VOV.K'Ho- Rề ơnàng brê dơm chi dờng geh sră cơng tàng FSC ờ mìng dong tơngguh uă priă jền phan bơna bơh chi brê dê lơm mờ gam tăc tus drà ală lơgar. Bulah bè hơ̆, mùl màl pà gŏ, jơh ală ƀòn lơgar, cau tam kwèng mờ brê dơm chi dềt, halà kờñ tam gơl tus brê dơm chi dờng den tìp wơl uă kal ke bè priă, bơta chài mờ broă lơh jăt ală jơnau sồr dipal ală lơgar dê.

VOV.K’Ho- Nhai do, tàm làm gùt ală ƀlàng sre tàm ală sàh Chư A Thai, Phú Thiện, Ayun Pa, càr Gia Lai neh sơn đờm mut tàm tơngai tơwès. Sap măi nggồr nggàc, ală sơn yùr kòi dum rơmit cèng wơl bơta chờ hờp chờ hờn ai làng bol lơh broă sa in. Gơtùi geh cồng nha hơ̆, bơdìh mờ bơta pơnđơl pràn bơh cau lơh broă sa dê, gam geh bơta tă pơgồp kuơmàng ngan bơh broă lơh rơbòng dà dờng drơng broă lơh sa suơn sre Ayun Hạ dê tai.

VOV.K’Ho- Tềng đăp jơnau kờñ ngai sơlơ uă mờ kal ke ngan bơh cau ngui sa dê, uă mpồl lơh sa kă bro, anih lơh gơlik phan tàm càr Dăk Lăk neh rơcăng lài tam gơl pa, lơh rơ̆ ru phan bơna, ngui niam tam gơl sồ lơh gơrề pràn kơldang măt kă bro mờ tơngguh tai pràn tàm pơrlòng bơh phan Việt Nam dê tàm drà.

VOV.K’Ho- Anih kơlôi sơnơng jak chài măi mok broă lơh sa suơn sre brê bơnơm Tây Nguyên pa yal tơngume mìng dùl lơm “Tam bơrlŭ bal sầu riêng mờ mắk ka tàm suơn kơphe: Bơta kuơ, bơta lòng mờ broă lơh măi mok”.

VOV.K'Ho- Tàm bồ bơnơm Cổng Trời An Toàn, sàh An Toàn, càr Gia Lai tàm bơta ñhoa pơn drờm mờ măt dà lềng mờr 800 thơ̆k, gùt nam mhoal glờm sùm, ờ geh điện thoại, ờ geh wifi… tàm tiah jàng lah tam cah is mờ dunia do, bàr nă ùr bơklao gam kơnòm să Võ Minh Mơ mờ Đinh Lê Tuấn neh rơwah mŭt lơh tờm quế bơh mò ồng lời wơl, lơh gơs Mpồl lơh broă bal Phan lơh sơnơm mờ Broă lơh drơng ala An Lão bơh nam 2022. Broă lơh bơh ùr bơklao do dê neh lơh geh bơta bơkah tờm quế tàm brê bơnơm dờng, cèng geh rài kis lơh broă sa pa ai làng bol bal mờ nùs nhơm pin dờn ai brê bơnơm in.

VOV.K’Ho- Làng bol lơh ka Lâm Đồng mut tàm kàl tơnhào ka Nam jŏ jòng tus jơh nhai 9 nhai he mờ tàm ală ngai do uă ơhò lơh ka neh kŭp geh uă ka nụk mờ khà dờng dong làng bol lơh ka geh priă lơh geh uă đau.

VOV.K’Ho- Tàm kơnhoàl ù tiah bơnơm Khánh Vĩnh, càr Khánh Hoà, uă broă lơh tơrlòng lài lơh bal lơh gơlik gam geh lam lơh, pờ gơlik gùng bơtàu tơngguh pa ai làng bol jơi bơtiàn dồ êt nă cau in. Do là broă lơh dipal mờ bơta mùl màl ƀòn lơgar dê, pơgồp bơnah lơh jăt ngan ngồn Broă lơh Jơnau kờñ dà lơgar bơtàu tơngguh lơh sa – mpồl bơtiàn tiah làng bol jơi bơtiàn dồ êt nă cau mờ tiah bơnơm.

VOV.K'Ho- Càr Dăk Lăk gam mŭt tàm kàl tơnhào tờm plai sầu riêng. Is mờ bơta tơngŏ ur ar, geh tŭ hăt hal bơh ală nam lài, drà kă bro nam do geh lơh rơndăp tăp sèng rơlao. Broă tam pìt blơi tam pìt tăc tàm suơn gơmù jơh, giă tăc blơi ờ tam gơl rlao, cau lòt blơi mờ mpồl lơh sa kă bro kơlôi sơnơng nền nòn tàm tơl dơ̆ kă bro phan. Bơta tam gơl do ai tơngŏ loh làng gơrềng bơh broă tăc mờ blơi, jơnau kờñ nền nòn bơh drà kă bro bal mờ tơngume adăt boh lam pa geh jăt ngui.

VOV.K’Ho- Ngai òr (07/09), mpồl lơh sa kă bro lơgar Lo neh geh dơ̆ lơh broă, lòt sền tiah tam, anih ơn kơldung mờ jòi gĭt tŭ tơngai niam lơh broă bal mờ gah phan sầu riêng tàm càr Dăk Lăk.

VOV.K'Ho- Plai màk geh bơta ƀuơn bơta pràn gơ gơs gah phan tơmàn dolar, is ồn tàm ală drà bè EU, Mỹ, Austrailia, Hàn Quốc.