Càr Gia Lai mờr lơh gơs broă lơh tơn jơh hìu sèt, hìu ồm ñhăt dà mìu
Thứ năm, 13:36, 29/05/2025 Cau mblàng Ndong Brawl/VOV Tây Nguyên Cau mblàng Ndong Brawl/VOV Tây Nguyên
VOV4.K'Ho- Kờp tus ngai 26 nhai 5, broă lơh tơn jơh hìu sèt, hìu ồm ñhăt dà mìu tàm càr Gia Lai neh sơn đờm mŭt lơh 7 rơbô 631 nơm hìu, geh rơlao 93% pơn drờm mờ broă rơndăp lơh geh ai.

Tàm khà do, geh 6 rơbô 191 nơm hìu lơh pa mờ 1 rơbô 440 nơm hìu lơh niam wơl. Jăt Broă rơndăp lơh geh ai, càr Gia Lai rơ̆p dong kờl 8 rơbô 155 hìu tơn jơh hìu sèt, hìu ồm ñhăt dà mìu. Tàm hơ̆ geh 6 rơbô 562 hìu geh lơh sa mờ 1 rơbô 593 nơm hìu lơh niam wơl. Kờp jơh priă lơh là rơlao 441 tơmàn đong. Tơl nơm hìu lơh pa geh dong kờl 60 tơlăk đong; hìu lơh niam wơl geh dong kờl 30 tơlăk đong.

Ồng Dương Văn Tuấn, Củ tịc Anih duh broă làng bol sàh Ia Piar, do là dùl tàm ală sàh lam lài bè broă lơh tơn jơh hìu sèt tàm kơnhoàl Phú Thiện dê pà git: jơh mpồl lơh broă cíñ trị geh tus bal mờ làng bol nàng gờñ lơh gơs broă lơh do. Broă lơh broă lơh tơn jơh hìu sèt, hìu ồm ñhăt dà mìu ờ mìng kờñ geh hìu ơm bơh rơlao 8 rơbô hìu làng bol dê, mờ gam pơgồp bal lơh jăt jơnau kờñ tơrmù rơƀah bal mờ gàr niam rài kis broă lơh sa mpồl bơtiàn tàm gùt càr Gia Lai dê.

Cau mblàng Ndong Brawl/VOV Tây Nguyên

Viết bình luận

TIN CÙNG CHUYÊN MỤC