Tàm tìp mat cribơyai, ală cau ala mat pà git, bơdìh mờ dà ngui sa mờ dà ƀồm, Tiah tàm gùl lơgar mờ Tây Nguyên geh tus 94 bơta dà khoáng mờ dà duh geh is.

Jat Phó pơgru dờng - Tiến sìh ồng Nguyễn Văn Lâm, Củ tịc Mpồl phan tàm ù dà ia Việt Nam, do là bơta pràn dờng ngan nàng bơtàu tơnguh lơh sa. Nàng ngui niam bơta pràn do, ală tiah kờñ pal gờñ lam lơh rơndap ù tiah bal mờ gơ hòi gơ jà bơcri priă ndrờm pal lơh sa mờ măi mok. Tìp mat cribơyai “Atbồ, ngui mờ hòi jà bơcri priă rề ơnàng phan kuơ dà pơgồp bal mờ lơh sa suơn sre, ƀòn lơgar pa mờ năng lượng tơlir tiah tàm gùl lơgar - Tây Nguyên kung pờ tơlik tŭ niam hòi jà bơcri priă, gơ hòi jà priă jền bơh broă lơh lơh bal đah dà lơgar mờ nă să is (PPP) nàng lơh sir phan bơna gah dà, tă bơsong ală bơta gơ kòl tŭ do, wèt tus jơnau kờñ bơtàu tơnguh kơ̆ kơljap jŏ jòng sùm ai jơh gùt tiah do in.