VOV4.K’ho- Mŭt tàm kàl prang nam do, ală gah lơh broă, ală kơnhoàl, ƀòn dờng tàm càr Dăk Nông neh mhar rơcang lơh ală broă nàng sơndră mờ prang, ờ tơl dà drơng lơh sa suơn sre mờ rài kis làng bol in.

VOV4.K’Ho- Càr Dăk Lăk pa geh jơnau yal bè cồng nha kàl lơh kơphê nam 2022- 2023. Pal sền ngăc là rlau dùl nam do, kơphê ngai sơlơ gơguh giă neh lơh gơguh khà pin dờn ai lơh sa in. Mơya jơnau do kung lơh gơguh bơta lòng ai ală mpồl lơh sa kă bro tăc phan mờ lơgar ndai in, gơ tơlik jơnau sồr uă rlau gơwèt mờ broă ătbồ rềs àr aniai.

VOV4.K’Ho- Tơlik măt bơh ngai 07/11 pa do, pang kă bro điện tử Chonongsandaklak.vn bơh Mpồl Cau lơh broă sa càr Dăk Lăk dê ătbồ geh lơh lời is ai gah lơh sa bal mờ lơh bal lơh sa in gơcèng bơta yal tơngĭt, ràng tơlik phan bơna, lơh bal ală anih lơh gơlik phan lơh geh bơh sươn sre mờ tăc uă phan lơh geh bơh sươn sre. 500 cơldŭ ràng tăc phan bơh sơnrờp tàm Chonongsandaklak.vn geh lơh nàng cau lơh broă sa in yal jơnau bè phan bơna bơh ală tŭ sih tam tus dì tŭ pik tơnhàu, ơn prăp tàm kơldung lơh gơs phan bơna.

VOV4.K’Ho- Drim ngai 19/12, tàm ƀòn dờng Buôn Ma Thuột, Sở Nông nghiệp mờ Phát triển Nông thôn càr Dăk Lăk pơgồp bal mờ Sở Nông nghiệp mờ Phát triển Nông thôn càr Quảng ngãi bơyai lơh dơ̆ cribơyai hòi jà kă bro mờ tàm tơrbŏ bal kă bro bàr pe phan bơna OCOP nam 2023.

VOV4.K’Ho- Tàm ƀòn dờng Buôn Ma Thuột, càr Dăk Lăk, Anih tờm kơlôi sơnơng Brê bơnơm tiah duh sùh iò Việt Nam pa bơyai lơh cribơyai “Lơh niam wơl ù tiah tàm càr Dăk lăk: tŭ tơngai niam mờ bơta lòng”. Tàm do, ală cau jak chài neh ai geh broă lơh lơh niam wơl ù tiah bă brê tàm broă lơh tam kơphê, tam kơphê pơgồp bal mờ lơh sa suơn sre brê bơnơm nàng gơ dờp mờ tam gơl nhơm trồ tiah.

VOV4.K’Ho- Lơh niam wơl bă brê tàm broă lơh tam kơphê, tam kơphê pơgồp bal mờ lơh sa suơn sre brê bơnơm gơdờp mờ tam gơl nhơm trồ tiah. Do là dùl tàm ală broă lơh geh đơs tàm bơyai bal tàm dơ̆ cribơyai “Lơh niam wơl ù tiah tàm Dăk Lăk: tŭ tơngai niam mờ bơta lòng” bơh Anih tờm Brê bơnơm sù ìo bơyai lơh ngai 15/12 tàm ƀòn dờng Buôn Ma Thuột.

VOV4.K’Ho- Lơh jăt ală broă lơh nàng pơgồp bal tàm broă bơtàu tơnguh kơphe kơl jăp, đềt mềr mờ tiah kis, tơngai pa do, uă cau lơh broă sa tàm càr Dăk Lăk neh tơrgùm, lơh geh uă broă ròng ngòñ sràt nàng rơcang sơndră mờ ală bơta phan lơh aniai bè: tu cuh ntê, ñui, sras… tàm tờm kơphe. Bơta do ờ mìng dong kờl lơh gơmù priă tă tàm broă lơh, sền gàr bơta pràn kơl dang să jan mờ gam gơguh bơta niam kơphe.

VOV4.K’Ho- Tàm càr Dăk Lăk, tơnơ̆ tŭ broă pà màh sồ tiah tam, màh anih ơn prăp tàm kơldung, geh lơh uă làm bă tiah tàm càr Dăk Lăk neh geh gĭt nđờ rbô tấn plai màk, plai jràng lồng, bùm lô mờ pơgăp 300 rbô tấn sầu riêng tàm càr...geh tăc uă di gùng mờ lơgar ndai, cèng wơl priă jền uă. Broă song dơ pă loh làng anih lơh gơlik, bơta niam bơkah phan lơh geh bơh sươn sre tàm ală tiah tam mờ anih ơn prăp tàm kơldung geh pà màh sồ tàm càr Dăk Lăk, neh tơngŏ loh geh bơta kwơ geh ngan mờ kơ̆ kơl jăp jŏ jòng.

VOV4.K’Ho- Drim ngai 13/12, Ủy ƀan Ñân zân kơnhoàl Tu Mơ Rông, càr Kon Tum sơnđờm lam lơh broă tam 12 rơbô tờm kơnuh sơnơm Ngọc Linh 1 sơnam tềng hơđơm mƀur brê geh is. Khà sơntìl kơnuh sơnơm do bơh Thủ tướng Cíñ phủ Phạm Minh Chính pà hìu bơnhă rƀah bơh kơnhoàl dê tàm dơ̆ lòt lơh broă tus kơnhoàl do tàm nhai 8 nam 2023.

VOV4.K’Ho- Tàm ƀòn dờng Buôn Ma Thuột, Cơl dŭ lơh broă ƀòn lơgar pa càr Dăk Lăk bơyai lơh pờ ơdŭ bơsram, bơto Broă lơh tơl xã dùl bơta phan (OCOP) nam 2023 ai 150 nă cau bơsram là ala măt mpồl lơh sa kă bro, hợp ták xã, mpồl lơh broă, ală cau tờm anih lơh sa suơn dờng mờ hìu lơh sa tàm càr dê.