Bơh bồ nam tus tŭ do, kòp jê ndul gơ jroh sur câu Phi pơn jat tai gơlik geh kal ke tàm uă tiah. Tus lồi nhai 4, kòp neh gơbàn tàm 26 sàh, sơnah ƀòn, pal tơp pơrguc rlau 2 rbô 100 nơm sur. Bơdìh hơ̆ tai, gah ròng phan càr Dăk Lăk gam pal kong mờ jơnau pơhìn bơh jơi virus sồt mbùng gơtă nđias serotype SAT1. Gùt lơgar đơs bal, càr Dăk Lăk đơs is kờñ pal sơlơ lam lơh ală broă lơh gròi sền kòp bơtờp, gròi sền nền nòn broă jun pơndiang phan ròng mờ phan lơh gơs bơh phan ròng gan tiah nhàr lơgar; mờ kung lam lơh ai mẫu xét nghiệm, git gŏ gờñ ală phan pin bơtờp kòp. Jat Sờh Broă lơh sa suơn sre mờ Tiah ơm kis càr Dăk Lăk, gah do gam rơcang lài jat sền nền nòn ngan bơta gơlik geh bơh kòp dê, pơlam làng bol lam lơh ală broă lơh rơcang lài kơryan kòp bơtờp di tŭ.