VOV.K'Ho- Tàm bơta lơh broă sa sươn sre kong uă gơrềng bơh tam gơl nhơm trồ tiah dê, lơh sa kơ̆ kơl jăp jăt gùng dà hữu kơ gam gơgơs là gùng dà ờ gơtùi pleh klàs. Mờ tờm kơphê, broă tam gơl bơh sơng ka sền hoá họk tus ătbồ kòp bơtờp aniai mờ broă lơh siñ họk ờ mìng dong tơngguh uă bơta kwơ phan bơna dê lơm mờ gam sền gàr ù tiah, dà căt mờ pràn kơldang cau tam dê in. Tàm Dăk lăk, uă hìu làng bol lơh broă sa neh mờ gam lơh jăt broă lơh hữu kơ, gơgơs ală broă lơh tơrlòng lài lơh kơphê ƀòn brê bơnơm geh cồng nha.

VOV.K'Ho- Broă tus bal ală dơ̆ ràng tơlik ală lơgar bè IFFE ờ mìng nàng kờñ yal tơngĭt uă rùp hin càr Dăk Lăk in lơm mờ gam pờ ơnàng tŭ tơngai niam lơh broă bal bơcri priă, ai phan bơna broă lơh sa suơn sre pơn rơ bơh càr dê brồ guh ngài rlau tai tàm drà kă bro ală lơgar.

VOV.K'Ho- Lơh bal lơh sa gam gơs broă lơh pal geh nàng dong kờl cau tam kơphe tơrmù priă tă, geh sùm drà tăc mờ tơnguh uă bơta niam gar kơphe. Tàm sàh Ea Na, càr Dăk Lăk, uă hìu làng bol neh sơnđờm tam gơl broă lơh, tus bal broă lơh tơrlòng lài lơh bal sơnka sền gàr kơphe jăt gùng dà hữu kơ. Kơnờm bè hơ̆, cồng nha lơh geh mờ bơta kwơ phan bơna ngai sơlơ geh gơguh, pờ geh bơta gơn kơnờm bơtàu tơnguh kơl jăp jŏ ai tiah tam kơphe sàh dê in.

VOV.K'Ho- Ngai òr (28/10), tàm sơnah ƀòn Buôn Ma Thuột, càr Dăk Lăk, Anih tờm Bơto pơlam broă lơh sa suơn sre Dà lơgar bơyai lơh pơrjum bơyai “Lơh niam gơnoar broă dong kờl bơto pơlam broă lơh sa suơn sre tàm broă bơtàu tơnguh kơl jăp phan tam tờm tiah Tây Nguyên dê”.

VOV.K’Ho- Bal mờ bă ù tam kơphê lam lài gùt lơgar, càr Lâm Đồng tŭ do gam jơh nùs rề ơnàng tiah tam kơphê niam bơkah uă nàng tơnguh uă bơta kwơ phan bơna dê.

VOV.K'Ho- Dăk Lăk là tiah lơh gơlik kơphê dờng ngan rlau jơh gùt lơgar. Bơnàng jă bơta chài tam phan bơh cau lơh broă sa kơphê tàm càr dê là “dùl tờm koh cồng”, hơ̆ là dùl bơtô tam mìng gàr dùl tờm kơphê. Tơl tờm kơphê ndrờm geh koh cồng (lơngkòt) nàng tờm in căt uă ntê pơn jăt tai. Cồng nha lơh geh kơphê uă lơh geh bơh bơta ntê do. Rềp ndo, cau lơh broă sa kơphê tàm càr neh khin cha tơrlòng lơh mờ neh lơh gơtùi mờ broă lơh tơrlòng lài “uă tờm lời cồng”, sơlơ̆u wơl mờ broă lơh yau: dùl bơtô tam ròng uă tờm kơphê mờ lời ală tờm in khăt gơboh căt, gơ ai cồng nha uă rlau.

VOV.K’Ho- Tàm tŭ tơngai tam gơl gơs rài broă lơh sa suơn sre kơ̆ kơljap sùm, cau ùr Dăk Lăk gam ai gŏ gơnoar broă ngai sơlơ kuơmàng. Khi ờ mìng là mpồl lơh broă tờm tàm suơn mìr, mờ gam là ală cau cih dờp bơta chài măi mok pa, gròi sền broă tă dơ̆ ngui tàm hìu bơnhă, lơh gơ rề nùs nhơm tềm pềr mờ geh kơnòl tàm broă tam, sơngka sền gàr kơphe. Bơh ală tam gơl dềt tàm tơl suơn chi, khi neh pơgồp bơnah lơh tam gơl bồ tơngoh kơlôi sơnơng lơh sa, wèt tus rài lơh sa suơn sre tơlir, geh cồng nha mờ kơ̆ kơljap sùm.

VOV.K'Ho- Ƀộ Broă lơh sa suơn sre mờ Tiah ơm kis bơyai lơh Pơrjum sền sơwì cồng nha bơtàu tơnguh phan bơna OCOP mờ lòt nhơl ƀòn lơgar tơngai bơh nam 2021-2025, pơlam gùng dà tơngai bơh nam 2026-2030.

VOV.K'Ho- Mờ bơta ƀươn nhơm trồ tiah, ù tiah bal mờ bơta pràn gơguh tăc mờ lơgar ndai pràn kơldang tờm plai màk gam đơs nền anih ơm tàm rơndăp tăp sèng broă lơh sa sươn sre Tây Nguyên dê. Tŭ do kơnhoàl ù tiah do geh tus rlau 80% bă plai màk mờ 90% plai màl lơh geh bơh jơh gùt lơgar dê, pơgồp bơnah ai Việt Nam mŭt tàm mpồl 10 dà lơgar tăc plai màk mờ lơgar ndai khà dùl dunia.

VOV.K’Ho- Ngai òr (08/10), tàm càr Dăk Lăk, Ƀộ Broă lơh sa suơn sre mờ Tiah ơm kis pơgồp bal mờ Anih duh broă Làng bol càr Dăk Lăk bơyai lơh Pơrjum “Sền wơl lơh sa tam phan, sền gàr phan tam nam 2025 mờ lam lơh broă rơndăp lơh lơh sa nam 2026 tiah jat kềng gah dà lềng đah Jum tàm gùl lơgar mờ Tây Nguyên.