Tàm 4 nhai bồ nam, càr Dăk Lăk neh ai lơh 10 rơndăp broă pa bơcri priă tàm ală gah broă (mờ kờp jơh priă lơh mờr 4 rơbô 800 tơmàn đong), tàm hơ̆ geh 4 rơndăp broă lơh gơwèt gah lơh gơs phan bơh broă lơh sa suơn sre – brê bơnơm – phan tàm dà. Ală rơndăp broă lơh do tơrgùm pràn tàm broă lơh plai chi mờ ròng phan mờ măi mok pa.

Càr Dăk Lăk kung bơyai lơh uă broă hòi jà bơcri priă, yal bơta pràn, bơta kwơ bơh càr dê bè lơh sa suơn sre, bè lơh – lơh gơs kơphe, sầu riêng, măk ka. Jăt Sờh broă lơh sa suơn sre mờ Tiah ơm kis càr Dăk lăk yal, ală rơndăp broă lơh geh càr ai lài lơh tŭ hơ ngui geh cồng nha phan geh is, tềm pềr năng lượng, đềt mềr tiah kis mờ lơh pràn lơh sa gơlòt bal, tơnguh bơrta pràn mpồl geh kwơ phan geh lơh bơh broă lơh sa suơn sre càr dê. Mờ lơh gơs mpồl geh kwơ phan geh lơh bơh broă lơh sa suơn sre là dùl tàm ală gùng dà broă lơh nàng càr Dăk Lăk ai geh bơnàng jăt lơh geh jơnau kờñ gơguh lơh sa tàm tơngai tus.