàm Gia Lai
Thứ bảy, 10:19, 31/05/2025
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV4.K’Ho- Mho ngai 30/05, Củ tịc Anih duh broă Mặt trận Dà lơgar Việt Nam ồng Đỗ Văn Chiến lam bồ mpồl lơh broă lòt tus kơnhoàl Chư Păh, càr Gia Lai lơh jăt ală broă lơh dong kờl mpồl bơtiàn.
Tàm ƀòn drà dềt Ia Ly, mpồl neh sơnđờm lơh dùl nơm Hìu gơboh kòn bơnus kờp priă 80 tơlak đong ai oh Rơ Châm Quyên in là kơnòm bơsram rƀah ờ geh ù lơh sa, mè bèp lòt lơh apah. Củ tịc ồng Đỗ Văn Chiến gơn kơnờm hìu pa rơ̆p là bơnàng jă dong hìu bơnhă oh kơ̆ kơl jăp rài kis, brồ guh klàs bơh rƀah. Tàm sàh Ia Ka, mpồl lơh broă kung neh koh biài ai ngui ƀlàng nhơl bơlai kờp priă 150 tơlak đong, sờng lơh niam wơl hìu Rông mờ hìu niam chài mpồl bơtiàn mờ priă tă lơh 80 tơlak đong, pà 5 anih pờ wifi.
Dùl ngai bal, mpồl neh lòt còp, pà phan Mè Việt Nam khin cha jak chài Lê Thị Thọ in (93 sơnam), ơm tàm ƀòn dờng Pleiku, càr Gia Lai tơngŏ bơta kah rơngal jrô ơnàng làm uă gơ wèt mờ ală rơnàng neh tă pơgồp dà kơlhề ai dà lơgar in.
Viết bình luận