VOV.K’Ho- Tàm 9 nhai do, priă lơh geh bơh tac hờ lơgar ndai phan lơh geh bơh broă lơh sa sươn sre, brê bơnơm, phan tàm dà bơh càr Dăk Lăk dê lơh geh rlau 2 tơmàn 300 tơlak dolar Mỹ, gơguh rlau 6% pơndrờm bal dùl tŭ mờ nam lài.

VOV.K’Ho- Tàm Lâm Đồng, Anih tờm dong kờl bơto pơlam broă lơh sa suơn sre dà lơgar pơgồp bal mờ Sờh Broă lơh sa suơn sre mờ Tiah ơm kis càr bơyai lơh pơrjum bơyai bè atbồ, gàr niam màh sồ tiah tam, màh sồ anih dăp ơn klơm mờ broă lơh tơnguh bơta niam bơkah, rề ơnàng drà tăc phan lơh geh bơh broă lơh sa suơn sre mờ lơgar ndai.

VOV.K'Ho- Giă tiêu gơguh wơl gam lơh bàr pe nă cau lơh broă sa tàm Gia Lai rề ơnàng bă ù tam. Mơya lài mờ tŭ tam sơntìl, bơta làng bol sền gròi là jòi geh sơntìl lơh geh bơta niam, loh làng anih tờm lơh. Tàm uă tiah tăc sơntìl, bơh anih kơlôi sơnơng, cau lơh sươn tus ală anih tăc kềng gah gùng, cau lơh broă sa ƀòn lơgar rơ̆p săc rwah sơntìl bè lơi nàng gàr niam cồng nha sươn chi in.

VOV.K'Ho- Tă bơsong gơkòl tăc sầu riêng mờ lơgar ndai là tơngume tờm kwơmàng tàm Broă lơh “Kơphe cau kă bro” dơ̆ 7, bơh càr Dăk Lăk dê bơyai lơh. Ală jơnau đơs tơrgùm tàm ătbồ màh sồ tiah tam, lơh bal tăc bro mờ bơcri priă lơh gơlik phan geh bơta kwơ uă nàng tơngguh bơta kwơ sầu riêng.

VOV.K'Ho- Tam tờm sầu riêng gam pờ geh gùng bơtàu tơnguh lơh sa pa ai làng bol tàm uă sàh tiah nhàr lơgar càr Quảng Ngãi in. Ờ mìng pờ geh bă ù lơh sa, càr Quảng Ngãi gam sồr làng bol lơh sa jăt tiah tam, lơh màh sồ, pơgồp bal mờ mpồl lơh sa kă bro, rơhời tơnguh bơta kwơ phan geh lơh mờ ai geh rài kis broă lơh broă sa kơl jăp.

VOV.K’Ho- Tàm sơnah ƀòn Pleiku, Anih duh broă Làng bol càr Gia Lai mờ Tập đoàn Muyuan, lơgar Lo geh dơ̆ lơh broă bè bơcri priă lơh ală rơndap broă lơh ròng phan ngui măi mok pa.

VOV.K'Ho- Lơh gơlik kòi tàm Dăk Lăk gam pà gŏ gùng dà lơh jăt pa tŭ tơrmù sang nhơm ƀơ̆ tus bơdìh lơh ƀơ̆ ƀơl tiah ơm kis mơkung tơrmù priă tă bơcri bơh chờm bơh broă tơrmù khà sơntìl, phơng sih, sơnơm sền gàr phan tam, ngui dà tềm pềr mờ ờ huan chu ñhơ̆t rơhe. Tàm sàh Hoà Phú, càr Dăk Lăk, broă lơh tơrlòng lài tam kòi tơrmù sang nhơm ƀơ̆ tus bơdìh lơh ƀơ̆ ƀơl tiah ơm kis geh lam lơh tàm bă ù ơnàng 24 lồ tàm Anih Sơntìl broă lơh sa sươn sre Hoà Xuân. Bơta pal sền ngăc bơh broă lơh tơrlòng lài do dê ờ gơ ơm tàm broă bơtơl tai ală broă lơh gơlik, mờ là tam gơl broă ngui ală jơnau bơcri bơh chờm mờ ătbồ sươn sre.

VOV.K'Ho- Việt Nam gam geh tiah kơphe dờng ngan, mờ rlau 720 rbô lồ, tàm hơ̆ pơgăp 95% là kơphe Robusta. Kàl lơh kơphe pa do, tăc mờ lơgar ndai kơphe lơh geh rlau 1 tơlak 500 rbô tấn, priă geh bơh tăc mờ lơgar ndai rlau 8 tơmàn 400 tơlak dolar Mỹ. Bulah bè hơ̆, bơta ƀươn bè bă ù mờ khà kơphe lơh geh ờ hềt gơtùi tam gơl jơh gơgơs bơta kwơ ndrờm pal, tŭ bơta niam gar kơphe Robusta kung gam ờ hềt dipal sơl. Dùl tàm ală anih gơkòl là broă sơngka sền gàr, ơn phơng tờm chi in ờ hềt dipal.

VOV.K'Ho- Pơrjum dơ̆ 3, Mpồl Duh broă Đảng Dà lơgar khoă XIV pơn jăt tai ai tơngŏ jơnau kờñ bơtàu tơnguh mhar lòt bal mờ kơl jăp, ai bơta jăk chài – măi mok, tam gơl pa bơceh lơh mờ tam gơl tơlir lơh bơta pràn pa gam gơs jơnau kờñ sùm tàm gùng dà broă bơtàu tơnguh dà lơgar dê. Mùl màl jơh nùs nhơm do, càr Dăk Lăk gam tơrgùm bơsong gơkòl, hòi jà bơcri priă tàm ồs đèng càl, lơh bơta pràn năng lượng lơh geh wơl gơs bơta pràn gơguh lơh sa.

VOV.K'Ho- Jơnau lơh nền tàm pơrjum 36 Chính phủ dê bè lơh ƀươn sră nggal sră pơ àr gơnoar ătbồ dê gơ wèt mờ màh sồ tiah tam, màh sồ anih dăp ơn klơm gam gơ sồr Gia Lai lam lơh wơl broă ătbồ tiah lơh gơlik. Tơnơ̆ 55 ngai lơh, càr neh pà pa 43 màh sồ tiah tam, tơngguh kờp jơh gơguh tus 424 màh sồ. Jơnau lơh nền tàm pơrjum gam geh gơrềng niam tus lơh gơlik tàm ƀòn lơgar tŭ cau lơh broă sa sơnđờm sền ngăc cih wơl ală tŭ sơngka sền gàr sươn chi, mpồl lơh sa kă bro kờp dŭ rề ơnàng tiah tam phan, ai ală ƀòn lơgar den kờp sền wơl jơnau tơnggĭt mờ pơlam cau lơh gơlik.